32.8 C
Skopje
E diel, 23 Qershor, 2024

Erdogan mund të ndërmjetësojë në dialogun Kosovë–Serbi

Presidenti i Turqisë, Rexhep Tajip Erdogan, po pretendon rolin e ndërmjetësit për zgjidhjen e çështjes së Kosovës, ka thënë këshilltari i tij për Ballkanin, Sabri Demiri në një intervistë për “Klan Kosova”.

Demiri vuri në dukje interesin e presidentit turk për arritjen e një marrëveshjeje ndërmjet Beogradit dhe Prishtinës, duke theksuar se Erdogan mund të luajë një rol katalitik.

“Ne tashmë e kemi informuar presidentin Vuçiç për qëllimin tonë për të ndihmuar. Për momentin jemi në pritje të takimeve në Bruksel mes presidentit të Serbisë dhe kryeministrit të Kosovës për të parë se deri ku mund të shkojnë dhe pastaj do të ndërhyjmë si ndërmjetës për të ndihmuar në arritjen e një marrëveshjeje”, tha ai.

Ai ka shtuar se së shpejti do të ketë një takim mes Erdoganit dhe kryeministrit të Kosovës, Albin Kurti, ku do të qartësohet roli i Turqisë në dialogun Beograd-Prishtinë.

Vihet re se presidentja e Kosovës, Viosa Osmani, në një intervistë më 9 tetor në rrjetin televiziv turk TRT World, ka deklaruar se ndërmjetësimi i Erdoganit është i mirëseardhur.

“Besoj se presidenti turk Rexhep Tajip Erdogan mund të luajë një rol shumë të rëndësishëm për të bindur Vuçiçin se e vetmja rrugë për paqe dhe stabilitet në Ballkanin Perëndimor është që Serbia të njohë Kosovën”, tha Osmani për TRT World.

Të ngjajshme

Të fundit