Kryetari i Komunës së Haraçinës ishte për vizit tek hapësirat e Institutit të Mjekësisë së Punës ku dhe realizuan kontrollimin sistematik mjekësor të gjithë të punësuarve të komunës tonë më poshtë e keni statusin e plotë të Kryetarit të Haraçinës që e shpërndau nê rrjetin social Facebook:

Sot më datë 10 Nëntor 2022, në hapësirat e Institutit të Mjekësisë së Punës, në prani të drejtorit të Institutit z. Aziz Maksuti realizuam kontrollimin sistematik mjekësor të të gjithë të punësuarve të komunës tonë.

Përmes kontrollimit sistematik shëndetësor bëhet ekzaminimi mjekësor, kryerja e analizave dhe kontrolleve mjekësore, të përcaktuara sipas kritereve mjekësore nga Instituti i Mjekësisë së Punës.

Me këtë ne synojmë për një mirëqenie më të mirë shëndetësore të punësuarve tanë, ngritjen e performancës dhe efikasitetit të kryerjes së detyrës.

adv

Presidenti Stevo Pendarovski dhe Afshan Kan, drejtoresha rajonale e UNICEF-it për Evropë dhe Azi Qendrore u takuan me aktivistë të rinj dhe diskutuan për sfidat aktuale me të cilat përballen të rinjtë në vend.

Siç informuan nga kabineti i Pendarovskit, pjesëmarrësit biseduan për rëndësinë e pjesëmarrjes së të rinjve, përballjen me ndryshimet klimatike dhe mbrojtjen e mjedisit jetësor, avancimin e cilësisë së arsimit dhe përfitimin e shkathtësive tek të rinjtë, shëndetin mendor dhe dhunën mes moshatarëve. Këto tema u identifikuan si fusha në të cilat të rinjtë mund të kontribuojnë me aktivitete konkrete.

Në fjalimin e tij përshëndetës Pendarovski e ceki rëndësinë e proaktivitetit të këtillë të gjeneratës së sotme të të rinjve në drejtim të përballjes me çështjet më të hidhura të cilat paraqesin barriera të llojit të vet në zhvillimin e tyre personal apo kolektiv.

Në atë kontekst e përmendi edhe nevojën e përkushtimit maksimal të të gjithë faktorëve relevantë në shtetin tonë në njohjen e momentumit dhe kultivimin e potencialit tek të rinjtë, duke vendosur nisma, projekte dhe platforma të cilat do të mundësojnë rrjetëzimin e tyre drejt kontributit të përbashkët. Kjo, sipas presidentit, është një nga parakushtet kyçe për krijim të politikave afatgjata dhe strategjive të cilat do të çojnë drejt përparimit të përgjithshëm të shoqërisë sonë.

Drejtoresha rajonale e UNICEF-it për Evropë dhe Azi Qendrore, Afshan Kan shprehi kënaqësi që të rinjtë mund të gjejnë zgjidhje për çështjet që janë më të rëndësishme për ta, ndërsa me nismat e këtilla u mundësohet të rriten në qytetarë rezistentë dhe aktivë. Duke e cekur nevojën e nxitjes së mëtutjeshme të kontributit të të rinjve në zgjidhjen e sfidave të sotme, ajo e ceki rëndësinë e bashkëpunimit të UNICEF-it me Kabinetin e presidentit në drejtim të krijimit të hapësirës që të rinjtë ta formojnë ardhmërinë që e dëshirojnë.

Në disa vitet e kaluara presidenti Pendarovski dhe UNICEF-i dukshëm, me një sërë aktivitetesh, e përforcuan bashkëpunimin afatgjatë në drejtim të avancimit të të drejtave të fëmijëve dhe të rinjve në vend.

Vitin e kaluar u realizua nisma e përbashkët “Rimendoje të ardhmen”, e cila u mundësoi të rinjve, duke inicuar çështje që janë me rëndësi për ta, të marrin pjesë aktivisht në definimin e vizionit për të ardhmen e Maqedonisë së Veriut.

Në takim, të rinjtë e ndanë përvojën e vet në pjesëmarrjen në nisma të tjera siç janë Samiti rinor për ndryshime klimatike, programi UPSHIFT, Prespa forumi për dialog, U-Report, Samiti për transformim të arsimit, Ditën botërore të fëmijës 2021, si dhe në nismën Përfaqësues rinorë për drejtësi për fëmijët.

adv

NIS PROCESI PËR ANËTARËSIMIN FUQIPLOTË

Në kuadër të vizitës zyrtare në Estoni, Ministri I Jashtëm, Bujar Osmani ka vizituar Qendrën e NATO-s për mbrojtje kooperative kibernetike me seli në kryeqendrën e Estonisë, Talin.

Ministri I Jashtëm, Bujar Osmani, gjatë vizitës në Qendrën e NATO-s për mbrojtje kooperative kibernetike në Talin të Estonisë, ka theksuar se Qeveria e RMV-së vazhdimisht bashkëpunon me të gjitha palët e prekura – industrinë private, bashkësinë hulumtuese dhe akademike dhe shoqërinë civile për të përmirësuar preventivën, përgjigjet dhe kurimin nga sulmet e infrastrukturës kritike, që me nisjen e luftës në Ukrainë janë bërë më të shpeshta dhe më intenzive.

Në këtë takim, sic njoftohet, RMV-ja si vend anëtar I NATO-s dhe pjesë e rajonit të Ballkanit Perëndimor që është I ekspozuar ndaj sulmeve kibernetike, është pranuar në Qendrën e NATO-s për mbrojtje të jashtëzakonshme kibernetike dhe është në proces të anëtarësimit fuqiplotë. Në kuadrë të procesit, RMV-ja do të ketë mundësi t`i shfrytëzojë veglat e Qendrës për ta përforcuar rezistencën personale nga sulmet hibride dhe ta rrisë mbrojtjen e infrastrukturës kritike.

Qendra e NATO-s për mbrojtje kooperative kibernetike është themeluar në vitin 2008 dhe ka status të Organizatës Ndërkombëtare ushtarake. Misioni I saj është që të mbështes vende anëtare të NATO-s me ekspertizë të vetme interdisiplinare në fushën e kërkimeve dhe trajnimeve për mbrojtje kibernetike.

adv

Profesori universitar Bashkim Selmani në emisionin Argument në TVM2 u shpreh pesimist se do të zgjidhet çështja e 20%-shit. Sipas tij kjo për shkak se partitë politike shqiptare nuk po e vënë këtë çështje si priroritet.

adv

Nacionalizmi mund të shkatërrojë vendin tim nga brenda, por gjithashtu mund të dëmtojë marrëdhëniet e Maqedonisë së Veriut me Greqinë dhe Bullgarinë, sepse provokimet dhe retorika nacionaliste mund t’u japin kryeministrave të Greqisë dhe Bullgarisë arsye të mjaftueshme për të marrë masa kundër nesh për të mbrojtur dinjitetin dhe krenarinë e tyre, thotë Ish-kryeministri Zoran Zaev në një intervistë për ANTEREC – Rrjeti Akademik për Mbështetjen e Politikës së BE-së ndaj Ballkanit Perëndimor, përcjell PRESSonline.mk

Ai thekson se nacionalizmi nuk kontribuon në ndërtimin e miqësive, nuk inkurajon marrëdhëniet dhe nuk siguron një të ardhme të begatë.
Sa i përket nënshkrimit të Marrëveshjes së Prespës, Zaev thotë se “me Aleksis Cipras nuk do të pendohemi kurrë për kompromiset që bëmë”.

“Qytetarët nga të dyja palët e dinë se jo vetëm “mosmarrëveshja dhjetëvjeçare” ka gjetur një zgjidhje përfundimtare, por ka hapur rrugën edhe për një partneritet strategjik mes dy vendeve. Marrëveshja ofron një kornizë të tërë që mundëson bashkëpunim në të ardhmen”, thotë Zaev në intervistë, përcjell PRESSonline.mk

adv

Në të gjitha gjashtë institucionet shëndetësore në Shkup ku mund të bëhet mamografi nuk ka terminë në tre muajt e ardhshëm. Kjo informatë mund të kontrollohet edhe në pjesën për termine në ueb-faqen e “Termini im”. Të pyetur nga MIA përse nuk ka terminë dhe nëse po punohet në rregullimin e kësaj çështje të rëndësishme, Ministria e Shëndetësisë nuk dha përgjigje konkrete dhe fokusin e vendosi në Programin nacional të skriningut për zbulim të hershëm të kancerit të gjirit. Në mungesë të termineve, ndërkaq me qëllim të kontrolleve me kohë, gratë janë të detyruara zgjidhjen ta kërkojnë në klinikat private.

adv