Hristijan Mickoski, i cili po mbahet peng nga Dimitar Apasiev dhe “E Majta”, është në panik, sepse mentori i tij, Nikolla Gruevski, ka rejting më të lartë se ai, thonë nga LSDM-ja.

Nga atje thonë se për këtë “Mickoski çdo ditë bën deklarata ekstreme dhe radikale, prandaj edhe gjatë sulmeve hibride ndaj institucioneve ai bënë politikë dhe punon për interesat e të tjerëve”.

“Mickoskit nuk i intereson më se çfarë është e mirë e çfarë jo për shtetin dhe qytetarët, por është e rëndësishme vetëm që të mos mbetet prapa Apasiev-it”, theksojnë nga LSDM në një komunikatë.

Që katër vite është jashtë Maqedonisë dhe nuk ka qenë në politikë për të njëjtën kohë, por ish-kryeministri dhe lideri i OBRM-PDUKM-së, Nikolla Gruevski, ka rejting më të lartë në mesin e qytetarëve, sipas anketës së fundit të Instituti Republikan Ndërkombëtar (IRI).

Menjëherë pas tij, me një për qind më pak vota, është lideri aktual i OBRM-PDUKM-së, Hristijan Mickoski.

Në vendin e tretë me 5 për qind është kryeministri aktual Dimitar Kovaçevski

adv

Kreu i shtetit Stevo Pendarovski sot, më 22 dhjetor, do të mbajë fjalimin e tij vjetor para deputetëve në Kuvendin e Republikës së Maqedonisë së Veriut, transmeton Portalb.mk.

Sipas njoftimit në ueb faqen e Kuvendit, fjalimi i presidentit Pendarovski është pika e vetme në rendin e ditës të seancës së 96-të plenare të caktuar për në ora 11:00 në sallën “Maqedonia”.

Fjalimi do të transmetohet drejtpërdrejt në profilin e presidentit Pendarovski në Facebook dhe kanalin YouTube.

Presidenti i shtetit tradicionalisht çdo vit para përfundimit të vitit kalendarik mban një fjalim para deputetëve në të cilin prezanton pikëpamjet e tij për zhvillimet aktuale në vend dhe në botë.

adv

Moti sot do të jetë me diell dhe vranësira, ndërsa në luginat e vendit do të ketë mjegull.

Temperaturat minimale do të lëvizin prej -6 deri në 0.

Ndërsa temperaturat maksimale do të lëvizin prej 7 deri 12 gradë celsius.

Në ditët në vazhdim moti do të jetë i qëndrueshëm dhe me rritje të temperaturave ditore./

adv

Punësimet e shqiptarëve në pozitat udhëheqëse në Entin Shtetëror të Statistikave numërohen në gishta. Në fakt, nga 53 të punësuar shqiptarë në këtë Ent vetëm tre janë në pozita udhëheqëse. Me vendimin e fundit u avancua vetëm një shqiptar, ndërsa dy të tjerë ishin prej më herët. Në dy konkurset e fundit prej 55 të punësuarve, sipas balancuesit 11 vende u takojnë 11 shqiptarëve. Zv/drejtori i Entit të Statistikave thotë se nga këto punësime vetëm njëri është në pozitë udhëheqëse, ndërsa 10 të tjerët marrin vendime, ndërsa veçmë punojnë prej vite me kontrata në vepër në këtë institucion. Selami shpreh indinjatë nga tri ministritë ajo e Financave, Administratës dhe Sistemit Politik, të cilat nuk i dalin në krah për të bërë avancime.

“Për avancimet, të mos flasim! Kemi njerëz, të cilët punojnë nga 7-8 vite në të njëjtën pozitë pune pa asnjë avancim. Nga ana tjetër, kemi njerëz që i shohim si kuadër që mund të kryejnë punë të tjera, u kemi dhënë pozita si udhëheqës i njësisë rajonale të Shkupit, që për herë të parë udhëheq një shqiptar, ai e bënë atë punë, por vazhdon ta merr pagën siç i figuron në vendim si pozitë e këshilltarit të thjeshtë”, deklaroi Ilmi Selami, Zëvendësdrejtor i Entit të Statistikave.

Në Entin e Statistikave ka rreth 240 të punësuar, por disa prej tyre tani më po braktisin këto vende pune. Një grup i të punësuarëve shqiptarë, të cilët punojnë vite me radhe dhe nuk kanë marrë avancimet e duhura, kanë adresuar letër të hapur deri tek Zëvendëskryeministri parë, por akoma nuk kanë përgjigje. Revolta e tyre është alarm i fundit para se të heqin dorë nga puna dhe paga nënvlerësuese që u jepet.

“Edhe pse i kemi dërguar shkresë zëvendëskryeministrit Grubi, të regjistruar me numër arkivor para 20 dite, ai nuk gjeti as kohë e as vullnet ti përgjigjet kërkesave për takim. Meqë ata nuk kanë kohë të na dëgjojnë, ne po u drejtohemi mediave. Gjendja aktuale e të punësuarave shqiptar në Entin Shtetëror të Statistikave është larg bazës së përfaqësimit të drejtë dhe adekuat. Nga dy poste udhëheqëse, një udhëheqës Njësie dhe një udhëheqës Sektori me konkurs të jashtëm, asnjë shqiptar i pranuar. Nga 42 poste të rezervuara për udhëheqës Njësie, vetëm 1 shqiptar. Nga 9 sektor, asnjë shqiptar”, thuhet në letrën e hapur të të punësuarve.

Sipas kësaj letre, shqiptarët nëpër projekte të financuara nga fondet IPA dhe Buxheti shtetëror janë të përfaqësuar me vetëm 1%. Të pakënaqurit thonë se është hera e tretë që shkojnë nga mbi 30 të punësuar nga Enti në Bruksel lidhur me procesin e skriningut, por në mesin e tyre asnjë shqiptar.

adv

Nuk do të ketë zgjedhje të parakohshme dhe nuk do të ketë rikonstruim i qeverisë, thotë kryeministri Dimitar Kovaçevski, pas komentimit të rezultateve shqetësuese të anketës së fundit të IRI-it dhe pas takimeve të intensifikuara me qytetarët në formën e aktiviteteve që ngjajnë me fushatën zgjedhore. Kryeministri thotë se zgjedhje parlamentare do të ketë në vitin 2024, pas zgjedhjeve presidenciale. Ai shton se anketa është bërë vetëm pak muaj pas ardhjes së tij në krye të ekzekutivit dhe në periudhën kur manipulimi i opinionit për propozimin francez kishte pasur ndikimin e tij.

“Nëse shohim rejtingun politik, atëherë edhe ai është respektabil duke pasur parasysh periudhën 10 mujore të drejtimit me qeverinë. Sa i takon gjyqësorit nuk do të përgjigjesha. Përfundimet duhet t’i shërbejnë secilit që preket ajo anketë që ta moderojë strategjinë dhe punën e tij në të ardhmen. Vlerësoj se politikat të cilat i ka kjo qeveri dhe partia ime do të sjellin rezultate shumë më të mira në anketën e ardhshme”, u shpreh Dimitar Kovaçevski, kryeministër.

Sipas anketës së fundit të IRI-t, 58 për qind e qytetarëve mendojnë se shteti po shkon në drejtim të gabuar, kurse 56 për qind e qytetarëve nuk i mbështesin ndryshimet kushtetuese dhe përfshijen e bullgarëve në Kushtetutë. VMRO-DPMNE-ja kërkon zgjedhje të parakohshme për zgjidhjen e shumë problemeve të qytetarëve dhe konfirmon se nuk do t’i mbështesë ndryshimet kushtetuese.

“Jo vetëm në atë anketë. Ne bëjmë disa anketa në muaj dhe ata janë të qarta se për momentin me këto kushte, me këto rrethana dhe me diktat bullgar, nuk ka ndryshim të Kushtetutës. Është shumë e thjeshtë”, tha Hristijan Mickoski, kryetar i VMRO-DPMNE.

Anketa e fundit e IRI-t tregoi se vetëm 4 për qind e qytetarëve kanë besim te Gjyqësori, kurse vetëm 3 për qind i besojnë Prokurorisë Publike. Vetëm 4 për qind e qytetarëve u besojnë partive politike dhe Kuvendit, 7 për qind i besojnë qeverisë kurse 8 për qind opozitës. Anketa e IRI-t vuri në dukje se ish kryeministri Nikolla Gruevski, gëzon mbështetjen e 7 për qind të të anketuarve, duke lënë pas të gjithë liderët e partive politike në vend. Kovaçevski gëzon mbështetjen e 5 për qind kurse Mickoski të 6 për qind të qytetarëve./Alsat.mk

adv