Fatkeqësisht, edhe pesimistët më të mëdhenj nuk do të kishin mundur të parashikojnë një zhvillim të këtillë dekadent të ngjarjeve të cilat po ndodhin në vendin tonë. Marrëveshja e Ohrit për më pak se 100 ditë, po goditet në të gjitha anët, me të gjitha mekanizmat, tha mes tjerash nënkryetari i BDI-së, Arbër Ademi në Daily Click në TV21. Ademi duke komentuar qeverinë e re, numëroi disa nga ngjarjet që sipas tij po dëmtojnë zbatimin e Marrëveshjes së Ohrit.
“Pra, po kontestohet gjuha shqipe, e dini me sa mund dhe sa sakrificë kemi ardhur deri tek ky stad i zgjidhjes ligjore, e cila përmbyll atë pjesë normative të Marrëveshjes së Ohrit. Gjuha shqipe, përfaqësimi i drejtë dhe adekuat, flamuri kombëtar, asnjëherë nuk ka qenë çështje e kontestueshme, e debatueshme apo e kontestueshme, se a do të duhet në zyrën e një përfaqësuesi shqiptar të ketë apo jo flamur”, tha mes tjerash Ademi.
