“NDRYSHIMET KUSHTETUESE, TEMË E MBYLLUR”

Lideri i opozitares VMRO-DPMNE, Hristijan Mickoski, ka konfirmuar se e pranon ftesën e pushtetit për pjesëmarrje në takimin e liderëve, por ka theksuar se tema kryesore e diskutimit duhet të jetë kriza, inflacioni dhe varfërimi i popullatës dhe jo ndryshimet kushtetuese si kusht për rrugën evrpopiane të Maqedonisë së Veriut. Pa garanci se nuk do të ketë kushtëzime të reja nga ana e Bullgarisë, VMRO-DPMNE-ja nuk do të mbështesë ndryshime kushtetuese, ka përsëritur Mickoski.

Me qëllim që t’u shmanget kritikave për izolim dhe kundër Evropës, Hristijan Mickoski, lider i opozitares VMRO-DPMNE, sot e pranoi ftesën e pushtetit për t’u ulur në tryezën e përbashkët me të gjitha partitë tjera politke në vend.

“Do të vi në takimin e liderëve dhe do ta them me zë, jo përmes komunikatave, se arsyeja më reale për të cilën një takim liderësh ka përmbajtje janë bisedimet për problemet e popullit i cili është i uritur dhe gjithë ilaçi i kësaj janë zgjedhjet parlamentare. Shtrenjtimet, energjetika dhe varfëria janë diagnoza e sëmundjes kolektive e cila e mundon shoqërinë. Ilaçi i vetëm janë zgjedhjet parlamentare.” – deklaroi Mickoski.

Mickoski theksi se ulja në tryezën e përbashkët me partitë në pushtet nuk do të thotë apriori pajtueshmëri për ndryshimet kushtetuese, për përfshirjen e Bullgarëve si popull shtetformues në vend, kusht nga Sofja për vazhdimin e procesit aderues me BE-në.

“Për ndryshimet kushtetuese, kjo është temë e mbyllur, ndryshime kushtetuese nuk do të ketë në këto rrethana dhe pa garanci për të ardhmen tonë evropiane, të mbrojtur nga kushtëzime tjera nga ana e Bullgarisë. Pa garanci të qarta për të ardhmen evropiane të Maqedonisë, ku Bullgaria nuk do të ketë mundësi ta frenojë procesin, për identitetin maqedonas, për gjuhën maqedonase – ndryshime kushtetuese nuk do të ketë.” – deklaroi Mickoski.

Kryeministri Dimitar Kovaçevski këtyre ditëve u ka dërguar ftesë partive parlamentare për takim të përbashkët liderësh për të ardhmen evropiane të vendit, posaçërisht për rrjedhën e negociatave aderuese dhe hapjen reale të kapitujve, që duhet të ndodhë pas përfshirjes së Bullgarëve si bashkësi në Kushtetutën e vendit. Këtë kusht e imponoi Bullgaria, e cila për dy vite e bllokoi fillimin e negociatave në mes Shkupit dhe Brukselit.

adv

Dje në ora 20:00, zyrtarë policorë nga Njësia për tregti ilegale në Shkup kanë privuar nga liria A.A.(21) nga Shkupi, për shkak se gjatë bastisjes së banesës së tij në Kisella Vodës, me urdhër paraprak të gjykatës, u gjetën dhe u konfiskuan disa pako me marijuanë dhe një peshore dixhitale me mbetje marijuanë.

Gjithashtu, M.P.(20), S.G.(22), V.S.(19) dhe P.G.(22), të gjithë nga Shkupi u gjetën duke përdorur drogë në banesën e tij. Pas dokumentimit të plotë të rastit, ndaj personave do të bëhet parashtresa përkatëse.

adv

Drejtori i Resurseve Energjetike Kombëtare, Bajram Rexhepi në “Magazina Ekonomike” deklaroi se Maqedonia e Veriut do të mund të furnizohet me gaz jo vetëm nga Bullgaria por edhe nga Greqia dhe Turqia.

“Aktualisht ne kemi vetëm një linjë interkoneksioni ndërmjet dy sistemeve tona të transmisionit që lidhet afër kufirit në Deve Bair, dhe deri tash do të thotë i gjithë kapaciteti që ka qenë nga linja bullgare në transmisionin tonë ka qenë e rezervuar nga “Gaz Prom”. Do të thotë që të jetë më e kuptueshme në anën bullgare stacionet e kompresorëve deri tani kanë gjeneruar një presion për rreth 36-37 bar me këtë prodhohet një kapacitet i përgjithshëm në nivel vjetor rreth 800 milion metër kub dhe në nivel ditorë, rreth 2.2 milionë metër kub sasi të gazit që vinin në vendin tonë, dhe e dinë të gjithë se ky kapacitet ka qenë i rezervuar deri tash nga operatori nga furnizuesi rus “Gaz Prom” me një kontratë afatgjate deri në vitin 2030 dhe kjo ka pamundësuar që operatorët tjerë, furnizues tjerë të kenë qasje në këtë rrjet të transmisionit.

Çfarë ndryshohet tani, çfarë është ajo që ndryshon me këtë marrëveshje. E para është se do të bëhet një rritje e kapaciteteve të kompresimit në anën bullgare do të thotë nga 36 bar do rritet në 46 bar, përafërsisht do të ketë kapacitet ditor afër 500.000 metër kub më shumë që do të transmetohen në vendin tonë, që janë jashtë marrëveshjes që “Gaz Prom” ka pasur me “Bullgar Trans Gaz” me palën bullgare. Por e rëndësishme është që edhe në vendin tonë ndryshojnë shumë parametra, sidomos ato të matjes, aktualisht ka qenë shumë e thjeshtë sepse i gjithë ky kapacitet që vinte nga pala bullgare ka qen gaz rus dhe ka qenë me të njëjtën vlerë kalorike dhe matjet në stacionin tonë të matjes janë bërë me metër kub.

Tani që lirohen kapacitete tjera dhe do të kenë mundësi edhe operatorë të tjerë të shfrytëzojnë këtë kapacitet nuk do të ketë vetëm gaz rus, do të ketë gaz le të themi nga Greqia apo Turqia, dhe këto nuk kanë vlera të njëjta energjetike”, deklaroi Bajram Rexhepi, Drejtori i Resurseve Energjetike Kombëtare.

adv

 Zëvendëskryeministri i parë Artan Grubi përmes një postimi në rrjetet sociale ka bërë të ditur disa nga projektet të cilat parashihen të realizohen me buxhetin e vitit 2023.

Ndryshe, Qeveria në seancën e 98 me rradhë miratoi Propozim buxhetin për vitin 2023.

Po çfarë më saktë do të realizohet me mjetet e buxhetit për vitin e ardhshëm?

Buxheti për vitin 2023, mes tjerash, parasheh:

250 milionë euro për Korridorin 8 dhe 10-D;
187 milionë euro për autostradën Shkup – Bllacë;
3.5 milionë euro për ta përfunduar Ujësjellësin në komunën e Likovës;
Mjete për projektim të Pallatit të Kulturës në Saraj;
Mjete për shkollën në Rashçe në Saraj të parapara në programin e Ministrisë së Arsimit;
60 milionë denarë për përfundimin e Spitalit të Kërçovës;
Mjete për pishinën dhe sallën sportive “Partizan” në Çair të parapara në programin e Agjencionit për Rini dhe Sport;
145 milionë denarë për Bibliotekën dhe Teatrin në Tetovë.

adv

Pas dhjetë orë marrje në pyetje, policia mëngjesin e sotëm ka liruar 23-vjeçarin Nikolla Naumovski, i cili u ndalua dje në lidhje me raportimet për bomba në shkollat e Shkupit.

Nga MPB thonë se i kanë kontrolluar edhe shtëpinë.

“Me personin është bërë intervistë zyrtare, në koordinim me prokurorinë publike është bërë bastisje në shtëpi, janë sekuestruar sende për ekspertizë dhe po merren masa për zbardhjen e rastit”, thonë nga MPB.

Nikolla Naumovski, i cili u ndalua, është anëtar dhe aktivist i platformës “Konzervativa.mk”, i cili mbrëmë në Facebook ka njoftuar se nuk ka të bëjë me kërcënimet me bombë në shkolla.

“Paaftësia e Ministrisë së Punëve të Brendshme dhe autoriteteve rezultoi me arrestimin e njerëzve të pafajshëm! Me përgjegjësi pretendojmë dhe mohojmë se anëtari ynë Nikolla ka ndonjë lidhje me këto ngjarje”, thuhet në reagimin e “Konzervativa.mk”.

adv