Shumë po kërkoni iu thanë autoritetet punëtorëve të Këshillit Ekonomik dhe Social, thotë kreu i Lidhjes së Sindikatave të Maqedonisë, Sllobodan Trendafilov. Ai shtoi se punëdhënësit deklaruan se nuk ka hapësirë për rritje të pagës minimale në vend dhe se punëtorët nuk janë produktivë. Ndërkohë autoritetet thonë ndryshe. Sipas Qeverisë çfarëdo që pajtohen punëtorët dhe punëdhënësit, ata do të pranojnë.
“Për fat të keq, dëshpërim i madh. Nuk ka rritje të pagës minimale. Ajo që e dëgjuam brenda është se LSM kërkon shumë dhe se punëtorët kërkojnë shumë dhe mjaft është më dhe se me këto paga duhet të jemi të lumtur që i marrim. Më duhet të them se tentuan të na qortojnë në Qeveri për shkak të siç theksuan shumë po kërkojmë për punëtorët. Ajo që na shqetëson është se ata nuk janë të gatshëm të diskutojnë për rritjen e pagës minimale dhe nga mënyra e qëndrimeve, punëdhënësit për fat të keq besojnë se nuk ka vend për rritje të pagës minimale në Maqedoni. Ata mendojnë se po i paguajnë punëtorët mjaftueshëm dhe ata mendojnë se punëtorët nuk janë produktivë“, tha Slobodan Trendafilov.
“Nëse sindikatat pajtohen me punëdhënësit, ne jemi aty për t ‘i mbështetur, nuk mund të mbajmë anë në radhë të parë, në radhë të dytë në administratën publike rriten pagat, rritet në arsim, në shëndetësi, në polici. Ne nuk udhëheqim politikat siç bëri qeveria e mëparshme sepse duhet të shohim produktivitetin e punës. Nuk mund të vijmë në situatë ad hok të rritjes së pagës minimale që në anën tjetër të shohim inflacionin”, u shpreh Besar Durmishi, Ministër i Ekonomisë. /Alsat.mk