12 të punësuar në M-NAV – zëvendësdrejtorë, kryeshefa, instruktorë, ekspertë, udhëheqës sektorësh dje dhanë dorëheqje nga postet e tyre, të pakënaqur me vendimet e tre drejtorëve për zvarritjen e procedurës për t’i dërguar në Danimarkë kontrolluesit e rinj të komunikacionit ajror që tashmë i kanë kaluar të gjitha testet. Ata thonë se do t’i tërheqin dorëheqjet e tyre vetëm nëse drejtorët e ndryshojnë vendimin e tyre dhe i dërgojnë tetë të përzgjedhurit në trajnimin e nevojshëm. Sot, nga M-NAV i përgënjeshtruan pohimet e këtilla të sindikatës, duke i cilësuar si të pavërteta.