Moti në mëngjes do të jetë i ftohtë, ndërsa gjatë ditës me diell dhe me vranësira të vogla deri mesatare lokale. Do të fryjë erë e dobët deri mesatare kryesisht nga drejtimi perëndimor, më e shprehur në pjesët perëndimore. Temperatura minimale do të jetë në interval prej -5 deri 0, ndërsa maksimalja do të arrijë prej 11 deri 18 gradë.
Në Shkup moti do të jetë me diell dhe me vranësira të vogla deri mesatare dhe me erë të dobët të ndryshueshme. Temperatura minimale do të zbresë deri -2, ndërsa maksimalja do të arrijë 17 gradë.
Edhe të premten do të përqendrohet moti stabil, ndërsa gjatë fundjavës do të ketë kushte për reshje të shkurta lokale të shiut. Temperaturat do të jenë në rritje.
Të hënën pritet valë e re e lagësht me reshje më të rrëmbyeshme të shiut dhe ulje të temperaturave.