Për nder të Epopesë së UÇK-së, ora e parë mësimore sot në shkollat fillore dhe ato të mesme në Kosovë do t`i kushtohet luftës çlirimtare.
Sipas agjendës së për këtë epope, nxënësve duhet të iu shpjegohet lufta e UÇK-së dhe sakrifica e familjes Jashari.
Sot nis shënimi i Epopesë së Ushtrisë Çlirimtare të Kosovës, ndërkaq manifestimet në nderim të luftës çlirimtare dhe familjes Jashari do të mbahen më 5, 6 dhe 7 mars.
Moti sot kryesisht më vranësira dhe me reshje të dobëta lokale të shiut në gjithë vendin. Do të fryjë dhe erë mesatare, kohë pas kohe e përforcuar nga drejtimi veriperëndimorë. Temperatura minimale do të jetë në interval prej 2 deri në 6, ndërsa ajo maksimale do të arrij prej 11 deri në 17 gradë, shkruan Alsat.
Në Shkup, moti do të jetë i ngjashëm, me vranësira dhe me reshje të përkohshme të shiut. Do të fryjë dhe erë e dobët deri në mesatare nga drejtimi verior. Temperatura minimale do të ulet në 5, ndërsa ajo maksimale do të arrij në 14 gradë Celsiusë.
Kryetari i Komunës së Çairit, Izet Mexhiti, ka reaguar pas vendimit të sotëm të Gjykata Kushtetuese e Maqedonisë së Veriut, me të cilin u mbrojt dhe u konfirmua detyrimi që deklaratat, etiketat dhe dokumentet e produkteve të jenë edhe në gjuhën shqipe.
Mexhiti e cilësoi këtë vendim si dëshmi të qartë se e drejta është në anën e shqiptarëve dhe theksoi rëndësinë e respektimit të gjuhës shqipe si gjuhë zyrtare në vend.
Postimi i plotë i Mexhitit:
“Vendimi i sotëm i Gjykatës Kushtetuese, me të cilin u mbrojt dhe u konfirmua detyrimi që deklaratat, etiketat dhe dokumentet e produkteve të jenë edhe në gjuhën shqipe, është dëshmi e qartë se e vërteta është në anën tonë.
Shqiptarët janë popull konstituiv në këtë shtet dhe gjuha shqipe është realitet që askush nuk mund ta kufizojë.
Ne punojmë me përkushtim, qetë dhe në mënyrë institucionale që të drejtat e Shqiptarëve çdo ditë të konfirmohen, garantohen dhe avancohen.
Vazhdojmë përpara, me kokën lartë dhe me vizion të qartë për një shoqëri të barabartë!”, ka shkruar Mexhiti.
Presidenti i Shtetet e Bashkuara, Donald Trump, deklaroi se Shtetet e Bashkuara dhe Izraeli do të vazhdojnë luftën kundër Iran.
Trump shtoi se udhëheqja në Teheran është në rrëmujë dhe paralajmëroi: “Ne jemi në një pozicion shumë të fortë tani dhe lidershipi i tyre po zhduket me shpejtësi. Kushdo që duket se dëshiron të jetë lider, përfundon i vdekur.”
Organizata e Veteranëve të Luftës së UÇK-së (OVL-UÇK) ka reaguar ndaj deklaratave kërcënuese të ish-shefit të BIA-s, Aleksandër Vulin ndaj Kosovës, duke i dënuar ato “me ashpërsinë më të madhe”.
Në një postim në faqen zyrtare në Facebook, OVL-UÇK thekson se ish-luftëtarët e UÇK-së nuk janë trembur as dje dhe nuk tremben as sot nga retorika kërcënuese, duke siguruar se liria e Kosovës, fituar me sakrificë, do të mbrohet me përkushtim të palëkundur.
Organizata shton se Kosova është shtëpia e tyre dhe se gjithmonë do të qëndrojnë në mbrojtje të saj.
Reagimi:
OVL UÇK dënon me ashpërsinë më të madhe çdo deklaratë kërcënuese ndaj Republikës së Kosovës. Ne jemi sot më të vendosur se kurrë për ta mbrojtur atdheun tonë, sovranitetin dhe dinjitetin e tij.
Ish-luftëtarët e UÇK-së nuk janë trembur dje dhe nuk tremben as sot nga retorika kërcënuese.
Liria e këtij vendi është fituar me sakrificë dhe do të mbrohet me përkushtim të palëkundur.
Ata që mendojnë se mund ta frikësojnë Kosovën gabojnë rëndë, dhe përgjigjja jonë ka qenë dhe mbetet e njëjtë si në vitet 1998–1999.
Kosova është shtëpia jonë, këtu jemi dhe këtu qëndrojmë, gjithmonë në mbrojtje të saj.
Burimi: botasot.info
Sot, Kuvendi i Maqedonisë së Veriut miratoi me 71 vota emërimin e Driton Sulejmanin si zëvendësministër i Arsimit dhe Shkencës ku ka hapur diskutime të shumta në opinion, jo vetëm për procesin politik, por edhe për cilësinë gjuhësore të paraqitjes së tij publike. Postimi i parë zyrtar i zv.ministrit në rrjetet sociale, i cili duhej të jepte një mesazh serioz dhe profesional, është mbushur me gabime të shumta drejtshkrimore, të cilat kanë ngritur pikëpyetje për standardet e përfaqësimit në institucionin që mban përgjegjësi për arsimin.
Gabime si “Maqedonis”, “shkencës”, “kryeministrit”, “faleminderim”, “kuvendi”, “peshën”, “përparra”, “shoqërisë” dhe shumë të tjera, kanë bërë që reagimet të jenë të menjëhershme. Në një dikaster ku pritet korrektësi, profesionalizëm dhe zotërim i gjuhës, këto gabime duken jo vetëm të pakujdesshme, por edhe shqetësuese.
Emërimi i një përfaqësuesi të arsimit që niset me një komunikim publik të pasaktë ka shtuar dyshimet për mënyrën se si përzgjidhen kuadrot dhe sa vlerësohet cilësia në arsim. Qytetarët me të drejtë pyesin: Si mund të kërkohet standard i lartë në shkolla, kur vetë zyrtarët e arsimit nuk e respektojnë gjuhën shqipe në komunikimet zyrtare?
Ndërkohë që detyra e re kërkon përgjegjësi të madhe dhe përkushtim maksimal, fillimi i zv.ministrit ka hapur një debat të ri mbi seriozitetin e institucionit dhe nevojën urgjente për profesionalizëm më të lartë në udhëheqjen e sektorit të arsimit dhe shkencës.
Kina pritet të prezantojë Planin e saj të 15-të Pesëvjeçar (2026–2030) gjatë mbledhjes së Kongresit Kombëtar Popullor (NPC) në Pekin, një nga ngjarjet më të rëndësishme politike të vitit. Takimi, që nis këtë javë dhe zakonisht zgjat rreth shtatë ditë, mbledh rreth 3000 delegatë nga e gjithë vendi. Plani i fundit pesëvjeçar u publikua në mars 2021, në kulmin e pasojave të pandemisë COVID-19.
Këtë herë, udhëheqja kineze përballet me sfida të reja: ndikimin e zgjatur të luftës tregtare me SHBA-në, ruajtjen e besimit të konsumatorëve dhe presionin për të riformatuar modelin ekonomik të vendit. Sipas parashikimeve të Fondit Monetar Ndërkombëtar, Kina pritet të shpallë një objektiv rritjeje të PBB-së prej 4.5–5 për qind për vitin 2026, si dhe masa të reja lidhur me normat e interesit, inflacionin, papunësinë dhe deficitin fiskal.
NPC zhvillohet paralelisht me Konferencën Konsultative Politike të Popullit Kinez (CPPCC); së bashku njihen si “Dy Sesionet”. Edhe pse CPPCC ka rol këshillues, NPC konsiderohet organi më i lartë shtetëror dhe miraton legjislacionin kryesor. Këtë vit, lista e delegatëve u shënua nga mungesa e të paktën 19 anëtarëve, përfshirë nëntë zyrtarë të lartë ushtarakë, të cilëve u janë revokuar mandatet për arsye disiplinore. Ata janë pjesë e mbi 100 oficerëve të shkarkuar vitet e fundit nga presidenti Xi Jinping, në kuadër të një fushate të gjerë kundër korrupsionit dhe për konsolidimin e kontrollit politik.
Në aspektin ekonomik, pritet që “vetë-mbështetja industriale” të jetë në qendër të planit. Qeveria synon të forcojë sektorë strategjikë si inteligjenca artificiale e gjeneratës së ardhshme, prodhimi i avancuar i gjysmë-përçuesve dhe energjia e rinovueshme. Një tjetër prioritet është lufta kundër fenomenit të quajtur “involucion”, ku kompanitë hyjnë në luftëra agresive çmimesh që dëmtojnë cilësinë dhe fitimin afatgjatë.
Dokumenti pritet gjithashtu të trajtojë tranzicionin drejt një ekonomie më të orientuar nga konsumi, duke synuar rritjen e kërkesës së brendshme dhe ngushtimin e hendekut mes zonave urbane dhe rurale, përmes rritjes së pagave minimale dhe pensioneve. Përveç objektivave ekonomikë, NPC do të shqyrtojë edhe politika sociale, përfshirë një ligj të ri mbi unitetin etnik në një vend me 56 grupe etnike, ku mbi 90 për qind e popullsisë i përket etnisë Han. (A2 Televizion)
Çmimi i argjendit ra më shumë se dhjetë përqind, nën 80 dollarë për ons, ndërsa investitorët iu drejtuan dollarit amerikan në vend të metaleve të çmuara për siguri për shkak të intensifikimit të tensioneve gjeopolitike, kryesisht konfliktit midis SHBA-së dhe Iranit.
Dollari u forcua ndërsa investitorët kërkuan strehim pas një rritjeje të çmimeve të energjisë të lidhur me konfliktin, i cili ka rritur frikën e inflacionit, ka rritur rendimentet e obligacioneve dhe i ka bërë tregjet të vënë në pikëpyetje politikën monetare të bankës qendrore të SHBA-së, Rezervës Federale (FED).
Ministria e Mbrojtjes Kombëtare (MSB) njoftoi se një raketë balistike e lëshuar nga Irani që po shkonte drejt Turqisë u rrëzua.
Deklarata e ministrisë lexonte si më poshtë:
Një raketë balistike, e lëshuar nga Irani dhe e zbuluar duke u drejtuar drejt hapësirës ajrore turke pasi kaloi hapësirën ajrore të Irakut dhe Sirisë, u aktivizua dhe u neutralizua në kohë nga elementët e mbrojtjes ajrore dhe raketore të NATO-s të vendosur në Mesdheun Lindor.
Në deklaratë u theksua se një pjesë e raketës interceptuese ra në distriktin Dörtyol të provincës Hatay , por nuk pati viktima apo të lënduar.
Ministria deklaroi: “Ju kujtojmë se rezervojmë të drejtën për t’iu përgjigjur çdo qëndrimi armiqësor ndaj vendit tonë. (…) Në këtë kontekst, ne do të vazhdojmë të konsultohemi me NATO-n dhe aleatët tanë të tjerë.”
Drejtori i Komunikimit Presidencial, Burhanettin Duran, gjithashtu bëri një deklaratë për këtë çështje, duke thënë: “Një raketë e lëshuar nga Irani, që kalonte nëpër hapësirën ajrore të Irakut dhe Sirisë dhe drejtohej drejt hapësirës sonë ajrore nga rajoni i Hatay, u shkatërrua nga sistemet e mbrojtjes ajrore të NATO-s. Një pjesë e një rakete interceptuese ra në një zonë të hapur në Dörtyol, Hatay, dhe nuk pati viktima ose të lënduar.”
Duran deklaroi: “Të gjitha hapat e nevojshëm për të mbrojtur territoret dhe hapësirën tonë ajrore do të ndërmerren pa hezitim. Çdo veprim armiqësor që do të haset do të marrë përgjigje brenda kuadrit të së drejtës ndërkombëtare. Konsultimi dhe bashkëpunimi me NATO-n dhe aleatët tanë do të vazhdojë gjatë gjithë këtij procesi.” Ndërkohë, burime të Ministrisë së Jashtme raportuan se pas incidentit, Ministri Hakan Fidan pati një bisedë telefonike me homologun e tij iranian Abbas Arakchi dhe “i përcolli reagimin e Turqisë”. /dw
Presidenti amerikan Donald Trump pranoi të martën ndikimin e luftës në Iran në tregjet energjitike dhe paralajmëroi se çmimet e naftës do të rriten dhe do të jenë të larta për një periudhë kohe gjatë luftës me Iranin.
Por ai siguroi se sapo kjo situatë të mbarojë, çmimet do të bien dhe do të jenë edhe më të ulëta se më parë.
Lufta në Lindjen e Mesme ka shtyrë tashmë çmimet e naftës më lart, me shqetësime për prishje të furnizimit si pasojë e tensioneve dhe bllokimit të trafikut në Ngushticën e Hormuzit.