Një unazë mesjetare e zbuluar nga një detektor metalik është shitur në ankand për 48,944 £.

David Board zbuloi “gjetjen një herë në jetë” pranë Thorncombe, Dorset, në shkurt 2019, vetëm tre muaj pasi bleu një detektor metali.

Unaza prej ari dhe diamanti mendohet të ketë qenë një dhuratë nga pronari i pasur i tokës së shekullit të 14-të Sir Thomas Brook për gruan e tij, Lady Joan.

Unaza u shit në ankandët e Noonan në Londër të martën.

Ai përbëhet nga dy shirita të ndërthurur dhe mban një mbishkrim në frëngjishten mesjetare, “ieo vos tien foi tenes le moy”, që përkthehet në “sipas besimit tënd, mbaje timin”.

Organizatorët e ankandit Noonans e përshkruan atë si në “gjendje shumë të mirë” dhe me peshë rreth 3 g (0.1oz).

Duke përfshirë taksat dhe tarifat, unaza u shit për 48,944 £.

Duke përshkruar gjetjen e tij, Board tha më parë: “Kam marrë leje nga një miku im fermer.

“Bëra pak kërkime dhe zbulova se një nga fushat quhej Bowling Green dhe ishte mjaft e sheshtë.

“Unë shkova dy ose tre herë dhe herën e tretë gjeta unazën.”

Board tha se ai hoqi dorë nga ajo 40 vjet më parë pasi u transferua në shtëpi, derisa sapo doli në pension në nëntor 2018 ai vendosi të blinte një tjetër detektor.

Ai do të ndajë të ardhurat nga unaza, e cila vlerësohej midis 30,000 dhe 40,000 £, me pronarin e tokës.
“Ajo që gjeta ishte një herë në jetë, por do të vazhdoj ta bëj,” shtoi ai./21Media

adv

Koncerti i kuarteti “Aureum” mund të përshkruhet i tillë me një energji pozitive dhe frymëzues, ku finesa e stilit të tyre të interpretimit i pasqyronte karakteristikat individuale të të gjithë interpretuesve, e njëkohësisht e theksonte unitetin e tyre

Nga Nora Bajrami, muzikologe

Mbrëmjen e së dielës, më 13 nëntor 2022, në sallën e muzeut të luftës maqedonase u mbajt koncerti i tetë me radhë i festivalit të muzikës kamertale “Skupi KamerFest”, nën organizimin e shoqatës “Muza” – Shkup, dhe me mbështetjen e ambasadës austriake.

Ky koncert, i fundit për këtë edicion, si një përmbyllje solemne e tërë aktiviteteve e mbrëmjeve muzikore që pasuan në dy muajt e shkuar, të dielën solli para publikut shkupjan një koncert jo të përditshëm, një kuartet saksofonësh, nga Austria, të njohur si “Aureum Saxophon Quartett”, në përbërje të Martina Stückler (sopran saksofon), Johannes Weichinger (alt saksofon), Viola Jank (tenor saksofon) dhe Lukas Seifried (bariton saksofon). Ky kuartet ka performouar në festivale ndërkombëtare të mbajtura që nga Gmunden e deri në Stamboll. I përbërë nga një grup të rinjësh, ata kombinojnë dhe sjellin para publikut muzikën klasike, jazz, dhe muzikën popullore duke lidhur tradicionalen me modernitetin.

Pikërisht në këtë frymë, dhe duke i qëndruar besnik vet formacionit të tyre kamertal, po edhe karakterit të vet festivalit, ky kuartet saksofonash, publikut të pranishëm i ofroi një mbërmje mbresëlënëse me paraqitjen e tyre skenike, që në çdo aspekt ishte diçka jo e zakonshme për vendin tonë, ndërthurja e programit të tyre por edhe komunikimin i tyre me publikun nëpërmjet bisedës, ndarjes së informacioneve, e vet vizualzimit fizik të programit nga ana e tyre.

Kuarteti i saksofonave “Aureum” solli pjesë nga krijimtaria e kompozitorëve të njohur botëror të epokave të ndryshme kohore, stileve dhe zhanreve, nga ajo e klasicizmit deri tek ajo në shekullin XX, në përshtatje apo origjinal për këtë formacion.

Pjesa e parë e koncertit përfshiu veprat: Bramboracy Marsch nga F. Bramböck, tri kohë nga suita Aus Holbergs Zeit (Praludium, Sarabande, Rigaudon) nga E. Grieg, në përshtatje për kuartet saksofonash nga Maarten Jense), kohën e tretë Rondo, nga sonata për piano no. 8 në c-moll op.23 nga L. van Beethoven, në arranzhim të Leonhard Paul, Grid (Excerpts) nga G. Resch, Knödelpolka nga Ch. Dienz, në arranzhim nga Johannes Weichinger, Spain nga Ch. Corea, arranzhuar nga Philippe Marillia. Pjesa e dytë vazhdoi me interpretimin e një kënge tradicionale Weingalopp në arranzhim të R.Pietsch së bashku me Aureum, “Meraner Jodler, Steirer, Ischler Schleuniger” poashtu në arranzhim të R. Pietsch, Surivisation nga Ch. Maurer, Song for Japan nga S. Verhelst, arranzhim nga Tetsuya Watanabe, Libertango nga A. Piazzolla, përshtatur nga vet Aureum, si dhe Imaginary Dances nga P. Geiss.

Koncerti i kuarteti “Aureum” mund të përshkruhet i tillë me një energji pozitive dhe frymëzues, ku finesa e stilit të tyre të interpretimit i pasqyronte karakteristikata individuale të të gjithë interpretuesve, e njëkohësisht e theksonte unitetin e tyre. Me frazime delikate, nuanca dinamike dhe temperament ata sollën interpretim me shumë shije, sugjestive dhe piktorale – nëpërmjet të gjitha mundësive që i ofronin instrumentet, ata nxorën në pah të gjitha karakteristikat, principet dhe vlerat estetike të stileve dhe epokave kohore nga programi i interpretuar.

Koncerti i kuartetit të saksofonave “Aureum”, ishte një përmbyllje më se e qëlluar e edicionit të pestë të festivalit të muzikës kamertale “Skupi KamerFest” – festival i cili me organizimin e tij ka shtuar një numër të madh të organizimeve në pasurimin e jetës kulturore, artistike të qytetit të Shkupit. Publiku besnik i festivalit, i cili jo vetëm në këtë koncert, por në të gjitha të mëparshmet e këtij edicioni ishte i pranishëm në numër të madh, dëshmon për punën dhe shijen e rafinuar artistike të festivalit. Koncerte të tilla, por edhe të ngjashme kërkojnë gjithmonë mbështetje dhe jetëgjatësi – gjithmonë me parimin për frymëzim dhe përparim edukativ-kulturor të shoqërisë dhe jetës sociale.

adv