Sot në Shkup ka qëndruar për vizitë kryeparlamentari i Kosovës, Glauk Konjufca i cili është pritur nga politikanët e vendit si Talat Xhaferi, Afrim Gashi etj.

Ajo që ra në sy më së shumti është vizita që ai bëri te daja i tij e më saktësisht në lagjen Gazibabë të Shkupit, ku rezultoi me një bllokadë totale të qytetit. Ankesa të shumta nga qytetarët e Shkupit pas kësaj katrahure në komunikacion.

adv

Nga 1 janari çmimi i rrymës elektrike pritet të rritet, të paktën për 5%, për sa do të rritet tatimi i vlerës së shtuar, që pritet të jetë 10%. Kjo do të thotë se për rrymën do të vazhdojë të vlejë norma preferenciale si pjesë e masave antikrizë të Qeverisë, të ndërmarra para një viti e gjysmë, kur tatimi nga 18% u ul në 5%. Kryetari i Komisionit Rregullator të Energjetikës, Marko Bislimovski nuk përjashton edhe rritje më të lartë, sepse, siç theksoi “çmimi në bursë për momenitn është jashtëzakonisht i lartë”.

“Së pari ta shohim me çfarë çmimi EEM do t’i ofrojë EVN Home. Për momentin ai çmim është 48 euro për një megavat orë, që është shumë më i ulët se çmimi real i EEM-së. Më tej duhet të shohim sa do të jenë shpenzimet për humbjen e energjisë elektrike, përkatësisht çmimi me të cilin do të ofrohet në tenderët që i kanë shpallur MEPSO dhe EEM. Në qoftë se në atë tenderë ka çmime jashtëzakonisht të larta, që është shumë e sigurtë sepse sot çmimi në KUPEKS është mbi 400 euro për një megavat orë, do të shohim nëse atëherë do të ketë nevojë që EEM sërish të japë çmim shumë më të ulët për humbjet se ai që mund të jetë në tregun e lirë” – tha Bislimovski. /KlanMacedonia/

adv

Kreu i Komisioni Rregullator të Energjetikës, Marko Bislimovski sot njoftoi se pas mesnatës do të bien çmimet e benzinës dhe naftës në Maqedoni, përcjell TV21. Bislimovski tha e kjo vjen shkaku i rënies së çmimit të derivateve në bursat botërore.

“Ky trend vazhdon edhe sot, edhe sot do të ketë ulje të naftës për 1,5 denarë dhe të benzinës BS-98 për 1,5 denarë kurse BS-95 për 1 denarë”, tha Bislimovksi.

Çmimet sipas vendimit aktual:

Nafta-78 denarë/l
Benzina BS-98-78 denarë/l
benzina BS-95-76,5 denarë/l

adv

Parku Kombëtar i Mavrovës dhe Parku Kombëtar Malet e Sharrit në Maqedoninë e Veriut,  Parku Natyror Korab-Koritnik në Shqipëri dhe Parku Kombëtar Sharri në Kosovë do të jenë së shpejti pjesë e një parku ndërkufitar, më i madhi i këtij lloji në Europë me një sipërfaqe mbi 242 mijë hektarë.

Me rastin e Ditës Ndërkombëtare të Maleve është zhvilluar në Tiranë takimi ndërministror  mes Ministrit të Mjedisit dhe Planifikimit Hapësinor të Maqedonisë së Veriut Naser Nuredini, Ministres së Mjedisit dhe Turizmit Mirela Kumbaro dhe Ministrit të Mjedisit, Planifikimit Hapësinor dhe Infrastrukturës të Kosovës Liburn Aliu.

Ministri i Mjedisit dhe Planifikimit Hapësinor i Maqedonisë së Veriut Naser Nuredini foli për një vizion që mbron vlerat natyrore të zonave të mbrojtura, por nga ana tjetër siguron një menaxhim të qëndrueshëm duke mos i kthyer ato në muze të natyrës, por krijojnë mundësi të reja për zhvillimin socio-ekonomik të komuniteteve lokale.

“Lidhja natyrore ndërkufitare e zonave të mbrojtura  të Parkut Natyror Korab–Koritnik në Shqipëri, Parkut Kombëtar të Mavrovës dhe Parkut Kombëtar Malet e Sharrit në Maqedoninë e Veriut, si dhe Parku Kombëtar Sharri në Kosovë, hap mundësi të reja për mbrojtje më të madhe të florës dhe faunës, duke u përballur më mirë me veprimet ilegale, monitorim më të mirë, mundësi më të mëdha për zhvillimin e eko-turizmit dhe formave alternative të turizmit”, tha Ministri i Mjedisit dhe Planifikimit Hapësinor Naser Nuredini.

“Ne i shohim zonat e mbrojtura si ofrues të përfitimeve përtej kufijve – përtej kufijve të tyre në një hartë, përtej kufijve të shteteve kombëtare – midis shoqërive dhe brezave që jetojnë në këto zona. Këto vargmale shërbejnë si një korridor ekologjik, që strehon një numër të madh llojesh të rëndësishme bimësh e kafshësh, jo vetëm në nivel rajonal por edhe në nivel europian e ndërkombëtar, siç është për shembull brezi i gjelbërt europian. Përsa i përket turizmit, i shohim zonat e mbrojtura si një mundësi shumë e mirë për zhvillimin e ekoturizmit me gjithë format e tij”, u shpreh Ministrja Kumbaro.

Sipas ministrit të Mjedisit, Planifikimit Hapësinor dhe Infrastrukturës të Kosovës Liburn Aliu, ky projekt do të ofrojë një optikë të re për zhvillimin e zonës së bjeshkës së Sharrit.

“I kemi këta kufij në mes dhe kemi dëshira për përfitime nga kompani të ndryshme që duan të depërtojnë dhe të ndërtojnë në atë zonë. Detyra jonë është që të vendosim rregulla duke pasur parasysh të kaluarën në mënyrë që edhe të zhvillohemi, edhe ta shfrytëzojmë, por edhe ta mbrojmë atë çka është mjaft e vlefshme. Në vitin 2013 e kemi rritur territorin e Parkut Kombëtar të Sharrit në 53.469 hektarë”, u shpreh ministri Aliu.

Ministri Aliu u shpreh se përveç destinacionit turistik të Brezovicës, ka një plan hapësinor për të zhvilluar zona të tjera të turizmit malor dimëror, por edhe veror, në përputhje me kriteret e mbrojtjes së natyrës.

Ky projekt mes tre vendeve synon zhvillimin e përbashkët ndërkufitar i turizmit miqësor ndaj natyrës, menaxhim i përbashkët ndërkufitar i rajonit, promovimin e përbashkët të trashëgimisë së veçantë natyrore dhe kulturore përtej kufijve etj. Në takim morën pjesë edhe përfaqësues të UNEP, Programit Mjedisor të Kombeve të Bashkuara që do të mbështesë këtë projekt. Nga ana tjetër, Daniel Pirushi, Drejtoreshë e Agjencisë Kombëtare të Zonave të Mbrojtura sqaroi se brenda tre muajsh do të ngrihet komiteti i menaxhimit të zonës së mbrojtur që do të nisë punën për këtë projekt.

adv