Ministri i Punëve të Jashtme, Bujar Osmani, e quajti lajm të rremë deklaratën e OBRM-PDUKM-së se drejtori i protokollit që dha dorëheqjen do të shkojë si ambasador në Moskë.

Sipas tij, dy ngjarjet nuk kanë lidhje me njëra-tjetrën.

“Duhej të dërgonim ambasador në Moskë diku në fillim të vitit, ai i kaloi të gjitha procedurat, por më pas ndodhi agresioni në Ukrainë dhe vendosëm të ulim nivelin e marrëdhënieve diplomatike me Rusinë dhe të mos dërgojmë ambasador për shkak se ka qenë jashtë detyrës, e kam emëruar drejtor protokolli dhe këtë funksion e ka deri tani.

Ditën që ndodhi ai incident, megjithëse nuk kishte përgjegjësi të drejtpërdrejtë, më njoftuan dhe më thanë se me përgjegjësi morale kërkoj që të më shkarkosh nga drejtoria. Nëse dhe kur do të dërgojmë ambasador në Moskë, ky do të jetë vendim politik varësisht si e vlerësojmë ne, se për OSBE-në duhet të kemi komunikim edhe me Federatën Ruse”, tha Osmani pas takimit me nënkryetarin e Qeverisë dhe Ministri i Punëve të Jashtme të Republikës së Kazakistanit, Mukhtar Tleuberdi, i cili ndodhet për një vizitë zyrtare në Republikën e Maqedonisë së Veriut.

adv

Kreu Qeverisë, Dimitar Kovaçevski, do t’ju dërgojë ftesë partive politike parlamentare për takim të liderëve, që pritet të ndodhë më 07.11.2022 (e hënë), në orën 12:00 në Kuvendin e Republikës së Maqedonisë së Veriut, njoftoi Qeveria.

“Takimi i thirrur nga Kryetari i Qeverisë, Kovaçevski, organizohet me qëllim të hapjes së diskutimit për të ardhmen evropiane të Republikës së Maqedonisë së Veriut, por edhe për vendimet që në periudhën e ardhshme duhet të merren në Kuvend me një konsensus politik dhe social”, thuhet në njoftimin e Qeverisë.

Ftesa drejtuar kryetarëve të partive politike parlamentare do t’u dërgohet sot.

Pritet të shihet nëse liderët do ta pranojnë ftesën e kryeministrit.

Ndryshe, Parlamenti do të duhet mbledhë shumicën e kërkuar prej dy të tretash për të miratuar ndryshimet kushtetuse të kërkuara nga Bullgaria. Kjo nuk dihet se si do të ndodhë, pasi pushteti nuk ka numra, ndaj kjo është edhe arsyeja e ftesës së kryeministrit për takim liderësh.

Nga ana tjetër, nëse hapen këto ndryshime kushtetuese, partitë shqiptare duan që edhe 20% në Kushtetutë të zëvendësohet me “shqiptarë”, duke e paralajmëruar edhe si kushtëzim për mbështetjen e ndryshimeve kushteutese. ASH paralajmëroi se gjatë javës së ardhshme, do të prezantojë pakon e kushteve për mbështetjen e ndryshimeve kushtetuese.

adv

Ministria e Punëve të Brendshme njofton se gjatë ditës së djeshme në ora 16:30 në SPB-Shkup është raportuar se në një objekt hoteliere në zonën e Bit Pazarit është gjetur i vdekur personi me iniciale A.Ç. (79) nga Republika e Turqisë.

“Vdekjen pa gjurmë të dukshme dhune e ka konstatuar mjeku i Emergjencës dhe me urdhër të Prokurorit Publik, trupi i pajetë i të ndjerit është dorëzuar për obduksion”, njofton MPB.

adv

Për shkak të ndërhyrjeve teknike në rrjetin e shpërndarjes së energjisë elektrike, sot do të mbeten pa energji elektrike një pjesë e komunave Saraj, Çuçer Sandevë dhe vendbanimi për fundjavë, Markova Sushica.

Në periudhën prej orës 08:45 deri në ora 12:00, pa energji elektrike do të jenë përdoruesit e fshatit Semenishtë të Sarajit. Nga ora 9:00 deri në ora 14:00, pa energji elektrike do të jenë shfrytëzuesit e vendbanimit Vikendici nga fshati Banjani në Çuçer Sandevë dhe nga ora 9:00 deri në ora 15:00, një pjesë e vendbanimit për fundjavë Markova Sushica.

adv

Autobusët me numër 19,20,22,52 dhe 54 prej sot nuk dolën në qarkullim. Qyteti i Shkupit atyre u ka borxh diku 500 mijë euro.

Pronari i kompanisë, Milorad Dimitrijevski, kërkon takim urgjent me menaxhmentin e NQP-së dhe qytetit të Shkupit.

Edhe pse Dimitrijevski dje paralajmëroi thjeshtë se mund të ketë vështirësi në funksionimin normal, gjithsesi sot shoferët e autobusëve privatë të këtyre linjave nuk dolën fare në qarkullim.

Ata kërkojnë pagesën e borxhit për muajt gusht, shtator dhe tetor.

Më së shumti që pësojnë në këtë rast janë qytetarët të cilët kohëve të fundit po përballen me probleme ekstreme me qarkullimin publik. Shpesh herë qytetarët presin periudhë të gjatë dhe në fund mësojnë se në fakt nuk ka fare qarkullim të autobusëve. Shpesh ndodhë që edhe shoferët e autobusëve të shmangin ndonjë stacion autobusi, nuk ndalojnë për të marë udhëtarë.

adv