Pas ndalimit të Artan Grubit në pikën kufitare në Bllacë, sot kanë reaguar edhe nga koalicioni VLEN.

Nga atje pyesin se a do t’i japë Artan Grubi goditjen fatale Ali Ahmetit dhe BDI-së?

“Kutia e zezë e qeverisjes së BDI-së më në fund është dorëzuar.

Artan Grubi është pjesëmarrës dhe ekzekutor i të gjitha marrëveshjeve të errëta të BDI-së. Prandaj, BDI po dridhet nga frika se nuk e dinë se për çfarë është gati të flasë Artan Grubi.

Pasi BDI humbi në mënyrë katastrofale në zgjedhjet lokale dhe të gjitha premtimet e rreme të Ahmetit për zgjedhje të parakohshme dhe hyrje të supozuar në qeveri dështuan, Artani nuk ka zgjidhje tjetër veçse të përballet me mëkatet e veta.

Por cilin do ta ngreh me vete, mbetet për t’u parë”, thuhet në reagimin e VLEN-it.

adv

Ish zv/kryeministri i pare Artan Grubi i cili u ndalua në Bllacë pas ishte në arrati është dërguar në burgun e Shutkës.
Grubi është dërguar në repartin e paraburgimit në Shutkë, për shkak se për të është përcaktuar 30 ditë paraburgim në mungesë, përderisa ishte në arrati.
Nga PTHP Shkup, thonë se në mënyrë shtesë do të njoftojnë se si do ta dorëzojnë procedurën, gjegjësisht kur do të paraqitet para prokurorit publik.

adv

Në Pikën e Kalimit Kufitar Bllacë është arrestuar ish-zyrtari i lartë Artan Grubi, i cili kërkohej me urdhërarrest ndërkombëtar, informon POPULLI.mk

Sipas njoftimit zyrtar të Ministrisë së Punëve të Brendshme, sot (23.02.2026) rreth orës 06:10, në hyrje të shtetit në PKK Bllacë, është privuar nga liria Artan Grubi (48). Ai ishte në kërkim ndërkombëtar në kuadër të një hetimi për veprë penale sipas nenit 354, paragrafi 5, në lidhje me nenin 3 dhe nenin 22 të Kodit Penal.

Autoritetet bëjnë të ditur se ndaj tij ishte lëshuar urdhërarrest ndërkombëtar, ndërsa pas arrestimit janë ndërmarrë procedurat e mëtejshme ligjore për paraqitjen para organeve kompetente.

MPB njofton se do të vijojë me veprimet hetimore në koordinim me institucionet përkatëse. / © POPULLI.mk

adv

Moti dot me diell dhe vranësira të ndryshueshme. Do të fryjë dhe erë e dobët deri në mesatare nga drejtime të ndryshme. Temperatura minimale do të jetë në interval prej -6 deri në 2, ndërsa ajo maksimale do të arrij prej 9 deri në 15 gradë.

Edh në Shkup dhe rrethinë moti do të jetë i ngjashëm, me diell dhe vranësira të ndryshueshme. Do të fryjë dhe erë e dobët nga drejtime të ndryshme. Temperatura minimale do të ulet në -2, ndërsa ajo maksimale do të arrij në 11 gradë Celsiusë.

adv

Reagim i Aleancës për Shqiptarët për incidentin në ndeshjen Vardar – Bashkimi

Ajo që ndodhi në ndeshjen Vardar – Bashkimi është turp dhe sinjal i qartë se futbolli në Maqedoninë e Veriut po rrëshqet drejt dhunës dhe urrejtjes. Përleshjet në fund të ndeshjes dhe atmosfera e tensionuar në tribuna tregojnë dështim të plotë të organizimit, sigurimit dhe menaxhimit institucional.

Aleanca për Shqiptarët e dënon pa rezervë çdo formë dhune në fushë dhe jashtë saj. Stadiumi nuk është vend për përleshje, provokime dhe thirrje që poshtërojnë qytetarë mbi baza etnike. Kjo nuk është “tifozeri”, kjo qasje provinciale është rrënim i rendit publik dhe nxitje e urrejtjes.

Kërkojmë menjëherë:

1. Hetim të plotë për incidentet në fushë dhe në tribuna;
2. Identifikim dhe ndëshkim për organizatorët, provokatorët dhe çdo person që ka nxitur dhunë e urrejtje;
3. Masa të rrepta nga organet sportive dhe institucionet e sigurisë, përfshirë përgjegjësi konkrete për dështimin e kontrollit.

Dhe tani, një fjalë për VLEN-in:
Kur duhen veprime dhe presion institucional, ju shfaqeni të pafuqishëm. Kur shqiptarët poshtërohen në publik, ju heshtni ose dilni me fjali të buta, pa asnjë rezultat. Kjo “qeverisje” që e keni reklamuar është bërë sinonim i impotencës politike: shumë dekor, zero ndikim.

Aleanca për Shqiptarët nuk do të lejojë që urrejtja të normalizohet dhe as që heshtja të shitet si mençuri.
Dinjiteti i shqiptarëve nuk negociohet.

adv