Besar Durmishi nga Lëvizja BESA ka theksuar se masat anti-krizë të Qeverisë – për ministrat 2500 euro rrogë, për qytetarët 1000 denarë ndihmë!
“As edhe një gram ndjenjë njerëzore nuk ka mbetur tek ministrat e BDI-LSDM-së dhe aleatëve të saj. Këtë më së miri e dëshmojnë masat kundër krizës të cilat Qeveria i solli ditë më parë. Këto masa, në esencë nuk përbëjnë asnjë ndihmë reale, thjesht janë një përpjekje klasike për manipulim të qytetarëve, në prag të zgjedhjeve që do të mbahen në maj të vitit të ardhshëm. Kur bëhet fjalë për rritje të rrogave të tyre, ministrat e BDI-së, LSDM-së dhe gjithë partnerëve të Qeverisë, ata i rritën pagat e tyre për 78% dhe pagat e tyre arrijnë deri në 2.500 euro, ndërkohë që pensionistëve, studentëve dhe nxënësve do t’u ofrohet një ndihmë qesharake prej 1.000 denarësh të cilat janë të pamjaftueshme për nevojat e tyre.Këtyre zhvatësve të qytetarëve, po ua bëjmë me dije, se nëse ata janë të aftë që qytetarët për ditë ti rrjepin dhe varfërojnë, ne shumë lehtë do ua shfaqim realitetin dhe krimin e tyre”, theksoi Durmishi.
Sipas tij, nga masat kundër krizës, pensionistët dhe studentët për shtatë muaj do të përfitojnë rreth 7.000 denarë, por ama, për të njëjtën periudhë kohore, funksionarët do të marrin mbi 1 milion denarë, falë rritjes së pagave që ia bënë vetvetes.
“Është e qartë se me këto ndihma, Qeveria përpiqet ti korruptojë qytetarët para zgjedhjeve. Kjo nomenklaturë vazhdon me politikat nënvlerësuese ndaj pensionistëve, studentëve dhe gjithë qytetarëve.