Autoritetet vlerësojnë se çmimet e produkteve bazë kanë shënuar vetëm rritje bazë, madje duke thënë se te një pjesë e produkteve ka pasur edhe ulje të çmimeve. Ministria e Ekonomisë dhe Punës ka publikuar sot rezultatet e analizës së bërë së bashku me Inspektoratin e Tregut, në kuadër të së cilit kanë bërë krahasim të lëvizjes së çmimeve të produkteve bazë ushqimore dhe joushqimore. Siç thuhet në njoftimin e ministrisë, analiza përfshin çmimet e 55 produkteve më të shitura, të përcjella në katër zinxhirë tregtar me pozicionim të ndryshëm të çmimeve, në periudhën nga 1 shkurti deri më 1 prill të vitit 2026.

Sipas kësaj analize, është regjistruar rritje minimale e çmimeve të shitjes prej 0,43%, derisa çmimet e blerjeve shënojnë rritje diçka më të lartë prej 1,01%.

Në të njëjtën kohë, marzhi mesatar i fitimit bruto te tregtarët është ulur nga 16,28% në 15,80%, gjë që sipas ministrisë, tregon se një pjesë e presionit nga rritja e çmimeve blerëse është absorbuar nga tregtarët, me qëllim që të ruhet stabiliteti i çmimeve për qytetarët.

Ministria e Ekonomisë dhe Punës

“Тe produktet ushqimore bazë ka rritje të lehtë prej 0,45%, me ç’rast rritje më të madhe ka te kosi, djathi, vezët dhe vaji; te frutat dhe perimet ka rënie prej 0,86%, përkundër rritjes së domateve dhe qepëve; te produktet bazë të higjienës është shënuar rritje prej 1,42%”.

Në lidhje me këtë, kryeministri Hristijan Mickoski tha se janë duke e shqyrtuar se çfarë masa të marrin për produktet ku ka pasur rritje më të lartë të çmimeve.

Hristijan Mickoski, kryeministër i RMV-së

“Momentalisht po mendojmë se s’i ulim çmimet për qytetarët për një grup të caktuar të produkteve ku kemi përqindje dyshifrore të rritjes së dhe së shpejti do të dalim me një qëndrim. Përndryshe, kemi edhe produkte të cilat për hir të së vërtetës janë liruar. Kemi krahasuar katër markete – Zur, Kiper, Kam dhe Vero. Ajo analizë është bërë shumë thelbësisht, kështu që në këtë moment gjendja është e këtillë”.

Sa i përket çmimeve të karburanteve, kryeministri tha se, pret që në bazë të trendeve të bursës, çmimet të mbeten të njëjta edhe javën tjetër, ndërsa ka mundësi që të ulen sërish.

Teuta Buçi /SHENJA/

adv

Moti sot në Maqedoni pritet të jetë me reshje të shiut dhe bubullima. Në Shkup do të mbajë mot pjesërisht i vranët, me shira të rastësishëm dhe bubullima në disa pjesë të luginës në pasdite. Do të fryjë erë e lehtë deri në mesatare e ndryshueshme./Alsat.mk.

adv

Sezoni i ngrohjes përfundon sot, më 15 prill 2026, dhe fillon e ashtuquajtura periudhë kalimtare, e cila zgjat deri më 30 prill, informoi Komisioni Rregullator për Energjetikë, Shërbime të Ujit dhe Shërbime për Menaxhim me Mbeturina Komunale (KRRE).

“Sipas Rregullave të Furnizimit me Energji Termike dhe Sistemit Tarifor të Shitjes së Energjisë Termike, prej nesër deri në fund të muajit, nëse temperatura mesatare e parashikuar e jashtme për ditën e nesërme është e barabartë ose më e ulët se 12 gradë Celsius sipas të dhënave të marra nga Drejtoria për Punë Hidrometeorologjike, furnizuesi është i detyruar në hapësirat e ngrohjes në periudhën nga ora 06:00 deri 22:00 të sigurojë temperaturë ngrohjeje prej 20+1 gradë Celsius”, kumtoi KRRE.

Sezoni i ngrohjes në Shkup për shfrytëzuesit e lidhur me sistemin e ngrohjes qendrore fillon më 15 tetor dhe zgjat deri më 15 prill.

adv

Dje pamë se si një “masterplan”, i promovuar me bujë para zgjedhjeve, u degradua në zëvendim të disa kalldrëmeve e gjysma e të cilave përfundon me asfalt.

Një projekt që duhej ta ruante Çarshinë, përfundoi në improvizim që ia cenon identitetin dhe vlerën. Dhe kjo u bë përmes një procesi që ngre dyshime serioze.

Realizues është përzgjedhur Lendi Grup. Bëhet fjalë për një kompani e themeluar në vitin 2024, e cila në mënyrë të pazakontë, menjëherë pas krijimit, fillon të fitojë tenderë publikë me vlera të larta. Nuk kemi të bëjmë me një kompani me histori të gjatë, referenca të dëshmuara apo përvojë shumëvjeçare në projekte të këtij niveli. Megjithatë, ajo shfaqet si fituese e njëpasnjëshme në një numër të madh komunash të drejtuara nga VMRO-DPMNE.

Dyshimet thellohen edhe më shumë nga fakti se në disa raste vlera e parashikuar e tenderëve përputhet në mënyrë të çuditshme me ofertën fituese.

Dhe tani, kjo skemë shfaqet edhe në Çair.

Qytetarët kanë të drejtë të pyesin: pse një kompani e sapokrijuar bëhet kaq shpejt aktor dominues? Kush e favorizon? Dhe pse pikërisht këto kompani lidhen vazhdimisht me të njëjtin rreth politik? De apo paguan Çairi borxhin ndaj VMRO- DPMNE -së për mbështetjen zgjedhore.

Çairi nuk duhet të shndërrohet në stacion të fundit të një zinxhiri tenderësh që fillon dhe mbaron me interesa partiake.

Kërkojmë transparencë të plotë për të gjitha kontratat e “Lendi Grup”, për kriteret, për ofertat dhe për mënyrën e përzgjedhjes.

Paratë publike nuk janë për eksperimente dhe as për shpërblime politike.

Çairi është i qytetarëve.

adv

Posta e Maqedonisë ka marrë 100 automjete të reja si pjesë e një procesi modernizimi që synon përmirësimin e shërbimeve dhe rritjen e efikasitetit në shpërndarjen e dërgesave, si dhe forcimin e kapaciteteve të kompanisë shtetërore.

Kryeministri Hristijan Mickoski bëri të ditur se bëhet fjalë për 90 furgonë të vegjël dhe 10 automjete më të mëdha, të cilat do të shpërndahen në të gjithë vendin. Sipas tij, qëllimi është përmirësimi i kushteve të punës dhe rritja e cilësisë së shërbimit postar.

“Qeveria, përmes Ministrisë së Transportit, po blen 100 automjete të reja për nevojat e Postës së Maqedonisë. Ky nuk është një vendim i rastësishëm, por një përgjigje ndaj një nevoje reale. Mosha mesatare e automjeteve që ka përdorur deri tani Posta e Maqedonisë është rreth 15 vjet, çka nënkupton pajisje të vjetruara, defekte të shpeshta, kosto më të larta dhe efikasitet të ulët. Kjo ka sjellë vonesa në dërgesa, pakënaqësi te qytetarët dhe ulje të besimit në sistem. Ne kemi vendosur t’i japim fund kësaj gjendjeje”, deklaroi Mickoski.

adv