Vapë përvëluese deri në 40 gradë, nga fundi i javës priten reshje dhe bubullima
Sot, moti do të jetë me diell dhe shumë i nxehtë, me vranësira të pakta deri mesatare. Pasdite, në disa zona do të ketë kushte për reshje të shkurtra dhe të rrëmbyeshme shiu, të shoqëruara me bubullima, transmeton aktuale.mk
Do të fryjë erë e dobët deri mesatare nga drejtimi verior, ndërsa temperaturat do të lëvizin nga 15 deri në 39 gradë Celsius.
Në Shkup pritet mot me diell dhe shumë i nxehtë, me vranësira të pakta deri mesatare dhe erë të dobët deri mesatare nga veriu.
Periudha me temperatura të larta do të vazhdojë edhe në ditët në vijim, ndërsa në disa vende temperaturat ditore do të arrijnë deri në 40 gradë. Temperatura të larta do të mbeten edhe gjatë natës.
Të enjten dhe të premten pritet mot më i paqëndrueshëm, me reshje të rrëmbyeshme shiu dhe bubullima.
