Ministri i Punës dhe Politikës Sociale, Fatmir Limani, e pranoi sot se tashmë një kohë nuk është ministër i VLEN-it.

“Moti kohë kemi përfunduar unë dhe VLEN-i”, tha Limani.

Raporti i Fatmir Limanit me VLEN-in ka eskaluar muajt e fundit, ndërsa është vërejtur një përafrim me kryetarin e BDI-së Ali Ahmeti.

Fatmir Limani mori pjesë në Tiranë bashkë me Ali Ahmetin në dy raste të ndryshme muajt e fundit.

VLEN tashmë ka paralajmëruar se Limani nuk do t’i përfaqësojë në ekzekutiv pas rikonstruimit të ardhshëm të Qeverisë.

adv

Skena politike shqiptare në Maqedoninë e Veriut pritet të hyjë në një fazë të re, pasi koalicioni VLEN është në prag të shndërrimit në parti politike. Ky zhvillim pritet të rikonfigurojë raportet e forcave dhe ta bëjë më të qartë vijën ndarëse në kampin shqiptar, ku gara kryesore po projektohet gjithnjë e më shumë mes BDI dhe VLEN-it, shkruan POPULLI.mk

Vlerësojmë se fragmentarizimi i deritanishëm mund të reduktohet, duke lënë më pak hapësirë për subjekte të tjera. Në këtë kontekst, përmenden sfidat serioze për ASH-të dhe figurat si Ziadin Sela dhe Arben Taravari, të cilët, nëse garojnë të ndarë, rrezikojnë të mbeten jashtë fokusit kryesor elektoral.

Aktualisht, VLEN është pjesë e qeverisë, çka i jep një avantazh institucional, por edhe një barrë përgjegjësie përballë qytetarëve. Pyetja kyçe mbetet se si do të performojë në zgjedhjet e ardhshme parlamentare? A do të arrijë ta kapitalizojë pushtetin aktual në vota, apo do të përballet me konsum politik si shumë subjekte të tjera para saj?

Në qendër të kësaj dinamike është lideri i saj, Izet Mexhiti, i cili me largimin nga BDI-ja i shkaktoi një goditje të ndjeshme kësaj force politike. Tani, si figurë kyçe e VLEN-it, sfida e tij është dyfishe, të konsolidojë strukturat e reja dhe të menaxhojë pritjet e elektoratit që kërkon ndryshim real.

Një tjetër dimension i rëndësishëm është përballja direkte me liderin historik të BDI-së, Ali Ahmeti. Mbetet për t’u parë nëse Mexhiti do të arrijë objektivin e shpallur politikisht për ta sfiduar seriozisht dhe eventualisht për ta “pensionuar” nga skena politike, apo nëse përvoja dhe struktura e konsoliduar e BDI-së do të vazhdojnë të dominojnë.

Ndërkohë, një nga testet më të mëdha për VLEN-in do të jetë ruajtja e kapitalit elektoral prej rreth 107 mijë votash nga zgjedhjet e kaluara. Ky numër konsiderohet si bazë solide, por jo e garantuar, në një terren politik që ndryshon shpejt dhe ku besnikëria e votuesit shpesh varet nga performanca konkrete dhe kohezioni i brendshëm.

Me afrimin e ciklit të ri zgjedhor, të gjitha këto dilema pritet të marrin përgjigje në terren. A do të shndërrohet VLEN në alternativën kryesore politike për shqiptarët, apo do të përballet me sfida që mund ta zbehin vrullin fillestar, kjo mbetet çështja që do të përcaktojë balancat e ardhshme politike në vend. / © POPULLI.mk

adv

VLEN përmes një komunikate thekson sot se BDI paska filluar përsëri me filmin e vjetër.

“Populli thotë, ku të dhemb dhëmbi, aty shkon gjuha. BDI-së i dhemb Izet Mexhiti, sepse bashkë me popullin i çoi në opozitë.

Le ta mbajnë mend mirë: Izet Mexhiti nuk është produkt zyrash dhe përkëdheljeve të Ali Ahmetit. Ai ka mandat nga shqiptarët, si kryetar komune dhe deputet. Me votë, me terren, me njerëz. Jo si Bujar Osmani, Blerim Bexheti, Fatmir Besimi dhe klika e BDI-së, që politikën e kanë kuptuar vetëm si ngjitje për karrige, tender dhe rehati personale. Dallimi është i madh. Izeti ka qenë në mëhallë me qytetarin, ndërsa ata në zyra ekzekutivi dhe pazare pushteti.

Sot karrigexhinjtë më të mëdhenj janë te BDI, aty ku një grusht njerëzish rreth Ali Ahmetit kanë privatizuar partinë, e shtyjnë aktivistin e devotshëm përpara si mish për top, vetëm që vetë të kthehen në pushtet, në kolltuk, në tender dhe në rehati.

Bujar Osmani mbi 3.700 ditë ministër, Blerim Bexheti mbi 5.500 ditë në poste dhe ende flasin për “mbrojtje të shqiptarëve”. BDI-ja shqiptarin e ka parë vetëm si numër për votë, ndërsa postet si trashëgimi familjare.

Kjo demagogji nuk pi më ujë. Populli i ka lexuar. Ata ende ëndërrojnë kohën e Gruevskit, Budapesti u duket si adresë shpëtimi, derisa Mijallkovin e kujtojnë si partner të artë të sundimit.

Qe dy vite i gënjejnë aktivistët se “do të kthehemi në pushtet”, ndërsa përgjigjen për këtë mashtrim politik e morën jo më larg se në zgjedhjet lokale, ku VLEN i demoloi duke fituar 10 komuna.
VLEN një, VLEN po vjen”,thuhet në komunikatën e VLEN.(INA)

adv