Presidentja e Kosovës Vjosa Osmani, ka dënuar ashpër aktin e dhunës nga një infermiere që i është bërë një të moshuare, e cila ishte dërguar për kujdes, në një shtëpi të pleqve në Pejë.

Osmani thotë se t’i bësh cak dhune të moshuarit është krim i dyfishtë pasi kontributi i tyre është themeli i vendit, njofton Klankosova.tv.

“Dhuna është e papranueshme pavarësisht ndaj kujt drejtohet. T’i bësh cak dhune të moshuarit është krim i dyfishtë. Ata janë pjesa më e ndjeshme e shoqërisë, kontributi i tyre është themeli jonë”.

“Akti i sotëm i dhunës ndaj një të moshuarës është tronditës, i papranueshëm dhe i patolerueshëm, ndaj Zyra e Presidentes e dënon fuqishëm. Mekanizmat kompetent duhet t’i forcojnë dhe mbikëqyrin kriteret e përzgjedhjes, në mënyrë që atyre që u besohet trajtimi i fëmijëve, grave dhe të moshuarve të kalojnë nëpër filtra të ashpra të rekrutimit. E kemi obligim ta bëjmë një shoqëri sa më humane dhe kjo përpjekje jona duhet të jetë e përditshme”, thuhet në njoftimin e Presidencës.

Osmani, mes tjerash, ka kërkuar nga organet e drejtësisë që këtë rast ta trajtojnë me prioritet, njofton Klankosova.tv.

“Zyra e Presidentes fton organet e drejtësisë që këtë rast ta trajtojnë me prioritet ngase akte të tilla janë të patolerueshme dhe të dënueshme”.

adv

Një ndër arsyet pse të rinjtë largohen nga vendi është edhe për arsim më cilësor. Naser Veliu aktualisht student në Londër është një nga të shumtët që është larguar, ai është vetëm 19 vjeçar. Ai tha për Alsat se është detyruar të largohet nga vendi në kërkim të një arsimi më cilësor.

“Ka dy arsye primare, e para është për shkak se shteti ynë nuk na jep arsim efikas dhe të barabartë. Ne jemi të detyruar të largohemi nga shteti jonë, arsyeja e dytë e cila është edhe më valide është sepse neve na hapen dyer të ndryshme në nivel ndërkombëtar nëse ne i ndjekim studimet jashtë shtetit”, tha Naser Veliu, student.

Ai përmendi disa nga dukuritë që sipas tij, janë aktuale në vend dhe po shkatërrojnë sistemin arsimor.

“Do kisha dashur të eliminoj nepotizmin nëpër punësimet në institucionet shkollore, do kisha dashur që çdokush që është i punësuar në institucion arsimor të ishte i punësuar në bazë të meritave dhe gjëja e dytë që do kisha dashur ta heq nga ai sistem është gjykimi duke marrë parasysh backgroundeve të ndryshme”, u shpreh Naser Veliu, student.

Pikërisht për këtë, sot u organizua debat me temë Politikat rinore – nevojat, mundësitë dhe sfidat ku mori pjesë edhe zëvendëskryeministrja përgjegjëse për qeverisje të mirë, Sllavica Gërgovska e cila u shpreh e shqetësuar për numrin e të rinjve që po largohen

“Unë jam seriozisht e shqetësuar për këtë gjendje, duke pasur parasysh se sipas aktiviteteve që i këna realizuar deri tani tregojnë që nuk ka tendencë që ky proces të zvogëlohet por përkundrazi. Në të njëjtën kohë ne nuk dorëzohemi nga synimi që kushtet në shtetin tonë t’i përmirësojmë deri në atë pikë që do lejojë që një pjesë e madhe e të rinjve të vendosin të qëndrojnë këtu”, theksoi Sllavica Gërgovska, zëvendëskryeministre për qeverisje të mire.

Gërgkovska premtoi që po punojnë në atë drejtim që të rinjve të ua kthejnë besimin se edhe në Maqedoninë e Veriut mund të jetohet me dinjitet. Ndryshe, papunësia e të rinjve në vend është mbi 30 për qind, kjo është përmendur si çështje problematike edhe në raportin e fundit të progresit të Komisionit Evropian.

adv

Sot është shkarkuar nga funksioni i drejtorit organizativ të Klinikës Universitare të Sëmundjeve të Fëmijëve, Alajdin Memedi.

“Ministri i Shëndetësisë, Dr. Bekim Sali, sot e shkarkoi nga funksioni i drejtorit organizativ të Klinikës Universitare të Sëmundjeve të Fëmijëve, Alajdin Memedi. Drejtori Organizativ i kësaj klinike shkarkohet nga funksioni para kalimit të kohës për të cilën është emëruar, kjo për shkak të parregullsive që janë konstatuar në raportin e hartuar pas kontrollit të punës së kësaj klinike. Kontrolli është realizuar nga Fondi i Sigurimit Shëndetësor” thuhet në njoftimin e MSH-së.

Ndryshe sot Ministria e Shëndetësisë njoftoi se dy drejtorë të Klinikave kanë deponuar dorëheqje në Ministrinë e Shëndetësisë. Sipas tyre bëhet fjalë për drejtoreshën e Klinikës Universitare për Sëmundjet e Fëmijëve, Aspazija Sofianova dhe drejtorin e Klinikës Universitare për Radioterapi dhe Onkologji,  Nikolla Vasev.

adv

ADEMI: 20%-shi NUK DUHET TË PREZANTOHET SI AGJENDË ETNIKE

Partitë politike shqiptare ende nuk kanë konfirmuar pjesëmarrjen në tryezën e përbashkët të iniciuar nga Lëvizja Besa, në lidhje me heqjen e përkufizimin 20%. Deputeti i këtij subjekti politik, Fadil Zeneli tha se, edhe pse ka gatishmëri që të diskutohet për këtë temë, mbetet të shihet pozicionimin e tyre zyrtar ditëve në vijim. Ai tha se ky takim, nuk nënkupton në asnjë moment se përjashtohet komunikimi edhe me partitë maqedonase.

“Nga partitë politike shqiptare ka gatishmëri që të bisedohet rreth kësaj teme. Pak a shumë, të gjithë kanë manifestuar në deklarimet publike se ka gatishmëri të bisedohet, por qëndrimin e tyre konkret do ta shohim në momentin kur do të pozicionohen qartë se çka mendojnë rreth kësaj iniciative, që nuk është iniciativë që është nga Lëvizja Besa ose nga ndonjë subjekt, është diçka që debatohet brenda këtyre 20 viteve”, deklaroi Fadil Zendeli nga Lëvizja Besa.

Deputeti i BDI-së, Arbër Ademi, tha se duke pasur parasysh temat me të cilët po përballet vendi, imponojnë domosdoshmërisht që të gjitha partitë politike parlamentare të takohen. Sa i përket heqjes së 20% në kuadër të ndryshimeve kushtetuese, Ademi tha se për këtë nuk ka rezistencë nga partitë maqedonase dhe për këtë nuk e sheh të arsyeshme që kjo çështje të prezantohet si agjendë etnike.

“Është çështje e domosdoshme, çështje e nevojshme që nuk shkon në dëm të askujt dhe është si rezultat i pjekurisë politike e shoqërore në vend që duhet ta demonstrojnë të gjitha partitë politike. Prandaj, jam më se i interesuar edhe njëherë nga të dyja partitë politike maqedonase relevante në vend të dëgjojë qëndrimin e tyre rreth kësaj çështje. Dhe kur ata vet theksojnë se duhet të bëhet një korrigjim i tillë pse ta prezantojmë si çështje e agjendë etnike”, deklaroi deputeti nga rradhët e BDI-së Arbër Ademi.

Ndërkaq, Snezhana Kaleska Vançeva nga LSDM tha se, për këtë çështje duhet konsensus i gjerë politik i cili duhet të bazohet në fakte dhe argumente dhe në analiza të vërteta.

“Në këtë moment nuk mund të prisni nga unë apo nga cilido përfaqësues i ndonjë partie politike, pavarësisht a vjen nga pozita apo opozita, të ketë përgjigje konkrete po ose jo. Unë ju them se, çdo pyetje në lidhje me Kushtetutën, duhet të vijë si rezultat i kryqëzimit të argumenteve, fakteve dhe analizave të përbashkëta, për nevojën dhe për atë se a duhet tani në këtë moment, apo duhet në një fazë tjetër. Ato janë çështje që kërkojnë argumentim serioz”, deklaroi Snezhana Kaleska Vançeva, deputete e LSDM-së.

Kujtojmë se, Lëvizja Besa të martën ftoi në takim partitë parlamentare shqiptare, për të ndërtuar një qëndrim të përbashkët rreth ndryshimeve kushtetuese dhe ndërmarrjes së hapave konkret për heqjen e përkufizimit “20%” nga Kushtetuta dhe i njëjti të zëvendësohet me termin “gjuha shqipe.”

adv

Përleshje fizike në mes nxënësve të dy shkollave të mesme të Kumanovës ka ndodhur  mesditën e të mërkurës. Siç raporton MPB incidenti ka ndodhur në palestrën sportive të shkollës së mesme “Pero Nakov”, ndërsa motivi i sulmit ka qenë humbja në ndeshjen e futsalit.

Rreth rastit në fjalë janë prononcuar edhe nga MPB ku thonë se janë marrë në bisedë 11 persona nga Komuna e Likovës dhe se po merren masa për zbardhjen e ngjarjes.

“Më 01.11.2022 në Stacionin Policor Kumanovë është bërë intervistë zyrtare me 11 persona nga komuna e Likovës lidhur me një përleshje fizike që ka ndodhur rreth orës 13:15 në sallën e sportit të shkollës së mesme komunale “Pero Nakov”Në Kumanovë”, thonë nga MPB.

Sipas raportit, përleshja fizike ka nisur pas përfundimit të ndeshjes mes pjesëtarëve të dy skuadrave, pas së cilës janë përfshirë edhe më shumë persona nga publiku. SPB Kumanovë po ndërmerr masa për zbardhjen e rastit, pas së cilës do të dërgohet raport përkatës.

adv