Milan ka arritur një fitore dramatike ndaj Juventusit në gjysmëfinalen e SuperKupës së Italisë, duke siguruar vendin në finale pas një ndeshjeje plot emocion dhe kthesa, shkruan POPULLI.mk
Juventusi e nisi ndeshjen më mirë, duke kaluar në epërsi me anë të golit të Kenan Yildiz në minutën e 21-të. Bardhezinjtë dominuan pjesën e parë, e cila përfundoi me rezultatin 1:0 në favor të tyre.
Megjithatë, pjesa e dytë i takoi plotësisht Milanit. Kuqezinjtë treguan lojë të organizuar dhe sulme të vazhdueshme, duke arritur ta barazonin rezultatin me një penallti të saktë nga Christian Pulisic.
Fitorja erdhi në mënyrë dramatike kur një gabim i mbrojtësit të Juventusit, Federico Gatti, rezultoi në një autogol që ia siguroi Milanit fitoren me rezultatin përfundimtar 2:1.
Me këtë triumf, Milan vazhdon në finale, ndërsa Juventusi mbetet i zhgënjyer nga eliminimi në këtë kompeticion prestigjioz.