Një 26-vjeçar është gjetur i vdekur në Shkup

Me datë 25.11.2022 rreth orës 17:30 në SPB Shkup, nga ana e Emergjencave Mjekësore është raportuar se në rrugën “Patris Lumumba” në Shkup është gjetur i ndjeri M.O.(26), i cili nga mjeku ka konstatuar vdekjen pa shenja dhune.

Një ekip nga SPB Shkup ka kryer inspektime në vendin e ngjarjes. Me urdhër të Prokurorit Publik, trupi i pajetë është dorëzuar për obduksion.

adv

Pas 32 viteve punë në rrugët e kryeqytetit qindra shoferëve transportues privat u ndërpritet kontrata e punës, një ndër ato është edhe z. Uzair Ahmeti. Z. Ahmeti si ndjeheni sot që nuk mund të qarkulloni dhe të vozitni qytetarët?

“Si mund të ndjehesh kur dikush ta merr bukën prej goje. Kjo është shumë e rëndë për neve, familjarisht është shumë e rëndë”, tha Uzair Ahmeti, shofer autobusi.

Ahmeti thotë se i ka 58 vjet, ndërsa shofer autobusi ka filluar të punojë në moshën 32 vjeçare, kur për herë të parë filluan linjat private të autobusëve në kryeqytet. Thotë se me dekada këtë punë e ka pasur ekzistencë të vetme për familjen.

“Për 32 vjet vetëm se me këtë punë merrem, pesë anëtar jemi në familje, por kur kemi qenë së bashku me vëllezërit kemi qenë afër 23 anëtarë, 23 anëtar kemi bë hidare me këtë, jemi mbajtur vetëm prej kësaj pune. Kemi pasur kohë edhe me vështirësi edhe me humbje kur kemi punuar vetëm për ta mbajtur linjën tonë që të mos ndërpritet puna dhe mos e humbim punën…”, shtoi Uzair Ahmeti, shofer autobusi.

Asnjëherë nuk e ka imagjinuar që pas tre dekadash punë, do të vijnë në situatë, kur tërësisht të injorohen nga një kryetare e Qytetit të Shkupit. Andaj ndjehet shumë i zhgënjyer nga kryetarja Danella Arsovska, e cila u kishte premtuar kushte shumë më të mira gjatë fushatës parazgjedhore.

“Para zgjedhjeve krejt na ka bërë det përpara, se krejt do të jetë shumë mirë, e na ka premtuar se do të na japë afër 20 mijë euro subvencione për një autobus, kilometrin do na bëjë një euro e gjysmë, sepse ne e kemi pasur 62, 63 denarë. Me rritjen e naftës e kemi pasur të na rrisë edhe çmimin e kilometrit, por sot nuk ka, premtimet e saj nuk vlejnë, çka kanë ata brenda ne nuk e dimë, por ne vuajmë nga ajo që na kanë ndërpre…”, shpreh Uzair Ahmeti, shofer autobusi.

Ai thotë se një autobus në ditë shpenzon mbi 12 mijë denarë vetëm naftë, përveç harxhimeve të tjera. Po ashtu shton se çdo investim për autobusët e bëjnë nga xhepi i tyre, madje duke iu përshtatur eurostandardeve, më shumë se 20 mijë euro ka blerë autobusin e fundit. Nga Ndërmarrja e Qytetit ka për të marrë rreth 10 mijë euro borxh. Shpreson se do të kthehen ditë e mira për 220 kolegët e tij.

“Shpresa ime, ne do të luftojmë deri në fund që ta kthej punën dhe të na kthej të hollat që ne të kemi mundësi të punojmë me këtë punë… ta vazhdojmë prapë dhe të punojmë siç kemi punuar 32 vjet…”, shtoi ai.

adv

Shoqata e Gazetarëve të Maqedonisë ka reaguar ashpër ndaj ofendimeve të Drejtorit të Ngrohtores “Shkup Veri”, Kushtrim Ramadani drejtuar gazetares se portalit “mkd.mk”, Katerina  Dodevska. Në një bisedë telefonike me gazetaren, Ramadani i është drejtuar asaj me fjalë të vrazhda, ofendime dhe gjuhë të papërshtatshme. Për këtë arsye, nga SHGM kërkojnë dorëheqje të menjëhershme të drejtorit Ramadani.

“SHGM paralajmëron se ky qëndrim ndaj gazetarëve dhe punonjësve të medias nga persona përgjegjës është i papranueshëm dhe i pavend. Një përballje personale me gazetarë apo punonjës të medias nuk mund të justifikohet në asnjë rast dhe për këtë arsye kjo marrëdhënie mund të çojë në autocensurë. Një marrëdhënie e tillë paraqet gjithashtu një presion mbi lirinë e informimit të publikut dhe një kërcënim për interesin publik. Gjithashtu, drejtori Ramadani, sipas bisedës së publikuar në mkd.mk, e kërcënon gazetaren Dodevska me padi pa ndonjë shkak të arsyeshëm, që më tej flet për kapacitetin e ulët të komunikimit profesional”, thuhet në reagimin e SHGM-së.

SHGM do t’i ofrojë ndihmë juridike falas gazetares Dodevska dhe përfaqësim gjyqësor gjatë gjithë kësaj procedure./KlanMacedonia

adv

Sot në Haraçinë ka qenë i pranishëm gazetari nga Shqipëria, Marin Mema ku me ftesë të studentëve të UEJL-it dhe me ndihmën e profesorëve ia arritën të organizojnë një manifestim për nderë të 28 Nëntorit.

Këtë iniciativë e përkrahi edhe kryetari i komunës, Ridvan Ibraimi.

Për shkak që nga regjistrimi i fundit në RMV, Haraçina doli me 100% popullsi shqiptare dhe asnjë të asimiluar, u vendos që Haraçina ta mirëpres gazetarin e “Gjurmë shqiptare” e jo ndonjë komunë tjetër shqiptare.

Marin Mema foli për dëshmorët, foli edhd për bashkimin kombëtar. Gjithashtu Mema tha se ashtu siç kemi qenë të bashkuar në luftë ashtu duhet të jemi edhe në paqe. Të investohet më shumë në arsimimin e gjeneratave të reja sepse janë e ardhmja e kombit.

adv

Lidhja Social Demokrate e Maqedonisë (LSDM) mbrëmë në Tetovë e vazhdoi serinë e tribunave me qytetarët “Fuqishëm dhe të vendosur drejtë së ardhmes”. Në tribunë foli dhe u përgjigj në pyetjet e qytetarëve edhe kryetari i partisë dhe kryeministër Dimitar Kovaçevski.

Në pyetjet çka do të bëhet rreth rritjeve të vazhdueshme të çmimeve të ushqimit dhe karburanteve, Kovaçevski theksoi se duke pasur parasysh politikat e Qeverisë pret që viti 2023 të jetë vit i kthesës ekonomike dhe i shpresës së re. Sipas tij, deri më tani në rrethana të vështira Qeveria ka arritur ta mbajë stabil dhe të mos dështojë buxheti, të ruhet sistemi energjetik dhe të sigurohet ushqim, karburante, ngrohje dhe rrymë.

“Nëse 10 muaj më parë çështja kryesore ishte nëse do të arrijmë të sigurojmë ushqim, para, rrymë dhe naftë, sot çështja kryesore është nëse do ta kalojmë së bashku pjesën e fundit të stuhisë ekonomike apo jo. Nëse në dhjetë muajt e parë mbajtëm fort vijën ekonomike për të luftuar krizën, për vitin e ardhshëm dhe Buxhetin e ri është një ndryshim, një pikë kthese nga ku shkojmë në ofensivë. Le ta mposhtim përfundimisht krizën, të fillojmë të rritemi ekonomikisht, të rrisim standardin e jetesës dhe të sigurohemi që viti i ardhshëm të jetë më i mirë se ky. Të bëjmë ndryshime sociale me politikat tona ekonomike për tranzicion energjetik, për të ofruar mbështetje financiare dhe pikë kthese në zhvillimin e ekonomisë vendase”, tha Kovaçevski.

adv