Në Klinikën e Kirurgjisë Digjestive, dje në mesditë është kryer transplanti i parë i mëlçisë nga donatori i vdekur, në historinë e shëndetësisë në Maqedoni të Veriut.

Pacienti gjashtëdhjetëvjeçar me sëmundje kronike të mëlçisë ka marrë një organ të shëndetshëm nga pacientja me vdekje në tru, familja e së cilës ka pranuar t’i dhurojë organet.

Kështu ka bërë të ditur ministri i Shëndetësisë së Maqedonisë së Veriut, Bekim Sali, i cili ka informuar se krahas mëlçisë, momentalisht është duke u zhvilluar transplantimi i veshkave në dy pacientë me sëmundje të veshkave.

“Në emrin tim personal dhe në emër të gjithë personelit të përfshirë në ndërhyrjen e transplanteve, do të doja të falënderoja familjen e donatorit dhe vendimin e tyre për të shpëtuar jo një, por tre jetë. Ata na treguan edhe një herë se jeta mund të dhurohet. Falenderojmë gjithashtu të gjitha ekipet mjekësore të përfshira në transplantim, që punuan dhe vazhdojnë të punojnë me pacientët gjatë 24 orëve të fundit. Falënderim të veçantë meriton profesori Zoran Karaxhov dhe ekipi i tij, si dhe ekipi i Klinikës së Gastroenterohepatologjisë, i cili sot shkroi një faqe të re jo vetëm në fushën e kirurgjisë së digjestive, por edhe në shëndetin e përgjithshëm.”, ka shkruar Sali.

adv

Kosova tashmë më shumë se një vit po paralajmëron një ligj për rregullimin e tregut dhe veprimtarisë të kriptovalutave. Megjithatë, deri tani, një version zyrtar nuk ka arritur në Kuvend.

Përkundër mungesës së ligjit, Ministri i Financave Hekuran Murati u ka bërë thirrje qytetarëve që të paraqesin fitimet nga kriptovalutat për taksim. Ai tha se do të aplikohet tatim prej rreth 10% nga fitimi total.

“Nëse dikush ka investuar në kriptovaluta 10 mijë euro në vlerë dhe pas një kohe është rritur vlera e tyre dhe i ka shitur kriptovalutat për 20 mijë euro, atëherë fitimi do të ishte 10 mijë dhe ky fitim kapital do të duhej të deklarohej në formular”, tha Murati, njofoto TRT.

Përgatitjen e një ligji të tillë e paralajmëron edhe Maqedonia e Veriut. Ministri i Financave në Qeverinë e Shkupit, Fatmir Besimi, tha se do të duhet të rregullohet kjo sferë, sidomos nga prizmi i parandalimit të pastrimit të parave dhe financimit të terrorizmit.

“Shfrytëzimi i mjeteve virtuale me vlerë të njohura si “kriptovaluta” do të rregullohet me ligj. Aktualisht, Ministria e Financave, së bashku me Njësinë e inteligjencës financiare, si dhe rregullatorët dhe supervizorët financiarë po punojnë për t’i përcaktuar të gjitha aspektet që dalin nga ky fenomen i ri”, deklaroi Fatmir Besimi.

Gërmimi i kriptovalutave është proces që shpenzon nivele marramendëse të energjisë elektrike, ndërsa konsumi i energjisë për këtë qëllim po rritet çdo vit. Një studim i përgatitur nga Cambridge University tregon se vetëm gërmimi i Bitcoin globalisht shpenzon më shumë energji se sa shtete të tëra si Argjentina, Holanda apo Emiratet e Bashkuara Arabe.

Megjithëse vendet e Ballkanit bashkë nuk përbëjnë as 0.1% në prodhimin e përgjithshëm të Bitcoinit, megjithatë gërmimi po lë gjurmë në krizën energjetike edhe në Ballkanin Perëndimor./ina/

adv

⚽️🏀🎾 Qyteti i Shkupitt fillon me rikonstruimin e 6 fushave të sportit në qendrën rekreative Saraj.

Sot bashkë me Kryetaren e qytetit të Shkupit znj. Danella Arsovska, drejtorin e N.P Rrugë dhe rrugica z. Said Saidi dhe drejtorin e Parqeve dhe Gjelbrimeve z. Zuhejr Rexhepi inspektuam nga afër fillimin e punimeve për rekonstruimin e gjashtë fushave të sportit në qendrën rekreative edhe atë: tre fusha për futboll, dy për basketboll dhe një për tenis, me sipërfaqe gjithsej prej 4000 m2.

🍀 Gjithashtu i shikuam nga afër edhe punimet që po zhvillohen nga Parqe dhe Gjelbrime për ndërtimin e hapësirës së gjelbërt afër objektit të komunës së Sarajit.

Ka shkruar kreu i Sarajit Blerim Bexheti në profilin e tij në Facebook!

adv

Drejtori i NP “Rrugët dhe rrugicat” Said Saidi së bashku me kryetaren e Qytetit të Shkupit, Danela Arsovska dhe kryetarin e komunës së Sarajit, Blerim Bexheti kanë inspektuar punimet në terren.

Lexoni statusin e plotë:

🔹Bashkë me kryetaren e Qytetit të Shkupit, Danela Arsovska sot ishim në terren për të inspektuar punimet të cilat po kryhen në Hasanbeg të Komunës së Gazibabës, më saktësisht në rr. “Hristofer Zhefaroviq” si dhe në komunën e Sarajit.

🔹Në Saraj na priti kryetari Blerim Bexheti me të cilin diskutuam rreth rikonstruimeve që po kryhen në terrenet sportive. Fëmijët dhe të rinjtë meritojnë fusha sportive me standarde evropiane dhe së bashku po punojmë për ti bërë realitet.

NË SHËRBIM TË QYTETARËVE, ME PUNË DHE PËRKUSHTIM 🤝

adv