Kryetari komunës Çair Visar Ganiu dhe Drejtori i Ndërmarrjes Publike “Rrugët dhe rrugicat” pranë Qytetit të Shkupit, Said Saidi inspektuam punimet që po realizohen në të mirën e qytetarëve, më poshtë e keni edhe postimin e Ganiut të cilin e shpërndau në rrjetin social Facebook!
Sonte bashkë me drejtorin e Ndërmarrjes Publike “Rrugët dhe rrugicat” pranë Qytetit të Shkupit, Said Saidi inspektuam punimet që po realizohen lidhur me shenjëzimin horizontal të rrugëve të Komunës së Çairit, konkretisht të hapësirave për këmbësorë, të njohura si “vijat e bardha”.
Drejtori Saidi më informoi se shenjëzimi i rrugëve po bëhet nëpër gjithë Komunën e Çairit dhe me fokus para objekteve edukativo-arsimore, shkollave fillore dhe kopshteve për fëmijë.
Aksioni do të vazhdojë edhe ditëve në vijim dhe ka për qëllim që të mundësojë lëvizje më të sigurt të qytetarëve dhe fëmijëve tanë.