Nga Qyteti i Shkupit thonë se autobusët e linjës 9,12, 22,23 dhe 45 po qarkullojnë me rregull dhe pa vonesa, përcjell TV21. Sipas njoftimit të Qytetit të Shkupit, transportuesi privat “Transporti i Lirë”/”Slloboda Prevoz” ka për detyrë t’i respektojë detyrimet që dalin nga marrëveshja.
Në lidhje me: Disa autobusë privat nuk do të qarkullojnë për shkak të borxhit nga NQP “Shkup”
“Apelojmë qytetarët që të mos besojnë lajmet e rreme dhe manipulimet që grupe të ndryshme politike bëjnë në opinion. Autobusët e JSP Shkup në linjat 9, 12, 22, 23 dhe 45 qarkullojnë rregullisht dhe pa vonesa. Transportuesi privat “Slloboda Prevoz” është i detyruar të respektojë detyrimet e dakorduara me interes publik. Në muajin e fundit, cilësia e funksionimit të transportuesve privatë vlerësohet sipas treguesve për cilësinë e operimit (rregullsia, higjiena, vlefshmëria e biletave) për shkak të ankesave më të shpeshta të qytetarëve për cilësinë e transportit tek transportuesit privatë”, thuhet në njoftimin e Qytetit të Shkupit.