Me një vonesë të vogël janë nisur udhëtarët nga aeroporti Ben Gurion në Tel-Aviv, të cilët janë paraqitur në thirrjen për evakuim dhe riatdhesim në Maqedoninë e Veriut, thonë nga MPJ-ja për MIA-n.
Pritet që ata të mbërrijnë në Aeroportin ndërkombëtar të Shkupit rreth orës 15:15.
Qeveria ka organizuar transport ajror falas për qytetarët që kanë kërkuar ndihmë dhe evakuim nga Izraeli. Në kushtet e fluturimeve të anuluara plotësisht dhe transportit ajror të bllokuar me Izraelin, sfida e organizimit të këtij fluturimi çarter është tejkaluar përmes bashkëpunimit me “Air Serbia” për transportin e qytetarëve që kërkuan ndihmë, njoftoi dje Qeveria, duke theksuar se shpenzimet për fluturim do të mbulohen nga Buxheti.