Disa nxënës të Strugës, të cilët ndjekin mësimin në turnin e dytë, kalojnë çdo ditë nëpër rrugë të errëta për të arritur në shtëpitë e tyre, reagojnë prindërit. Ata thonë se janë të shqetësuar për sigurinë e fëmijëve të tyre. Shumë prej tyre, për shkak të rrugëve të pa ndriçuara si masë me të cilën komuna kursen energjinë elektrike, detyrohen t’i presin para shkollës. Shumë shpesh këta janë edhe më të vegjlit nga klasa e parë deri në të katërtën.

“E kam nipin këtu, kështu që kam ardhur ta marr, për shkak të errësirës nuk është e sigurt, nuk ka drita. Në qytet ka qen sa të duash, e si mund të ecë vetëm një fëmijë i klasës së tretë?…”

“…Janë të shumta rastet kur një fëmijë që kthehet nga shkolla sulmohet nga qentë…”.

“Vij nga rruga 15 Korpus, gjithçka është errësirë. Qen ka sa të duash. Të paktën orët e mësimit duhet të bëhen që fëmijët e vegjël të shkojnë deri në orën 16”.

Alsat kaloi një pasdite pranë shkollës fillore Vëllezërit Milladinov. Disa nga dritat u ndezën pas orës 17, kur një pjesë e mirë e nxënësve ishin larguar tashmë.

“Kjo situatë vazhdon tashmë 2 muaj. Por tani është e qartë, dita është më e shkurtër, errësohet shpejt, në disa nga rrugët ndriçimi ndizet më vonë, rreth orës 17, por një pjesë e madhe e rrugëve janë në errësirë totale…”.

Prindërit kërkojnë që autoritetet komunale të marrin masa dhe të ndryshojnë orët kur nuk ka ndriçim rrugor, pasi disa fëmijë nga klasat e larta kanë edhe aktivitete jashtëshkollore që mbarojnë pas orës 21.00. Alsat pyeti komunën e Strugës se si do ta zgjidhin këtë problem, por na thanë se nuk do të përgjigjen./Alsat.mk

adv

Gabimet institucionale me gjuhën janë të përmasave shqetësuese dhe siç vërehet përkthimet në gjuhë shqipe bëhen nga njerëz jo profesionistë. Gabimet gjuhësore, përveç se ndodhin në institucionet shtetërore, ato i hasim edhe në tekstet shkollore, ligjet dhe në sfera tjera. E njëjta ka ndodhur edhe në Ministrinë e Kulturës, shkruan Nistori.

Fjali pakuptim, shkronja që mungojnë, “ë” e zëvendësuar me “e”, e shumë gabime të tjera. Ky është përkthimi ‘profesional’ që i bën Ministria e Kulturës, e mos të flasim për respektimin e gjuhës shqipe.

Kuadro të pakta, në vend të profesionistëve. A thua kush mban përgjegjësi dhe me kë konsultohet ministrja e Kulturës, Bisera Kostadinovska-Stojçevska për këto lëshime gjuhësore që i bëhet gjuhës shqipe. Edhe atë pikërisht në Ministrinë e Kulturës, institucion shtetëror që duhet të mbajë llogari për çdo shkronjë, e jo ta katandisë deri në këtë nivel gjuhën shqipe. Ndryshe, gabime gjuhësore në tekstet në gjuhën shqipe ka ndodhur edhe në shumë institucione tjera shtetërore.

Gjuha shqipe është gjuhë e dytë zyrtare në Maqedoninë e Veriut, por ka ngecje në zbatim si në Kuvend, por edhe në institucionet tjera.

adv

Në margjinat e Takimit Ministror të OSBEs-së, Ministri i Punëve të Jashtme, Bujar Osmani, realizoi takim me Victoria Nuland, Nënsekretaren për Çështje Politike në Departamentin e Shtetit Amerikan. Sipas Osmanit, OSBE mund të ndihmojë në gjetjen e zgjidhjeve të nevojshme,

Ministri i Punëve të Jashtme, Bujar Osmani, në margjinat e Takimit Ministror të OSBEs-së, realizoi takim me Victoria Nuland, Nënsekretaren për Çështje Politike në Departamentin e Shtetit Amerikan, njoftojnë nga MPJ. Osmani dhe Nuland, biseduan për marrëdhëniet e shkëlqyeshme bilaterale ndërmjet Maqedonisë së Veriut dhe ShBA-së të cilat vazhdimisht pasurohen e në veçanti iu referuan rezultateve të para konkrete Dialogut Politik të mbajtur së fundmi.

Në kuadër të OSBE-së, Osmani e informoi Nuland për prioritetet e presidencës së ardhshme, me çka theksoi se përveç luftës në Ukrainë, si prioritet numër një, vëmendje e veçantë do t’i kushtohet edhe rajoneve të tjera të krizës, duke i forcuar më tej misionet paqëruajtëse të OSBE-së në terren.

“OSBE mund të ndihmojë në gjetjen e zgjidhjeve të nevojshme, për qetësimin e tensioneve, forcimin e parashikueshmërisë dhe revitalizimin e kanaleve të komunikimit dhe dialogut. Të gjitha palët duhet ta njohin dhe plotësisht ta shfrytëzojnë potencialin e kësaj platforme”, theksoi Osmani.

Osmani mes tjerash, paralajmëroi koordinim të ngushtë me ShBA-në, si dhe me të gjitha vendet e tjera pjesëmarrëse të OSBE-së, gjatë realizimit të aktiviteteve në vitin e ardhshëm, për t’iu dalë në ndihmë kategorive më të ndjeshme të njerëzve.

adv

E diela mbetet ditë jo-pune për shumicën e punëtorëve në vend. Kështu ka vendosur shumica e gjyqtarëve të Gjykatës Kushtetuese të RMV-së.

Zëdhënësja e shkallës më të lartë gjyqësore në vend, Kika Belovska, në një konferencë për media tha se Gjykata Kushtetuese në seancën e sotme ka vendosur që të mos iniciojë procedurë për shqyrtimin e vendimit ligjor që e shpalli të dielën ditë jo-pune për shumicën e punëtorëve.

Në fakt, gjyqtarët kushtetues vendosën të mos e pranojnë iniciativën e Odës Ekonomike të Maqedonisë, e cila ishte parashtruese e iniciativës për shqyrtimin e kësaj zgjidhjeje ligjore, të cilën ata e konsiderojnë si jokushtetuese.

Belovska njoftoi se ky vendim i Gjykatës Kushtetuese është i formës së prerë dhe se në rendin juridik të vendit mbetet i vlefshëm që e diela të jetë ditë jo-pune për shumicën e punëtorëve në vend, përveç aktiviteteve që janë të përcaktuara si përjashtim.

adv