Serbët lokalë në Mitrovicë të Veriut kanë paralajmëruar protestë të hënën, për të kundërshtuar vendimin e Bankës Qendrore të Kosovës (BQK) për ndalimin e përdorimit të dinarit.
Protesta pritet të nisë në orën 12:00 nga pensionistë serbë.
Zëvendësdrejtori i Policisë në Mitrovicë të Veriut, Veton Elshani, i ka thënë shkurtimisht KOHËS se janë të përgatitur për protestën.
Të dielën, kryeministri Albin Kurti, ka deklaruar se dinari dhe asnjë valutë tjetër nuk është ndaluar, por që pagesat duhet të kryhen me euro.
Ai ka thënë se nëpërmjet Rregullores së BQK-së po luftohet kriminaliteti.
Burimi © KOHA.