Sot në ambientet e IN Ansambli këngëve e valleve popullore shqiptare në RMV u mbajt “Koncert akademik për vlerësim” me prezencën e emrave të shquar të jetës akademike e artistike.
Para anëtarëve të komisionit maestros së shquar Zhani Ciko, prof.Dr Tahir Zajazi, prof.Dr Arifikmet Xhemaili, prof.Dr Sabaudin Zhuta, prof.ord Blerim Grubi, prof. ord Zulqifli Ziba, profesori i njohur i koreografisë Dilaver Kryeziu, profesori dhe koreografi i njohur Robert Nuha, prof.Ord. Rudina Ciko, u prezantua programi që do të shfaqet për festat e nentorit dhe koncerteve nëper qytete!
Solistët, vallëtarët e orkestra e ansamblit prezantuan të gjitha pikat e përcaktuara nga drejtori Shkodran Tolaj për qëllim që vërejtjet, sugjerimet, propozimet e profesionistëve të fushës të jenë orientim i vlefshëm për paraqitjet e radhës!
Ky koncert akademik vjen me qëllim të perfeksionimit profesional në këtë fazë kur ansambli shqiptar ka etabluar vlerat e veta ndërkaq e rëndësishme është të punojë në detajet artistike për ngritjen e vazhdueshme të cilësisë!
Komisioni pasi ka bërë dëgjimin e artistëve kanë zhvilluar tryezë të rrumbullakët ku kanë diskutuar për secilën pikë veç e veç me ç’rast u përpilua dhe një raport i detajuar.