15.8 C
Skopje
E mërkurë, 22 Maj, 2024

Të drejtë vote në zgjedhjet presidenciale kanë 1.814.317 votues

 Në zgjedhjet për president të shtetit që do të mbahen më 24 prill, të drejtë vote kanë gjithsej 1.814.317 votues.

Sipas Listës së mbyllur zgjedhore të Komisionit shtetëror zgjehdor, për votim në shtet janë regjistruar 1.713.758 votues, 95.116 votues në punë apo qendrim të përkohshëm jashtë vendit, ndërsa 2.147 janë në vuajtje të dënimit apo në paraburgim.

Në ekstraktin e posaçëm të Listës zgjedhore për persona të cilët kanë parashtruar kërkesë për votim në përfaqësitë diplomatike konsullare apo zyrat konsullare janë evidentuar 2.569 votues, si dhe 191 anëtarë dhe zëvendësanëtarë të këshillave zgjedhorë të cilët do të kryejnë votim në PDK.

Janë regjistruar edhe 534 votues, të cilët kanë parashtruar kërkesë për votim, në ekstraktin e posaçëm të Listës zgjedhore për persona të cilët gjatë zgjedhjeve ndodhen në institucione për kujdes jashtëfamiljar, si dhe dy votues me status të personave të zhvendosur në brendësi, në pajtim me evidencën e Ministrisë së Punës dhe Politikës Sociale.

Të ngjajshme

Të fundit