Zv. kryeministri për Çështje Evropiane dhe kryenegociatori me Bashkimin Evropian, Bojan Mariçiq, do të hapë sot në Bruksel skriningun bilateral për kapitullin 23, “Drejtësia dhe të drejtat themelore”.

Në dy ditët e ardhshme, Grupi Punues për Negociata, përmes 24 prezantimeve, do të prezantojë pozicionin dhe nivelin e përputhshmërisë së sistemit juridik të Maqedonisë së Veriut në raport me të drejtën evropiane në fushën e gjyqësorit, politikës kundër korrupsionit, të drejtat themelore, të drejtat dhe mbrojtjen e pakicave dhe të drejtat e qytetarëve të BE-së, para ekspertëve të Komisionit Evropian.

Sekretarja shtetërore e Sekretariatit për Çështje Evropiane dhe Zëvendës kryenegociatorja me BE-në, Drita Abdiu-Halili, është pjesë e ekipit negociator maqedonas, ndërsa anëtarë të Grupit punues për negociata janë përfaqësues nga Zyra e Zëvendëskryeministrit në ngarkuar për politika të mirëqeverisjes, Ministria e Drejtësisë, Ministria e Punëve të Brendshme, Ministria e Punëve të Jashtme, Ministria e Punës dhe Politikës Sociale, Ministria e Shoqërisë Informatike dhe Administratës, Këshilli Gjyqësor, Këshilli i Prokurorëve Publikë, Zyra e Prokurorit Publik, Komisioni Shtetëror për Parandalimi të Korrupsionit, Agjencia për Shërbime Mediatike Audio dhe Audiovizuele, Agjencia për Mbrojtjen e të Dhënave Personale, Agjencia e Kadastrës dhe Sekretariati për Çështjet Evropiane.

Kapitulli 23 “Drejtësia dhe të drejtat themelore” përfshinë fushat e drejtësisë, politikës kundër korrupsionit dhe të drejtave themelore. Parimet evropiane për të drejtat themelore janë përcaktuar në Kartën e të Drejtave Themelore, e cila është ligjërisht e detyrueshme për shtetet anëtare pas hyrjes në fuqi të Traktatit të Lisbonës.

adv

Nga sot, qytetarët në Maqedoninë e Veriut do të mund të blejnë bukën me 10 % më lirë.

Këto janë qëndrimet e industrisë së ushqimit të cilët nga nesër, përmes EMV-së duhet të marrin energji elektrike të subvencionuar, me çmim prej 80 euro për megavat në orë, shkruan AlsatM.

Ulje mbi 10 për qind janë të mundshme edhe për produktet e mishit nëse qeveria merr një vendim që do të heqë tarifat për lëndët e para të importuara, siç kërkojnë kompanitë e këtij sektori.

adv

Moti sot do të jetë me vranësira dhe reshje të shiut, në viset malore reshjet do të jenë me dëborë. Në disa vende, kryesisht në pjesët jugore të vendit reshjet do të jenë të rrëmbyeshme. Do të fryjë dhe erë e dobët deri në mesatare nga drejtimi verior. Temperatura minimale do të jetë në interval prej 2 deri në 7, ndërsa ajo maksimale do të arrij prej 4 deri në 9 gradë.

Në Shkup dhe rrethinë moti do të jetë i ngjashëm, me vranësira dhe reshje të shiut. Do të fryjë dhe erë e dobët deri në mesatare nga drejtimi veriperëndimorë. Temperatura minimale do të ulet në 4, ndërsa ajo maksimale do të arrij në 6 gradë Celsiusë.

adv

Vrasja makabre në Prishtinë ku burri i mori jetën gruas së tij shtatzënë ka çuar në këmbë të gjithë popullin Shqiptarë, pa dallim vendndodhjes. Një ngjarje e rëndë e cila ka prekur zemrat e çdo njeriu. Për këtë ka reaguar edhe deputetja nga Maqedonia e Veriut Rina Ajdari e cila është shprehur kështu:

Ai i cili merr guximin të vrasë një njeri të pafajshëm është sikur ta ketë mbytur të gjithë njerëzimin!

Sonte nga lajmi i trishtë për vrasjen e një gruaje shtatzënë në Prishtinën tonë u trondit jo vetëm Kosova por e gjithë populli shqiptar!

Rast i papranueshëm, i pa tolerueshëm dhe i pa falshëm!

adv

Vrasja mizore në Prishtinë ku burri i mori jetën gruas së tij shtatzënë ka çuar në këmbë të gjithë, pa dallim vendndodhjes. Një ngjarje e rëndë e cila ka prekur zemrat e çdo njeriu. Për këtë ka reaguar edhe deputetja Arta Bilalli-Zendeli e cila është shprehur kështu:

Sonte është e trishtë të jeshë grua, por e pistë të jeshë burrë.

Edhe një vrasje makabre e një gruaje shtazënë në Prishtinë. Kësaj rradhe, madje në oborrin e Klinikës Universitare të Kosovës.

#tmerr

adv