Ish-presidenti amerikan, Donald Tramp sot vlerësoi se bota nuk ka qenë kurrë më afër Luftës së Tretë Botërore dhe se presidenti aktual amerikan Xho Bajden po e shtyn botën në luftë me veprimet e tij në mbështetje të Ukrainës.
“Nëse shikoni dhe kuptoni hapat që po ndërmerr Bajden në lidhje me Ukrainën, do të shihni se ai sistematikisht, por ndoshta pa vetëdije, po na shtyn në atë që së shpejti mund të kthehet në Luftën e Tretë Botërore”, tha Tramp në një video të postuar në profilin e tij në Trut Soshal (Truth Social).
Në përvjetorin e fillimit të pushtimit rus të Ukrainës, ai deklaroi se lufta nuk do të kishte ndodhur kurrë nëse ai do të kishte qenë në krye të vendit, sepse gjatë kohës që ishte president ai hodhi poshtë të gjitha “këshillat e dëmshme” të gjeneralëve, burokratëve të Uashingtonit dhe diplomatë që dinë vetëm si ta tërheqin SHBA-në në vend, në konflikt, por jo si të dalin prej tij.