Aleanca për Shqiptarët kërkon miratimin e një sërë ligjesh dhe ndryshimesh për të luftuar korrupsionin në disa nivele dhe thotë se gjatë periudhës së ardhshme do të angazhohet për zbatimin e tyre. Në mesin e tyre janë:

– Ligji për veting të gjykatësve dhe prokurorëve,
– Ligj për themelimin e një zyrë për konfiskimin e pasurisë së fituar në mënyrë kriminale,
– Ligj për vetingun e integritetit dhe pasurisë së personave që zgjidhen, emërohen ose ushtrojnë funksione publike,
– Ligj për parandalimin e nepotizmit nga deputetët, ministrat dhe drejtorët dhe
– Dyfishimin e investimeve publike në gjyqësor dhe prokurori.

“Jemi në gatishmëri që të bashkëpunojmë me të gjithë palët duke përfshirë edhe partitë politike, pa marrë parasysh pozitë apo opozitë, dhe me faktorin ndërkombëtarë para të cilëve këtë pako të masave e kemi prezantuar dhe besoj që nga fillimi i vitit të ardhshëm vetëm se të ketë rezultate që kjo të jetë e kapshme për qytetarët”, u shpreh Arben Taravari, kryetar i Aleancës për Shqiptarët.

Kreu i Aleancës për Shqiptarët, Taravari, thotë se pavarësisht nga pozita ose nga opozita do të angazhohet në zbatimin e këtyre masave.

“Në qoftë se vijmë, kurdo qoftë që të vijmë në qeveri, pas zgjedhjeve apo para zgjedhjeve, unë do të kisha preferuar pas zgjedhjeve të hymë në qeveri dhe ta formojmë qeverinë, natyrisht nuk do të mbesë institucion i cili nuk duhet të hetohet dhe të shihet. Faktikisht, të bëhet veting në të gjitha institucionet por para së gjithash të fillojë me drejtësinë, arsimi sipëror është një nda sferat që gjithashtu duhet veting, shëndetësia terciare patjetër, kështu që ka plot punë në këtë drejtim”, Arben Taravari, kryetar i Aleancës për Shqiptarët.

Pakoja e masave të ASH-së publikohet në ditën ndërkombëtare kundër korrupsionit dhe pak ditë pas njoftimit të ambasadores së SHBA-së, Angella Ageler, për një ekip amerikan që ka zbarkuar në Shkup për të zbardhur korrupsionin e funksionarëve të shkuar dhe të tanishëm.

adv

Hyrja në Qeveri e Aleancës për shqiptarët është e mundshme pas zgjedhjeve. Kështu sot deklaroi kreu i ASH-së Arben Taravari. Ai shtoi se prefreon që pas formimit të Qeverisë të fillojë vetingu tek të gjitha institucionet.

“Ne nuk kemi diçka të atillë, mendoj se kjo temë duhet ta lëmë kështu, nëse ka ndonjë epilog, nëse nuk ka, nuk besoj që duhet ta ekzagjerojmë. Nuk kemi diçka se hyjmë në Qeveri, kjo nuk është diçka që e kemi vendosur, kështu që nuk e kisha diskutuar, në qoftë se vijmë, kur do qoftë që vijmë, pas zgjedhjeve apo para zgjedhjeve në Qeveri, unë kisha preferuar pas zgjedhjeve të vijmë në Qeveri dhe ta formojmë Qeverinë, natyrisht nuk do të mbetet institucion i cili nuk duhet të hetohet dhe të shihet, faktikisht të bëhet veting në të gjitha institucionet” – tha Taravari.

Deri më tani kryeministri i vendit Dimitar Kovaçevski ka deklaruar se dera në Qeveri është e hapur për koalicione dhe se kanë biseduar për inkuadrimin e ASH-së në Qeveri.  Por se nuk kanë biseduar për ndarjen e resorëve që do t’i merrte ASh-ja. Ndryshe data e kongresit të paracaktuar për më 17 dhjetor do të zhvendoset për një javë, për arsye teknike.

adv

E shikoj me shqetësim lojën e ping-pongut të koalicionit të ri të kaosit, Qytetit të Shkupit dhe qeverisë së Kovaçevskit për problemet me transportuesit privat derisa të zgjidhen problemet. Realisht, si njeri, refuzoj të hyj në retorikën e akuzave dhe lëvizjeve të papjekura, ku është më e rëndësishme se sa zgjidhjet të dish se kush ishte fajtori dhe gënjeshtrat që vazhdojnë të thonë ndërsa populli vuan. Dhe një mesazh i përbashkët për koalicionin e kaosit, mos bëni politikë në kurrizin e popullit dhe jepini zgjidhje problemeve. Ju jeni autoriteti dhe keni përgjegjësinë për të zgjidhur problemet në vend të një loje ping pongu.

Këtë e theksoi kryetari i OBRM-PDUKM-së, Hristijan Mickoski, në manifestimin e sotëm solemn me temë “Shën Klimenti i Ohrit, strumbullari i shkrim-leximit maqedonas”.

Ai po ashtu i ka thënë qeverisë dhe kryesisë së Qytetit të Shkupit që të mos luajnë me inteligjencën e qytetarëve duke hedhur topin, por të fillojnë me zgjidhjen e problemeve.

“Ndaloni së luajturi me inteligjencën e këtij populli. Njëra është ajo ku është falë jush, dhe tjetra falë dorës së lehtë të nënshkrimit të marrëveshjeve të pabesë dhe ende ekziston. Të dy kanë përgjegjësi që t’i zgjidhin problemet kur takohen fshehurazi në Qeveri në vend që të përhapin gënjeshtra dhe të hedhin topin që dëmton Shkupin dhe qytetarët e Maqedonisë.

adv

Ligji për prejardhjen e pronës, si mekanizëm për luftë kundër korrupsionit, mbetet një premtim në letër. Qeveria e ka promovuar këtë mekanizëm duke e paralajmëruar në vazhdimësi por assesi të marrë hapin për ta dorëzuar nismën në Kuvend. Të pyetur nga Alsat, sot nga qeveria nuk u përgjigjën në pyetjet:

– Përse akoma nuk është miratuar ky ligj?
– Përse draft-versioni nuk është publikuar akoma për debat publik?
– A është dërguar ai draft-version në Komisionin e Venecias për mendim, ashtu siç kishte paralajmëruar në atë kohë zv/kryeministri i atëhershëm, Nikollovski?

Ky ligj do të procedohej nga kabineti i zv/kryeministrit për luftë kundër korrupsionit, i cili, pa ndonjë sqarim për arsyen, tani quhet vetëm kabineti i zv/kryeministres për politikat e qeverisjes së mirë.

“Kjo është diçka që miratohet pas 30 vjetësh. Propozimi do të ketë afat përkatës kur të gjithë do të duhet ta paraqesin pronën, do të ketë kufi të caktuar përtej të cilit do të kontrollohet, kështu që edhe Ligji do të zbatohet te të gjithë qytetarët, pa marrë parasysh nëse ata janë prokurorë, gjykatës, prokurorë ose gjykatës, ne duhet t’i zgjidhim gjërat në mënyrë sistematike, pikërisht për këtë arsye do të hapim debat të tillë dhe jemi duke punuar me shumë mund pikërisht në atë zgjidhje sistemore”, tha Lubço Nikollovski, ish zv/kryeministër për luftë kundër korrupsionit.

Versioni i përgatitur duhet të ishte bërë publik vetëm një javë pas kësaj deklarate të cilën ish zv/kryeministri për luftë kundër korrupsionit Lupço Nikollovski e kishte dhënë që në shtator të vitit 2021.

Komisioni për parandalimin e Korrupsionit i ka duart e lidhura për të hetuar pronën e funksionarëve. Ky institucion mund të kontrollojë vetëm pronën në listat anketuese të cilat vetë i dorëzojnë funksionarët. Në shumë raste, Antikorrupsioni nuk merr as listat e përditësuara të institucioneve me funksionarët që zgjidhen dhe emërohen.

“Komisioni Shtetëror vepron mbi listat pronësore të cilat funksionarët i dorëzojnë vetë, vetë paraqesin se çfarë pronë kanë. Antikorrupsioni hulumton nëse ajo pronë në listën anketuese korrespondon me pronën që e ka paraqitur në institucionet tjera. Nëse pronat janë të fshehta, nëse ata janë në emër të dikujt tjetër do të them përsëri se është i nevojshëm miratimi i ligjit për prejardhjen e pronës për të gjithë i cili do të mundësojë që qytetari në momentin e paraqitjes së pronës, pa marrë parasysh a është funksionar ose jo të tregojë prej ku i ka marrë paratë për atë pronë”, deklaroi Biljana Ivanovska, Komisioni kundër korrupsionit.

Qeveria nuk e ka bërë kurrë publik draft versionin e Ligjit për prejardhjen e pronës por flitet për një kufi prej 30 000 eurosh. Çdo pasuri mbi këtë shumë do të kontrollohet. Një institucion i posaçëm do të konfiskojë secilën pronë, prejardhja e të cilës nuk do të mund të konfirmohet.

adv