Presidenti i zgjedhur, Donald Trump, do të marrë pjesë në ceremoninë e rihapjes së Katedrales Notre Dame në Paris këtë fundjavë, udhëtimi i tij i parë jashtë vendit që nga fitorja e zgjedhjeve në SHBA.
Katedralja historike është vendosur të rihapet të shtunën pas më shumë se pesë vitesh rindërtim pas një zjarri shkatërrues në vitin 2019.
Dhe ceremonitë që do të mbahen të shtunën dhe të dielën do të jenë çështje të sigurisë së lartë, ku pritet të marrin pjesë rreth 50 krerë shtetesh dhe qeverish.
Trump njoftoi se ai do të jetë mes tyre në një postim në faqen e tij Truth Social të hënën në mbrëmje.
“Është nder të njoftoj se do të udhëtoj në Paris, Francë, të shtunën për të marrë pjesë në rihapjen e Katedrales së mrekullueshme dhe historike Notre Dame, e cila është restauruar plotësisht pas një zjarri shkatërrues pesë vjet më parë”, ka shkruar Trump.
“Presidenti Emmanuel Macron ka bërë një punë të mrekullueshme duke siguruar që Notre Dame të jetë rikthyer në nivelin e saj të plotë të lavdisë… Do të jetë një ditë shumë e veçantë për të gjithë!”.
Udhëtimi do të jetë i pari i Trump jashtë vendit që kur fitoi zgjedhjet presidenciale të nëntorit.
Kujtojmë se një zjarr masiv përfshiu Notre Dame në vitin 2019, duke shembur majën e saj dhe duke kërcënuar të shkatërrojë një nga thesaret më të mëdha arkitekturore në botë.