26.8 C
Skopje
E hënë, 1 Qershor, 2026
Home Blog Page 54

Mexhiti: Në Prekaz shkojmë për homazhe, jo për të vendosur për liderin e VLEN-it

0

Çështja e lidërit të VLEN-it, ende nuk është zgjidhur. Njëri nga liderët e VLEN-it dhe njëherit kryetari i komunës së Çairit Izet Mexhiti, u pyetur nëse po shkojnë në Prekaz për të finalizuar çështjen e liderit të VLEN-it, Mexhiti u shpreh se atje shkojnë për të bërë homazhe dhe te varrezat e familjes Jashari, raporton SHENJA.

Ndërsa siç u shpreh, sa i përket VLEN-it, nuk kanë ndonjë zhvillim të ri dhe se në momentin që do të ketë opinioni do të jetë i informuar.

“Sa i përket VLEN-it, po punohet, nuk ka diçka jashtë asaj që e kemi thënë deri tash, dmth momentin e duhur dhe do ju njoftojmë… nuk është vetëm çështja e liderit, po flasim për ideologji, për programin, për platformën, për mënyrën më të mirë se sit ë funksionoj VLEN-i”, deklaroi Mexhiti.

adv

Mickoski: Kampusi i ri i Universitetit “Nënë Tereza” do të jetë qendër e dijes dhe inovacionit

0

Kryeministri i Maqedonisë së Veriut, Hristijan Mickoski, njoftoi sot fillimin e ndërtimit të kampusit të ri modern të Universiteti “Nënë Tereza” në Shkup, duke e cilësuar projektin si një investim strategjik për të ardhmen e arsimit të lartë në vend.

Sipas tij, qeveria ka siguruar gjithsej 42 milionë euro për realizimin e këtij projekti. Prej tyre, 40 milionë euro janë të dedikuara për ndërtimin e objekteve, ndërsa rreth 2 milionë euro për mbikëqyrjen e punimeve, me qëllim që procesi të zhvillohet në mënyrë profesionale, cilësore dhe transparente.

Kampusi i ri do të ndërtohet në një sipërfaqe prej rreth 31 mijë metrash katrorë dhe do të përfshijë objekte moderne universitare, amfiteatro, hapësira për studentë, salla sportive, pishinë dhe infrastrukturë bashkëkohore që do t’u përgjigjet nevojave të arsimit të lartë modern.

Mickoski theksoi se investimi është pjesë e një vizioni më të gjerë për zhvillimin e arsimit në vend. Ai nënvizoi se një ekonomi e fortë nuk mund të ekzistojë pa universitete të forta dhe pa të rinj të arsimuar e të motivuar.

“Kampusit i ri nuk do të jetë vetëm një vend për ligjërata dhe provime, por një hapësirë ku do të krijohet dije, do të lindin ide dhe ku të rinjtë do ta ndërtojnë të ardhmen e tyre”, u shpreh kryeministri.

Ai shtoi se qëllimi i qeverisë është që të rinjtë të kenë mundësi të studiojnë, të zhvillohen dhe të ndërtojnë karrierën e tyre në vendin e tyre, ndërsa universitetet të shndërrohen në qendra të dijes, kërkimit shkencor dhe inovacionit.

adv

Mexhiti: Në konakun e Jasharajve, baci Rifat i fortë si kështjellë

0

Në Prekazin heroik. Te konaku famëmadh i familjes Jashari, ku Baci Rifat si gjithnjë i fortë si kështjellë.

Në ditën e fundit të Epopesë së UÇK-së, nderuam kryeheroin Adem Jashari dhe gjithë të rënët e luftës së fundit në Kosovë.

Secila vizitë në familjen Jashari është rimësim se sa e shtrenjtë është liria. Epopeja e UÇK-së me 5, 6 dhe 7 mars të vitit 1998, mbetet pika e kthesës në rrugën për çlirim e pavarësi të Kosovës.

adv

Matoshi: Kurrë niher nuk i tha Vjosa – Albinit falemnderit që më bëre Presidente!

0

Po du presidente.

Ani, e boni presidente!

U gzum ton me zemer, edhe pse boll na ka pas qepu. Kurre sen si kemi thon.

Tash tha o banem prape presidente, ose kallet loja, krejtve ju idhnohna.

Si me ta pas me borxh moj moter! Kurre nihere nuk the falemineres qe t’boni Albini presidente. Per ldk as onderr se kishe pa ate pozite.

Keq valla, kam pas mendu ndryshe per ty!

adv

Albin Kurti në konferencë për media në orën 16:00

0

Zëdhënësi i Qeverisë së Kosovës, Arlind Manxhuka, ka bërë të ditur se Kryeministri Albin Kurti mban konferencë për media.

Sipas tij, konferenca do të mbahet në orën 16:00

Konferenca vjen pas takimit të presidentes së osovës me liderët e partive politike. Në këtë takim nuk mori pjesë askush nga partia në pushtet, Vetëvendosja.

adv

Abdixhiku: Data e zgjedhjeve do të vendoset nga Vjosa Osmani

0
Kryetari i Lumir Abdixhiku, pas takimit me Vjosa Osmani, tha se nuk është caktuar ende datë zyrtare për zgjedhjet.

Ai shtoi se vendimi do të merret nga presidentja në përputhje me afatet kushtetuese.
“Diskutime zyrtare për datën e zgjedhjeve. Kurdo që Presidenti e vlerëson, për afatin kushtetues rregullt brenda parashikimeve kushtetuese”, tha Abdixhiku.

adv

5 gjëra të përditshme që do të bëhen më të shtrenjta nëse konflikti me Iranin vazhdon

0
Konflikti me Iranin tashmë po përhapet nga sfera e sigurisë në ekonomi, dhe nëse kriza zgjatet, ndër pasojat e para për konsumatorët mund të jenë çmimet më të larta të karburantit, faturat më të larta të energjisë, kostot më të larta të plehrave, presioni mbi çmimet e ushqimeve dhe rritja e kostove të biletave të avionit dhe udhëtimit. Ky vlerësim bazohet në lëvizjet e naftës dhe gazit, ndërprerjet e transportit dhe mbylljet e kufizimet në rrugët kryesore ajrore dhe detare në Lindjen e Mesme.

Goditja zakonisht ndihet më shpejt te benzina dhe nafta. Çmimet e naftës bruto mbetën pranë niveleve më të larta disamujore më 4 mars, me Reuters që raportoi se benzina amerikane kishte kaluar tashmë 3 dollarë për galon, ndërsa vlerësime të tjera sugjerojnë se një përshkallëzim i zgjatur dhe ndërprerje të reja të furnizimit mund ta shtyjnë tregun më lart. Kur çmimet e naftës dhe gazit rriten, rriten edhe kostot e gjenerimit të energjisë elektrike dhe ngrohjes, duke ushtruar presion mbi faturat e familjeve.

Vala tjetër vjen përmes bujqësisë dhe ushqimit. Tregjet paralajmërojnë se konflikti mund të ndërpresë furnizimin me plehra dhe squfur, ndërsa kostot më të larta të karburantit po rrisin më tej kostot e mekanizimit, ujitjes dhe transportit. Kjo do të thotë që tronditja e çmimeve nuk mbetet vetëm tek prodhuesit, por gradualisht kalon në raftet e dyqaneve, veçanërisht nëse kriza vazhdon dhe nëse furnizimet përmes Ngushticës së Hormuzit mbeten të kufizuara.

Rritjet e çmimeve nuk ndalen me kaq. Udhëtimi ajror tashmë po vuan nga ndërprerje të rënda, me anulime fluturimesh, ridrejtime dhe kosto më të larta të karburantit, dhe Reuters dhe AP raportojnë se çmimet e biletave janë rritur tashmë në disa itinerare midis Azisë dhe Evropës. Nëse situata mbetet e paqëndrueshme, udhëtimet mund të bëhen edhe më të shtrenjta, jo vetëm për shkak të biletave të avionit, por edhe për shkak të kostove më të gjera në sektorin e turizmit.

adv

PSE IRANI I VETËM NDËRSA ARABËT NË ALEANCË?!

0

PSE IRANI I VETËM NDËRSA ARABËT NË ALEANCË?!

Pse Irani shpesh qëndron i vetëm gjeopolitikisht, ndërsa shumë vende të tjera me shumicë muslimane ndjekin rrugë të ndryshme strategjike? Përgjigja nuk është vetëm feja – është ideologjia, struktura politike, konkurrenca rajonale e fuqisë dhe strategjia e mbijetesës.

Nga revolucioni i vitit 1979 deri te aleancat moderne, çdo vendim ka formësuar tensionet dhe rreshtimet globale të sotme. Të kuptuarit e konflikteve do të thotë të kuptuarit e forcave që qëndrojnë pas tyre, jo vetëm titujt kryesorë të lajmeve. Viti 1979 ishte koha kur ndryshoi Irani. Para këtij viti, Irani ishte një aleat i SHBA-së, ndërsa pas Revolucionit Islamik, regjimi i ri e ndërtoi veten mbi identitetin anti-perëndimor, refuzimin e Izraelit dhe teologjinë politike shiite. Armiqësia u bë pjesë e doktrinës së shtetit. -Realiteti sunit vs. shiit- Rreth 80-90% e myslimanëve në të gjithë botën janë sunitë dhe 10-20% janë shiitë.

Irani është afërsisht 90% shiitë, ndërsa shumica e shteteve arabe janë me shumicë sunite.

Kjo formëson aleancat në të gjithë rajonin. Çfarë e bën Iranin unik? Pas vitit 1979, Irani miratoi Velayat-e-Faqih (Kujdestaria e Juristit), që i bie të jetë: autoritetin e Udhëheqësit Suprem, kontrollin klerikal mbi shtetin dhe fenë e ngulitur drejtpërdrejt në qeverisje. Asnjë shumicë sunite nuk e ndjek këtë model. Pse kjo krijon tensione? Irani mbështet grupet aleate në Siri, Irak, Liban dhe Jemen.

Ai e paraqet veten si një “rezistencë”. Arabia Saudite dhe shtetet e tjera sunite e shohin këtë si një kërcënim legjitimiteti dhe një sfidë rajonale të fuqisë. Kjo është politikë e fuqisë dhe sundimit, jo vetëm sektarizëm i thjeshtë. Sa i përket faktorit persian kundrejt atij arab – Irani është persian, jo arab, flet persisht dhe është i dallueshëm nga ana qytetëruese.

Dallimet në identitet thellojnë rivalitetin rajonal. Pse të tjerët rreshtohen me Uashingtonin? Arabia Saudite, Jordania dhe Egjipti i japin përparësi: mbijetesës së regjimit, garancive të sigurisë së SHBA-së dhe stabilitetit ekonomik. Ka më pak të bëjë me ideologjinë, më shumë me strategjinë.

Konflikti i vërtetë është se Irani kërkon udhëheqje përmes rezistencës, ndërsa Arabia Saudite kërkon udhëheqjen e Islamit sunit. Kjo nuk ka të bëjë vetëm me Izraelin, por me atë se kush e formëson të ardhmen e Lindjes së Mesme.

adv

“Mbajnë gjallë gjuhën shqipe”, Edi Rama takon fëmijët e Manastirit

0

Ambasadori i Shqipërisë në Maqedoninë e Veriut, Denion Meidani ka shpërndarë pamje nga pritja që u ka bërë kryeministri Edi Rama fëmijëve të bibliotekës “Linkest” në Manastir, përcjell TV21. Meidani shkruan se mes të tjerëve, këta fëmijë “mbajnë gjallë gjuhën shqipe, librin shqip dhe dashurinë për identitetin tonë, edhe përtej kufijve”.

“Në Kryeministri, së bashku me fëmijët nga Biblioteka “Linkest” në Manastir, në një takim të veçantë me Kryeministrin e Shqipërisë, Edi Rama. Fëmijë që mbajnë gjallë gjuhën shqipe, librin shqip dhe dashurinë për identitetin tonë, edhe përtej kufijve. Çdo fjalë e mësuar, çdo libër i lexuar në shqip është një urë që lidh brezat dhe një dëshmi se bijtë e shqipes, kudo që janë, e mbajnë gjallë gjuhën dhe kulturën e tyre. Ku ruhet gjuha shqipe, ruhet edhe shpirti i kombit”, ka shkruar Meidani.

adv

Ndalesa për përdorimin e ujit në Strugë mbetet ende në fuqi

0

Gazetar: Miki Trajkovski

Edhe pse në Strugë po zëvendësohen gypat e vjetër të azbestit, të cilët janë më shumë se gjysmë shekulli të vjetër, në rrjetin e ujësjellësit pothuajse një muaj nuk po rrjedh ujë i pastër për pije, ndërsa ndalesa për përdorimin e tij mbetet ende në fuqi. Autoritetet lokale ende nuk kanë një përgjigje konkrete se kur do të fillojë sanimi i gërmimeve dhe i gropave të thella, të cilat janë bërë mbi burimet në Shum, diçka që u kërkua edhe nga ekspertët, të cilët alarmuan se edhe më tej duhet të priten turbullime të caktuara të ujit për shkak të gjendjes me gërmimet.

Aktivistët qytetarë kërkojnë që Qeveria të shpallë gjendje krize në Strugë dhe të centralizojë koordinimin e të gjitha institucioneve kompetente për zgjidhjen e problemit, pasi sipas tyre janë përmbushur të gjitha kushtet ligjore.

“Ky problem tashmë po bëhet serioz, i cili i tejkalon karakteristikat e një problemi teknik dhe po shndërrohet në një krizë serioze, që mund të prodhojë pasoja të dëmshme për shëndetin e njerëzve. Sipas të gjithë parametrave, ekzistojnë argumente serioze që Qeveria ta shqyrtojë këtë çështje dhe të vendosë për nevojën e shpalljes së gjendjes së krizës”, tha Gligorie Katoski – aktivist qytetar.

Ndërkohë sot analizat tregojnë se turbullira e ujit është brenda kufijve të normales. Por nga Qendra e Shëndetit Publik thonë se edhe më tej çdo ditë do të merren mostra nga burimi. /Alsat.mk

adv
1...535455...2 810Page 54 of 2 810

www.POPULLI.mk nuk mban përgjegjësi për postimet dhe fotografitë e publikuara nga mediat/portalet tjera. Për çdo informacion të huazuar e keni edhe citimin e burimit nga ku është marrë lajmi.