Njeriu i parë i Drejtësisë në vend, Nikola Tupançevski nuk përgjigjet në pyetjet e Alsat në qoftë se hetimi i personave të dyshuar për korrupsion nga ana e një ekipi nga Uashingtoni do të thotë që sistemi i drejtësisë në vend ka dështuar dhe se a ndjen përgjegjësi për këtë.

“Ministria e Drejtësisë nuk i komenton deklaratat e ambasadores së ShBA-ve në Maqedoninë e Veriut” , thonë nga Ministria e Drejtësisë.

Por Ageler vazhdon të komentojë. Ajo shtoi se korrupsioni ka sjellë një katastrofë reale në vend që po largon të rinjtë çdo ditë e më shumë. Ambasadorja amerikane Angela Ageler tha se nga vizita që ka bërë në rajone të ndryshme të vendit ka parë se si qytetarët e vendit po përballen me korrupsion kur shkojnë në mjek, kur regjistrojnë fëmijën në shkollë si dhe kur kërkojnë punë.

“Njerëzit këtu flasin për korrupsionin çdoherë kur duhet ta shkojnë në mjek, secilën herë që kërkojnë punë, secilën herë që fëmija i tyre aplikon për ndonjë shkollë dhe realisht korrupsioni ka sjellë një katastrofë reale për këtë shtet dhe shumë të rinj nuk dëshirojnë të qëndrojnë 5:26 shumë të rinj maqedonas, nga të gjitha komunitetet, kërkojnë për mundësinë e parë që u vjen që të vazhdojnë punën, apo jetën në një shtet tjetër”, deklaroi Angela Ageler, ambasadore e ShBA-ve për Sitel.

Ageler tha se përkundër shpenzimit të miliona dollarëve të taksapaguesve amerikan për investime në gjyqësorin e Maqedonisë së Veriut, rezultatet thuajse janë të padukshme, duke përmendur edhe procesin e përzgjedhjes së Islam Abazit në krye të Prokurorisë për Ndjekje të Krimit të Organizuar dhe Korrupsionit.

Nga ana tjetër ministri i Jashtëm, Bujar Osmani u shpreh i lumtur për ardhjen e ekipit që do hetojë korrupsionin dhe se ka pasur momente kur është frikësuar se amerikanët nuk do të vijnë për të na monitoruar.

“Menjëherë pasi filluam dialogun strategji me ShBA-në në qershor, SHBA fillimisht financiarisht ndihmonte, shtuan 4 milion euro vetëm për sundimin e së drejtës, dhe ja tani vazhdojnë me mekanizma shtesë përmes mbështetjs nga ana e ekspertëve, duke shfrytëzuar mekanizmat e tyre, sanksionimin, publikimin e emrave e kështu me radhë. Dhe këto janë pjesë e asaj që ne kërkuam, kur kishim dilema se a do të fillojnë negociatat apo jo, unë frikësohesha se do të ngelim pa monitoring të tillë”, tha Bujar Osmani, ministër i Jashtëm.

Alsat mëson jozyrtarisht se ditëve në vijim pritet që listës së zezë amerikane t’i shtohen emra të rinj të politikanëve të përfshirë në afera korruptive. Gjendja në gjyqësore dhe prania e lartë e korrupsionit është kritikuar edhe nga ambasadori evropian Devid Geer dhe ambasadorja gjermane, Anke Holstein. Hulumtimet tregojnë që vetëm 8 për qind e qytetarëve i besojnë gjyqësorit.

adv

Deputeti i Lëvizjes BESA, Fadil Zendeli, vlerëson se nuk ka asnjë arsye logjike dhe politike për hyrjen e Aleancës për Shqiptarët në Qeveri në kohën kur pushteti i ka shumicën e nevojshme në Kuvend, shkruan gazeta LAJM.

“Grupi që njihet si “grupi i zjarrit” që kanë pas vete edhe deputetë edhe kryetar komunash, përfaqësues të fuqishëm të këtij subjekti politik, haptazi deklarohen se futja e ASH-së në këtë moment në qeveri është vetëm si ndihmë për lidershipin e BDI-së, për t’i shuar pakënaqësitë e tyre të brendshme. Do të shohim se si do të zhvillohen ngjarjet në ditët në vijim. Nga zyrtarët e ASH-së shihet se ka gatishmëri për tu future në Qeveri. Por, nëse bëjmë analiza politike, ne si subjekt opozitar nuk e shohim se është koha për hyrjen e ASH-së në Qeveri sepse nuk mungojnë numrat në shumicën parlamentare, s’ka ndonjë ngjarje të rëndësishme për mobilizim më të madh të subjekteve politike rreth shumicës parlamentare, nuk shoh ndonjë arsyetim politik dhe logjik për futjen e tyre në Qeveri”, u shpreh deputeti i Lëvizjes Besa, Fadil Zendeli.

adv

Zëvendëskryetari i parë i Qeverisë dhe ministër për Sistem Politik dhe Marrëdhënie Ndërmjet Bashkësive, z. Artan Grubi, sot ka pritur në takim shefin e ri të Misionit të OSBE-së në Shkup, ambasadorin Kilian Wahl.

Gjatë takimit është biseduar për situatën politike në vend, procesin e integrimit, reformat dhe ndryshimet kushtetuese, Marrëveshjen e Ohrit, si dhe kryesimin e vendit tone me OSBE-në nga fillimi i vitit të ardhshëm.

Grubi i ka uruar mirëseardhje ambasadorit Wahl dhe punë të suksesshme në misionin e ri, derisa e ka falënderuar për bashkëpunimin me OSBE-në dhe projektet e realizuara deri më tani, bashkëpunim i cili do të vazhdojë edhe në të ardhmen me një partneritet akoma më të lartë.

Të dy bashkëbiseduesit kanë shprehur pritshmëri për vazhdimin e suksesshëm të bashkëpunimit në prag të fillimit të kryesimit të vendit me organizatën më të madhe të sigurisë në botë, duke theksuar që Republika e Maqedonisë së Veriut është e gatshme të japë kontribut në promovimin e vlerave demokratike pikërisht në kohën kur kontinenti europian përballet me sfida të rrezikshme.

Procesi i integrimit të vendit në Bashkimin Europian gjithashtu ishte pjesë e bisedës në takimin mes Grubit dhe ambasadorit Wahl, derisa është shfaqur nevoja për fillimin e procesit të ndryshimeve kushtetuese, si kusht për vazhdimin e rrugës europiane dhe formimin e frontit të përbashkët të të gjithë akterëve politik në vend me qëllim që procesi i filluar të mos ketë pengesa.

Grubi ftoi misionin e OSBE-së në Shkup në bashkëpunim me Ministrinë e Sistemit Politik që të kontribuojnë në kohezionin shoqërorë dhe zbatimin e Marrëveshjes së Ohrit si dhe realizimin e shkollës rinore Peace Forum Dialogue si dhe Peace Festival si forma bashkëkohore për ta shënuar vlerën e Marrëveshjes së Ohrit.

adv

Ministri i Punëve të Brendshme, Oliver Spasovski, konfirmoi se mëngjesin e sotëm ka pasur raportime për mjete shpërthyese të vendosura në nëntë shkolla dhe në Bankën Popullore sipas të njëjtit modus, që është pjesë e të ashtuquajturës luftë hibride që po bëhet, jo vetëm në vendin tonë.

“Ky është një shembull klasik i kërcënimeve hibride. Fatmirësisht, këto janë sulme që vijnë në mënyrë elektronike, gjegjësisht raporte, dhe se siguria absolutisht nuk është e cenuar, veçanërisht duke pasur parasysh se BPRM-ja është e siguruar 24 orë në ditë”, tha Spasovski, pas vizitës dhe takimeve të sotme në SPB – Strumicë.

Ai tha se është konstatuar se po merren masa maksimale, me partnerët strategjikë për të dëshmuar çdo aspekt.

“Shqetësimi është i madh, por qëllimi i sulmeve të tilla hibride është pikërisht ky. Të krijojë trazira te qytetarët, të ketë pasiguri, të ndikojë në institucionet, të shpërdorojë shërbimet e sigurisë në vend. Policia dhe të gjitha shërbimet që janë të përfshira në atë pjesë punojnë me efikasitet. Ne kemi kontrolle të shpejta që i kemi apo udhëzime tashmë, jo vetëm në shkolla dhe në institucionet tjera se si të veprohet në një rast të tillë”, sqaroi Spasovski.

Duke vënë në dukje se në shumë shtete tashmë janë ndryshuar protokollet në të cilat është përcaktuar shkalla e realitetit të kërcënimit para se të merren masa, ministri Spasovski informon se tashmë janë zhvilluar diskutime me Komitetin Nacional për Luftimin e Terrorizmit dhe Ekstremizmit të Dhunshëm dhe pret që të merret veprime me të cilat do të ndryshohen protokollet.

adv