Gjatë muajit prill, ekipet e Ndërmarrjes Publike Higjiena Komunale-Shkup larguan gjithsej 2750 metra kub mbeturina të përziera komunale, të rënda dhe ndërtimore nga deponitë ilegale të vendosura në të gjitha komunat e Shkupit. Sasia më e madhe e mbeturinave të hedhura ilegalisht u pastrua në komunën e Karposhit.

Brenda muajit të kaluar, Ndërmarrja mblodhi dhe transportoi 14,915 ton mbeturina të përziera komunale nga familjet në territorin e qytetit të Shkupit.

NP Higjiena Komunale-Shkup vazhdon të mirëmbajë higjienën publike në bulevardet dhe rrugët e Shkupit nën juridiksionin e Qytetit të Shkupit, përmes fshirjes dhe larjes mekanike dhe manuale të përditshme, si dhe në Sheshin dhe Rrugën Maqedonia, sheshet më të vogla Filipi i Dytë, Nënë Tereza dhe Bogorodicë, urat për këmbësorë në zonën qendrore të qytetit, shtigjet për këmbësorë dhe trotuaret në urat “Goce Dellçev” dhe “Sloboda” dhe Pazarin e Vjetër të Shkupit.

Gjatë muajit prill, NP Higjiena Komunale-Shkup mbajti leksione mbi përzgjedhjen primare dhe menaxhimin e duhur të mbeturinave për 208 nxënës në shkollat e Shkupit, ndërsa një eko-event u organizua në kopshtin Veseli Cvetovi-klon Sinolicka në komunën e Kisella Vodës për të shënuar Ditën e Tokës.

adv

VLEN përshëndet nisjen e fushatës “Maj – Muaji i Evropës”, një iniciativë që synon ta afrojë procesin e integrimit evropian më pranë qytetarëve dhe ta bëjë atë të prekshëm në jetën e përditshme.

Me këtë rast zëvendëskryeministri i parë i Maqedonisë së Veriut, Bekim Sali në takim me ambasadorë, partnerë ndërkombëtarë dhe miq të vendit, theksoi se fokusi është zhvendosur drejt përfitimeve konkrete që sjell Bashkimi Evropian, si më shumë mundësi për të rinjtë, zhvillim të infrastrukturës dhe mbështetje për ekonominë lokale.

VLEN vlerëson se orientimi drejt rezultateve të prekshme përfaqëson një qasje të re dhe të domosdoshme në rrugën evropiane të vendit. Gjatë këtij muaji, do të prezantohen edhe histori suksesi nga projekte të mbështetura nga BE, që dëshmojnë ndikimin real në jetën e qytetarëve.

VLEN thekson se Evropa nuk është vetëm një proces politik, por mbi të gjitha një bashkësi vlerash, kreativiteti dhe bashkëpunimi mes njerëzve. Për këtë arsye, aktivitetet e “Muajit të Evropës” do të shtrihen në komuna të ndryshme, duke e bërë procesin e integrimit më të afërt dhe më të kuptueshëm për qytetarët.

VLEN mbetet e përkushtuar që rruga drejt Bashkimit Evropian të jetë një proces gjithëpërfshirës, ku institucionet, shoqëria civile, universitetet dhe biznesi kontribuojnë në mënyrë aktive për të ardhmen evropiane të vendit.

VLEN, me qytetarët, për një të ardhme evropiane.

adv

Moti sot në Maqedoninë e Veriut do të jetë me diell dh vranësira.

Në vend do të fryjë një e erë e lehtë jugore.

Temperaturat minimale do të lëvizin nga 1 deri 7, ndërsa temperaturat maksimale do të lëvizin 21 deri 28 gradë celsius.

Nga e mërkura moti do të jetë me vranësira dhe i paqëndrueshëm, ku do të ketë kushte edhe për reshje lokale të shiut.

adv

Rade Ristovski, i cili është pjesë e sigurimit të kryeministrit Hristijan Mickoski, u dënua me tetë ditë paraburgim për dhunë në familje sepse rrahu gruan e tij Sara, raporton 24MK, përcjell Portalb.mk.

Informacioni u konfirmua nga Gjykata Penale dhe nga Prokuroria Publike për Ndjekjen e Korrupsionit dhe Krimit të Organizuar, si dhe nga Ministria e Punëve të Brendshme.

Sipas informacionit policore, Ristovski është pjesë e sigurimit të kryeministrit Mickoski dhe ishte në një pozicion si pjesë e sigurimit, pra si pararendës.

Sara Ristovska është mjeke dhe pronare e një klinike private. Burime nga Gjykata Penale thonë se Ristovski po ndiqet penalisht për një krim që parashikon një dënim me burg nga gjashtë muaj deri në tre vjet.

adv

Karburantet janë shtrenjtuar. Benzinat për 2,5 denarë për litër, ndërsa nafta për 2 denarë. Tani një litër 95 kushton 85 denarë, 98-shi 87, ndërsa nafta 93,5 denarë. Këto janë çmime pa zbritjen e OKTA-s, ndërsa nëse përfshihet edhe ajo, benzina do të shitet për dy denarë më lirë, ndërsa nafta për tre denarë më lirë.

Ndërkohë, sot edhe Qeveria edhe Inspektorati Shtetëror i Tregut (ISHT) përsëritën se dyshojnë që zbritja prej dy denarësh për litër benzinë dhe tre denarësh për litër naftë që ofron OKTA, po keqpërdoret.

Sipas kryeministrit Hristijan Mickoski, ekzistojnë indikacione se të paktën një kompani me licencë për tregti me shumicë të këtyre derivateve e shfrytëzon këtë zbritje për rieksport jashtë vendit.

Sipas Inspektoratit Shtetëror të Tregut, me disa ekipe, deri të premten do të kryhen kontrolle te të gjitha 10 kompanitë me licencë për tregti me shumicë të benzinës dhe naftës.

adv