Moti sot paradite do të jetë me diell, me vranësira të vogla deri në mesatare dhe me kushte për paraqitje të mjegullës nëpër disa lugina. Pasdite mot me vranësira të ndryshueshme dhe diell. Do të fryjë dhe erë e dobët deri në mesatare, kryesisht nga drejtimi jugor. Temperatura minimale do të jetë në interval prej -2 deri në 5, ndërsa ajo maksimale do të arrij prej 13 deri në 17 gradë, shkruan Alsat.

Edhe në Shkup dhe rrethinë moti do të jetë i ngjashëm, paradite me diell dhe vranësira të vogla, ndërsa pasdite me vranësira të ndryshueshme. Do të fryjë dhe erë e dobët nga drejtimi jugor. Temperatura minimale do të ulet në 4, ndërsa ajo maksimale do të arrij në 17 gradë Celsiusë.

adv

Çmimet e naftës dhe gazit natyror vazhduan rritjen të martën, ndërsa rriten shqetësimet se konflikti i vazhdueshëm SHBA-Izrael–Iran në Lindjen e Mesme, një rajon kyç prodhues i energjisë, mund të kërcënojë furnizimet globale.

Kontratat e ardhshme të Brent, indeksi global i naftës, u rritën me 6% duke arritur në 82 dollarë për fuçi, sipas të dhënave të FactSet, pas një rritjeje një ditë më parë në nivelin më të lartë që nga qershori 2025. Indeksi amerikan WTI u rrit gjithashtu me 6%, duke shkuar në 75.6 dollarë për fuçi.

Në Evropë, kontratat me afat të shkurtër të gazit natyror u rritën me 34%, në rreth 59 euro (68 dollarë) për megavat-orë, të shtyra më lart nga vendimi i prodhuesit më të madh të gazit në Katar për të ndaluar prodhimin pas sulmeve iraniane ndaj infrastrukturës energjetike në shtetin e Gjirit.

Ngushtica e Hormuzit, një korridor i rëndësishëm detar që kalon pranë Iranit, është mbyllur pjesërisht, duke ulur mundësitë për transportin e naftës dhe gazit dhe duke shtuar pasigurinë në tregjet globale.

Ankthi u reflekua gjithashtu në tregjet e aksioneve. Në Azi, indeksi Kospi i Koresë së Jugut ra më shumë se 7%, ndërsa indekset e Japonisë dhe Hong Kong-ut përfunduan gjithashtu në territor negativ.

Në Evropë, FTSE 100 i Londrës ra me 2.7%, DAX i Gjermanisë me 3.4%, dhe CAC i Francës me 2.8%. Edhe kontratat e ardhshme amerikane treguan për një hapje ndjeshëm më të ulët.

adv

Asnjë zë nga Arben Fetai pasi bashkëpartiakët e përjashtuan atë nga politikat vendimmarrëse në emër të ASH-së brenda VLEN-it. Alsat tentoi të bie në kontakt por Fetai nuk iu përgjigj thirrjeve dhe mesazheve tona. Hapi i tij i fundit është para një jave kur miratoi konceptin “Aleanca e Re” e të cilin e quajti si hap strategjik drejt një VLEN-i të unifikuar. Pak ditë më pas, pjesa tjetër caktuan deputetët Mimoza Musa dhe Ilir Demiri që të vazhdojnë negociatat në emër të ASH-së për të unifikuar VLEN-in.

Ndërkohë ende e paqartë mbetet mënyra e funksionimit të lidershipit. Kasami e Mexhiti këmbëngulin për parti me bashkëkryetar. Por nga ana tjetër anëtarësia e Alternativës konsiderojnë se LD dhe BESA nuk kanë asgjë më tepër se Alternativa dhe kërkojnë që të ketë ose një ose tre kryetarë bashkë me Bekim Salin. Ish kreu i Alternativës Zeqirija Ibrahimi për Alsat shprehet se ideja e dy kryetarëve nuk është hedhur poshtë nga Alternativa por dëshirojnë të dëgjojnë më tepër argumente.

“Askush nga partitë nuk ka garuar e vetme në zgjedhje që të mund të matemi në vota se kush është më i fortë dhe nuk shoh arsye pse duhet të shtyhemi në garë të këtillë. Ne kemi fituar sepse kemi qenë bashkë. Nuk kam ndonjë argument imperik që të them se dikush është më i dobët apo më i fortë. Shtyrja që bëhet në rrjetet sociale nuk më duket e qëlluar për arsyen për të cilën flasim”, u shpreh Zeqirija Ibrahimi – Ish kryetar i Alternativës.

Kreu i Besës, Bilall Kasami, për Alsat tha se Alternativa është e gatshme të vlerësojë konceptin me dy kryetarë ndërsa u bëri thirrje dy fraksioneve të ASH-së brenda VLEN-it që të ri-organizojë strukturat.

“Unë jam optimist që në fund do të gjejmë gjuhë të përbashkët që VLEN të jetë një strukturë politike dhe sigurisht se do të pajtohemi për idenë që nëse shumica kemi vlerësim për një ide konkrete besoj se nuk do të insistoj as Alternativa as dikush tjetër të ketë të drejtën e vetos edhe pse edhe këtu jemi dakorduar që të funksionojmë në parimin e konsensualitetit të plotë por jo me të drejtë veto-je”, deklaroi Bilall Kasami – Kryetar i L.Besa/VLEN.

Pjesë përbërëse e VLEN-it janë Lëvizja Demokratike, Lëvizja Besa, Alternativa, Aleanca tanimë në dy tabore, Lëvizja Arbëria dhe Bekim Qoku si përfaqësues i Vetëvendosjes. /Alsat.mk

adv

Ndërkohë Ministria e Energjetikës thotë se rezervat shtetërore të naftës në Maqedoninë e Veriut janë të qëndrueshme. Sipas këtij dikasteri me vëmendje po ndiqet situata aktuale energjetike, sidomos në kontekst të tregjeve të naftës dhe rreziqet eventuale gjeopolitike. Ministria e Energjetikës thekson se Agjencia, përgjegjëse për rezervat e naftës ndjek dhe mirëmban rezervat shtetërore duke siguruar furnizim të pandërprerë, stabilitet të tregut dhe gatishmëri për reagim në kohë në rast të ndonjë cenimi të furnizimit. /Alsat.mk

adv