Analizat e Sektorit për kontroll sanitar, të bëra në 149 mostra nga 41 pika matëse në qytet, në periudhën prej 22 deri më 26 prill, kanë treguar se uji në Shkup është i sigurt për pije, njoftojnë nga NP Ujësjellës dhe kanalizim.
Sektori për kontroll sanitar ka marrë 149 mostra për analiza fiziko-kimike dhe 149 mostra për analiza mikrobiologjike të ujit të pijshëm nga 41 pika matëse në Qytetin e Shkupit dhe sipas rezultateve të marra nga analizat, të gjitha mostrat PËRPUTHEN me Rregulloren për kërkesat për siguri dhe cilësi të ujit të pijshëm.