Kryetari i Lëvizjes Populli, Skender Rexhepi-Zejdi, ka reaguar përmes një postimi në Facebook ndaj deklaratave të politikanëve shqiptarë në qeveri, veçanërisht atyre nga koalicioni VLEN. Ai kritikoi qëndrimin e tyre të ndryshuar, duke theksuar se ata që dikur mohonin ekzistencën e një ligji për gjuhën shqipe, tani janë duke e mbrojtur atë.
Rexhepi-Zejdi ngriti pyetjen: “A ekziston apo nuk ekziston një ligj i tillë?” – duke lënë të kuptohet se qëndrimet kontradiktore të disa politikanëve kanë krijuar konfuzion dhe mungesë koherence, informon POPULLI.mk
Reagimi i plotë:
Teksa dëgjoj ulurimat kërcënuese të “pushtetarëve” shqiptarë drejtuar Gjykatës Kushtetuese për mosprekjen e ligjit të gjuhës shqipe, gjithnjë e më shumë më shfaqet dilema hamletiane – KA APO NUK KA ligj që zyrtarizon gjuhën shqipe???
Kjo pasiqë e gjithë qeveria e RMV-së bashkë me kryeministrin e Kosovës, njëzërit trumpetonin që në RMV nuk paska ligj i cili garanton përdorimin zyrtar të gjuhës shqipe. E tash???
PS
Jeni bërë tragjikomedi…
Kujtojmë se Gjykata Kushtetuese më 11 dhjetor duhet të merr vendim për gjuhën shqipe.
© POPULLI.mk