13.8 C
Skopje
E hënë, 1 Qershor, 2026
Home Blog Page 49

Osmani: Shovinizmi nuk mund të tolerohet në krye të institucioneve të shtetit, kryetari i Gjykatës Kushtetuese të jep menjëherë dorëheqje

0

Nënkryetari i BDI-së, Bujar Osmani, ka kërkuar dorëheqje nga kreu i Gjykatës Kushtetuese. Siaps tij, shovinizmi nuk mund të tolerohet në krye të institucioneve të shtetit.
“Kryetari i Gjykatës Kushtetuese duhet të japë dorëheqje menjëherë.
Me deklaratat e tij të fundit ai ka humbur çdo kredibilitet për të udhëhequr edhe institucionin më të vogël në një shtet multietnik, e jo më institucionin që duhet të jetë garant i Kushtetutës dhe i barazisë.
Shovinizmi nuk mund të tolerohet në krye të institucioneve të shtetit.
Nëse nuk ndërpritet në fillesë, nesër mund të jetë shumë vonë”, ka shkraur Osmani, raporton SHENJA.

adv

BDI-ja kërkon dorëheqjen e kreut të Kushtetueses: Bashkëpërgjegjës është edhe VLEN

0

BDI-ja ka kritikuar ashpër deklaratat e kreut të Kushtetueses Darko Kostadinovski për gjuhët në sistemin “Safe City”. “Deklaratat e tij për çështjen e projektit “Safe City”, sipas të cilave porositë SMS duhet të dërgohen vetëm në maqedonisht, ndërkohë që mund të dërgohen edhe në anglisht, por jo në shqip, përbëjnë një akt të hapur diskriminimi dhe një shkelje të rëndë të frymës dhe të vetë Kushtetutës së shtetit”, thonë nga BDI-ja.

“Me këtë veprim, kryetari i Gjykatës Kushtetuese jo vetëm që tejkalon kompetencat e tij, por ndërhyn brutalisht në rendin juridik dhe në marrëdhëniet ndëretnike në vend. BDI kërkon dorëheqjen e menjëhershme të Darko Kostadinovskit dhe të çdo gjyqtari që ndan të njëjtat qëndrime diskriminuese për këto dy vite me majorizim. Përndryshe, prej sot e tutje ai do të mbajë përgjegjësi të plotë për çdo pasojë që mund të prodhohet në planin e marrëdhënieve ndëretnike. Mbaje mend, Kostadinovski: për këto veprime do të përgjigjesh – herët a vonë, por do të përgjigjesh. Bashkëpërgjegjës për këto veprime antikushtetuese dhe antiligjore të Kostadinovskit dhe të vetë Gjykatës Kushtetuese është edhe VREDI, të cilët janë pa takat e pa zë. Përgjegjësisë nuk do të mund t’i ikni,” thanë nga BDI

adv

VLEN: Kjo përbërje e Gjykatës Kushtetuese sillet si elitë politike jugosllave!

0
Si legalistë, duam ta respektojmë parimin normativ se vendimet e Gjykatës Kushtetuese nuk komentohen, sidomos jo nga partitë politike, sepse kjo automatikisht mund të interpretohet si presion politik. Megjithatë, para së gjithash si njerëz, e pastaj edhe si parti, nuk mund t’i shmangemi përshtypjes se kjo përbërje e Gjykatës Kushtetuese më shumë i ngjan një elite politike jugosllave sesa instancës më të lartë gjyqësore në vend.
Përdorimi i gjuhës shqipe është e drejtë themelore e njeriut dhe një nga vlerat themelore të Kushtetutës. Institucionet shtetërore kanë detyrimin ta garantojnë të drejtën e çdo qytetari që të informohet në gjuhën e tij amtare, përfshirë edhe për detyrimet që i lindin si pasojë e veprimeve apo sjelljes së tij.
Kjo vlen edhe për sistemin “Safe City”. VLEN ka qenë i qartë dhe mbetet i palëkundur në qëndrimin se kur shteti njofton, paralajmëron apo ndëshkon qytetarin përmes këtij sistemi, ai ka për detyrë ta bëjë këtë edhe në gjuhën shqipe. Kjo nuk është çështje vullneti politik, por detyrim kushtetues dhe respektim i një të drejte themelore. Pikërisht për këtë, VLEN do ta mbrojë këtë parim me të gjitha mjetet juridike dhe institucionale, deri në zbatimin e plotë dhe pa asnjë dilemë.
Fakti që sot ende hapen dilema për çështje që prej kohësh është dashur të jenë të mbyllura, është pasojë e drejtpërdrejtë e papërgjegjësisë dhe manipulimeve të atyre që për dekada sunduan dhe rrejshëm mburreshin se i kishin zgjidhur të gjitha çështjet madhore për shqiptarët, ndërkohë që pasuroheshin mbi kurrizin e popullit. Për fat të keq, ata na lanë një sistem tërësisht të eroduar në të gjitha nivelet, të cilin tani duhet ta riparojmë me durim.
adv

VMRO : LSDM ndryshoi emrin e shtetit dhe kushtetutën, vetëm që të rrinin edhe pak në pushtet

0

VMRO akuzoi LSDM-në se është “armiku më i madh i shtetit” dhe pengesa kryesore në procesin e integrimit evropian të Maqedonisë.

“Nuk ka armik më të madh të shtetit sesa LSDM-ja e Zoran Zaevit dhe Venko Filipçes”, thanë nga OBRM-PDUKM në një deklaratë, duke shtuar se gjatë gjithë historisë, shteti “ka vuajtur më shumë nga armiqtë dhe tradhtarët e tij të brendshëm”.

Partia pretendon se ish-qeveria bëri lëshime serioze për të mbetur në pushtet.

“Ata ndryshuan kushtetutën, emrin e shtetit, nënshkruan marrëveshje tradhtare, vetëm për të rrëmbyer pushtetin dhe për të qëndruar në pushtet edhe një ditë më shumë”, thuhet në deklaratë.

Deklarata gjithashtu thotë se ishte sundimi i LSDM-së, sipas OBRM-PDUKM-së, që ishte një pengesë për përparimin drejt Bashkimit Evropian.

“Pengesat më të mëdha në rrugën e integrimit evropian të vendit janë pikërisht LSDM dhe sundimi i tyre kriminal”, pretendon partia.

Sipas partisë në pushtet, qeveria aktuale po punon në axhendën e reformave dhe harmonizimin e legjislacionit me standardet evropiane dhe se mbetet e përkushtuar ndaj integrimit të vendit në Bashkimin Evropian “duke përmbushur kriteret e Kopenhagenit dhe duke ruajtur identitetin kombëtar”.

adv

Nëndetësja turke “del në sipërfaqe” në Portin e Durrësit

0

Porti i Durrësit ka mirëpritur në një vizitë treditore nëndetësen turke “TCG İNÖNÜ”, në kuadër të bashkëpunimit ndërinstitucional dhe marrëdhënieve të konsoliduara mes forcave detare të vendeve aleate.

Gjatë kësaj vizite, autoritetet portuale, në koordinim me Forcën Detare dhe Policinë Ushtarake, janë angazhuar për garantimin e masave organizative dhe kushteve të nevojshme për akomodimin, sigurinë dhe mbarëvajtjen e saj.

Sipas njoftimit të Portit të Durrësit, vizita e nëndetëses turke përfaqëson një moment të rëndësishëm të bashkëpunimit ndërkombëtar, duke reflektuar mundësitë për partneritet të vazhdueshëm dhe forcimin e marrëdhënieve detare dhe të sigurisë në rajon.

adv

Moti për ditën e sotme

0

Moti sot do të jetë me diell dhe relativisht i ngrohtë me pak vranësira lokale.

Do të fryjë erë e dobët deri në mesatare e ndryshueshme. Temperatura minimale do të jetë në intervalin -4 deri në 3 gradë, ndërsa maksimale do të arrijë nga 15 deri në 21 gradë.

Në Shkup, do të mbajë mot me diell dhe relativisht i ngrohtë me erë të dobët të ndryshueshme. Temperatura minimale do të bjerë në -1, ndërsa maksimale do të arrijë deri në 20 gradë.

Të premten do të mbajë mot kryesisht i qëndrueshëm dhe me diell me pak vranësira deri në mesatare.

Gjatë ditëve të fundjavës dhe në fillim të javës së re, moti do të jetë i ndryshueshëm me vranësira dhe reshje lokale të shiut të herëpashershme.

adv

Asani para ndeshjes me Poloninë: Do të jetë e vështirë, por shkojmë për fitore

0

Jasir Asani ka shënuar gjashtë gola me fanellën e Shqipërisë. Njërin prej golave Asani e shënoi ndaj Polonisë, kundërshtares së Shqipërisë në gjysmëfinale të plejofit për Kupën e Botës 2026.

Asani shënoi ndaj Polonisë në fitoren 2:0 në Tiranë më 10 shtator të vitit 2023. Ai shpreson të shënojë sërish gol ndaj Polonisë më 26 mars në Varshavë.

“Emocione ka çdo ndeshje dhe kur shënon gol ndaj një përfaqësuese siç është Polonia nuk e harron asnjëherë. Kam përjetuar emocionet më të mëdha kur shënova golin. Uroj të shënoj sërish gol ndaj Polonisë”, ka thënë Asani për Federatën Shqiptare të Futbollit.

Ai ka vlerësuar lart ekipin përfaqësues të Polonisë. Por thotë se Shqipëria ka gjasat e saj për të dalë fituese ndaj polakëve.

“Polonia ka lojtarë të mirë, por edhe ne kemi lojtarë që luajnë në kampionate të mira. Uroj të mos kemi lëndime dhe të jemi gati 100 %. Do të jetë ndeshje e vështirë, por duhet të shkojmë për të fituar. Me ndihmën e të gjithëve mund t’ia dalim. Në shtëpi e kemi mposhtur dhe duhet të jemi të fokusuar maksimalisht në ndeshje”, është shprehur Asani.

Asani luan te Esteghali, një prej ekipeve më të mëdha në Iran. Tri ditë pasi nisi lufta, ai u largua nga vendi i Lindjes së Mesme.

 

 

Burimi / Koha.net

adv

Durmishi: Kostadinovski të mbrojë Kushtetutën, jo të bëjë politikë ditore

0

Ministri i VLEN-it, Besar Durmishi, në intervistën e lajmeve në Alsat M, ka reaguar ndaj deklaratave të fundit të Kryetarit të Gjykatës Kushtetuese Darko Kostadinovski, lidhur me përdorimin e gjuhës shqipe në mesazhet për Safe Cityn.

Durmishi e porositi Konstadinovskin të mos merret me politikë ditore, por ta mbrojë Kushtetutën, ndërsa kujtoi se përdorimi i gjuhës shqipe është garantuar me Kushtetutë.

“Përveç gjuhës maqedonase, sipas kushtetutës gjuhë zyrtare është edhe gjuha të cilën e flasin të paktën 20% e qytetarëve, pra gjuha shqipe. Prandaj as kryetari i gjykatës kushtetuese dhe askush tjetër nuk mund ta mohojë këtë të drejtë, as ta interpretojë kushtetutën ashtu siç dëshiron ai. Ne do të bëjmë betejën tonë brenda Qeverisë, brenda Ministrisë së Brendshme”, tha Durmishi.

adv

Hristijan Mickoski: Masat e propozuara nga opozita janë planet e Qeverisë

0

Sipas kryeministrit Mickoski, masat e propozuara nga opozita janë në planet e Qeverisë, por tani për tani nuk ka nevojë për to.

“Ajo që propozon opozita është sigurisht pjesë e mendimit të Qeverisë, por jo vetëm kaq, ka masa të tjera që do të merren dhe ne do të reagojmë në mënyrë të përshtatshme ndaj sfidave. Ne nuk do të presim që ato të ndodhin dhe pastaj të reagojmë“, deklaroi Hristijan Mickoski, Kryeministër.

Çdo krizë ekonomike globale, si dhe rritja e çmimeve të karburantit, ndikon drejtpërdrejt në shtrenjtimin e produkteve. Shtrenjtimi më i madh ishte gjatë krizës Kovid. Megjithëse çmimet në bursat botërore ranë dhe në shumicën e vendeve u kthyen në normalitet, ndërsa në vendin tonë mbetën të larta./Alsat.mk.

adv

“Lista e zezë” e Grubit, ja kush janë personat e përfshirë..

0

A do të “flasë” ish-zëvendëskryeministri, i cili pas largimit nga funksioni u vendos në “listën e zezë” të SHBA-së dhe u bë i dyshuar në një rast për Lotarinë Shtetërore, për tre bashkëpartiakë nga BDI, një ish-sekretar të përgjithshëm të LSDM-së dhe vëllain e një ish-kryeministri?

Ish-zëvendëskryeministri Artan Grubi, i cili së fundmi u kthye në vend pas 14 muajsh arratisje, pas së cilës u vendos në arrest shtëpiak për një rast të lidhur me Lotarinë Shtetërore, për një kohë të gjatë kishte bërë përpjekje për të arritur një marrëveshje politike për rikthimin e tij në vend, shkruan revista javore “Fokus”.

Sipas burimeve tona, menjëherë pas ndryshimeve politike, fillimisht lideri i BDI-së, Ali Ahmeti, kishte bërë përpjekje përmes rrugëve politike që t’i siguronte Grubit një terren më të favorshëm për betejën juridike, por në atë kohë ishte refuzuar kategorikisht nga qeveria e udhëhequr nga VMRO-DPMNE. Por a ka ndryshuar diçka ndërkohë?

Siç thonë persona të afërt me Grubin, ai është larguar me zemër të rënduar dhe e kishte shumë të vështirë të qëndronte larg shtëpisë së tij. Prandaj, për një kohë të gjatë kishte tentuar përmes kanaleve të ndryshme politike, por edhe familjare, të arrinte një marrëveshje për rikthimin e tij, përpjekje që me kalimin e kohës u intensifikuan për disa arsye – dëshironte të kthehej te familja, ndihej i harruar nga Mala Reçica dhe ishte shënjestër kërcënimesh.

Nëse e gjithë kjo e ka shtyrë Grubin të kërkojë dhe të sigurojë rikthimin nën kushte më të favorshme (arrest shtëpiak), atëherë çfarë mund të japë ai në këmbim?

Siç thotë një përfaqësues i pushtetit, Grubi ka lënë të kuptohet se do të flasë dhe do të tregojë gjithçka që di për disa ish-bashkëpartiakë në parti dhe në qeveri.

I njëjti burim thotë se personi që ndodhet në “listën e zezë” të SHBA-së ka përpiluar edhe “listën e tij të zezë”, ku pesë persona janë në plan të parë:
• deputeti aktual Blerim Bexheti
• ish-ministri i Ekonomisë Kreshnik Bekteshi
• ish-ministri i Punëve të Jashtme Bujar Osmani
• ish-sekretari i përgjithshëm i LSDM-së, Mile Zeçeviq
• vëllai i ish-kryeministrit Zoran Zaev, Vice Zaev

Rastësi apo jo, pikërisht këto dhe disa emra të tjerë, të lidhur me ish-qeverinë LSDM–BDI, këto ditë u përmendën nga përfaqësues të VMRO-DPMNE-së, të cilët, ndër të tjera, pretendojnë se opozita frikësohet nga ajo që mund të zbulojë Grubi para prokurorisë, gjë që mund të përcaktojë se kush mund të ulet pranë tij në bankën e të akuzuarve./Fokus

adv
1...484950...2 810Page 49 of 2 810

www.POPULLI.mk nuk mban përgjegjësi për postimet dhe fotografitë e publikuara nga mediat/portalet tjera. Për çdo informacion të huazuar e keni edhe citimin e burimit nga ku është marrë lajmi.