Kryeministri Hristian Mickoski, vlerëson se rritja e qarkullimit në industri, si brenda ashtu dhe jashtë vendit, është solide. Ai thotë se ka sfida në industri, veçanërisht sa i përket aktivitetit të dobët të një pjese të minierave, por thekson se kjo qeveri do të bëjë gjithçka që ato ekzistuese të jenë më aktive dhe të hapen të reja. Në këtë qëllim, siç theksoi ai, nuk do t’i pengojnë ata që nuk i’a duan të mirën shtetit dhe që do të donin që të gjitha minierat të mbyllen. “Epo, duke pasur parasysh gjendjen në botë dhe gjendjen në Evropë, vlerësoj se rritja e qarkullimit në industri, si brenda ashtu dhe jashtë vendit, është solide. Ne jemi vendi i vetëm që kemi një rritje të tillë në rajon, asnjë tjetër nuk ka rritje të këtillë.

Shpeshherë kur komentojmë, duhet të bëjmë krahasime. Kjo Qeveri tani, për gjashtë tremujorë radhazi, ka një mesatare të rritjes së Prodhimit të Brendshëm Bruto prej 3,5 për qind, por kjo në kushte kur rritja në BE është nën një për qind.  Dikush do të thotë se ka pasur periudha kur rritja ka qenë edhe 5,5 për qind apo 6 për qind, por po, atëherë edhe rritja brenda BE-së ka qenë identike. Tani kemi rritje më shumë se tre herë e gjysmë më të lartë se ajo mesatarja e BE-së”, tha Mickoski në përgjigjen e pyetjeve të gazetarëve gjatë vizitës në Gjorçe Petrov.

Kjo, theksoi kryeministri, për ne paraqet frymëzim se po i menaxhojmë gjërat mirë. “Nuk po them shkëlqyeshëm, sepse gjithmonë mundet më mirë, por tani për tani, duke pasur parasysh situatën globale, mendoj se gjërat po ecin mbarë”, tha kryeministri.  Ai shtoi se te prodhimi industrial ka dy sfida –  aktiviteti i dobët i minierave dhe stabilizimi i prodhimit të energjisë elektrike. “Njëra është aktiviteti i dobët i një pjese të minierave, megjithatë, ekzistojnë edhe struktura në shoqëri që do të donin që të gjitha minierat të mbyllen, edhe ato që i përmbushin të gjitha standardet mjedisore, dhe në këtë mënyrë ta çojnë shtetin drejt falimentimit për të përfituar më shumë grante. Ka edhe të tillë. Ja, shoh reagime menjëherë pas minierës strategjike për antimon, për të përfituar më shumë grante dhe ta spiunojnë shtetin dhe këtë Qeveri, por këtë herë mendoj se do të hasin në një “arrë të fortë”.  Nuk do të tërhiqemi, sepse kjo është e ardhmja, nëse duam të kemi shtet, kjo është e ardhmja”, tha Mickoski. E dyta që është më e rëndësishme përveç minierave, sipas kryeministrit, është stabilizimi i prodhimit të energjisë elektrike. “Mendoj se tashmë është në kuadër të rrjedhave stabile, kështu që, në përgjithësi, duke e pasur parasysh gjendjen, do të përsëris, globalisht jemi në një rrugë të mirë”, theksoi kryeministri Mickoski.

adv

LSDM njofton se ka ngritur kallëzim penal ndaj kryeministrit, Hristijan Mickoski për “Keqpërdorim i pozitës dhe autoritetit zyrtar”.

“Hristijan Mickoski nuk fshihet më ai është prokuror, gjykatës, i cili urdhëron paraprakisht gjyqe kundër opozitës dhe disidentëve.

Nga pozicioni i Kryeministrit, Mickoski shpall publikisht ndjekje penale, shënjestron njerëz specifikë nga opozita dhe familjet e tyre me akuza të shkruara paraprakisht.

Shprehja e tij “Kam një ndjenjë” diktohet nga frika sepse ai e di se do të duhet të përballet me përgjegjësinë.

Por ky është një skandal me përmasa të papara dhe përfaqëson një kolaps të plotë të rendit ligjor dhe kushtetues, dhe ai duhet të mbajë përgjegjësi për këtë.

Deklarata e Mickoskit është një sinjal se gjyqësori dhe prokuroria janë shndërruar në një mjet për hakmarrje politike dhe persekutim të disidentëve.

Metoda të natyrshme të regjimeve autoritare që sistemi demokratik nuk i njeh.

Prandaj, LSDM sot ngriti padi penale kundër Hristijan Mickoskit për krime:

-Keqpërdorim i pozitës dhe autoritetit zyrtar (neni 353, paragrafi 1 i Kodit Penal)

-Shkelje e barazisë së qytetarëve (neni 137, paragrafët 1 dhe 2 të Kodit Penal)

-Rrezikim i sigurisë (neni 143, paragrafi 1 i Kodit Penal)”, thonë nga LSDM.

Nga atje kërkojnë që Prokuroria Publike të veprojë menjëherë sipas kallëzimit penal, të thërrasë Mickoskin për marrje në pyetje dhe të parandalojë rrezikimin e mëtejshëm të rendit juridik.

adv

Pasi u demaskua publikisht, Haqim Ramadani tentoi të ndryshojë drejtimin e debatit duke sulmuar gazetarët, sikur ata të ishin problemi kryesor. Por kjo strategji nuk zgjati shumë. Në vend që të heshtnin, gazetarët reaguan menjëherë dhe me tone të ashpra, duke i kthyer përgjigje të drejtpërdrejtë dhe pa dorashka.

Ata jo vetëm që hodhën poshtë pretendimet e tij, por i kujtuan edhe një realitet që ai duket se e ka harruar: mbështetjen dhe hapësirën që vetë gazetarët i kanë dhënë ndër vite. Nga intervistat, promovimi publik e deri te mbulimi i aktiviteteve të tij, shumë prej tyre kanë qenë kontribuues në ngritjen e profilit të tij publik.

Por në momentin që situata u kthye kundër tij, Ramadani zgjodhi të sulmojë pikërisht ata që dikur i qëndruan pranë. Kjo lëvizje u interpretua nga shumëkush si përpjekje për të devijuar vëmendjen nga çështjet reale dhe përgjegjësia personale.

Reagimi i gazetarëve ishte i qartë: askush nuk është mbi kritikën dhe askush nuk mund të përdorë median vetëm kur i konvenon. Ky episod tregon qartë se koha e manipulimeve dhe viktimizimit të rremë po i vjen fundi.

#FurkanSaliu #RamiMislimi #LiridonaVejseli

#HaqimRamadani #IzetMexhiti #KomunaÇair

adv

Pas komunikimit tonë të vazhdueshëm me banorët dhe kërkesave tona në Këshill lidhur me problemet e linjave dhe autobusëve në disa vendbanime, si dhe bashkëpunimit të vazhdueshëm me Ndërmarrjen Publike për Transport, ka filluar të përmirësohet gjendja në disa zona. Megjithatë, një nga problemet kryesore mbetet ende flota e autobusëve të vjetër!
Në fshatin Bojanë, ku problemi kryesor ishte autobusi dykatësh që nuk mund të kalonte në urën e Bojanës, çështja tashmë është zgjidhur dhe aktualisht funksionon autobusi njëkatësh.
Sa i përket linjës 18A në Vizbeg,pas takimit tonë me menaxhmentin, na është garantuar se në një afat sa më të shkurtër do të vihet në funksion një minibus, i cili aktualisht ndodhet në servis dhe po përgatitet për këtë linjë!
Gjithmonë pranë qytetarëve.
Vota juaj,amaneti ynë!
Kemi kërkuar mbështetjen tuaj për t’ju përfaqësuar dhe do t’ju përfaqësojmë me dinjitet në qytet!

adv

Ish-kandidati për komunën e Bërvenicës, Haqim Ramadani, ka reaguar ashpër përmes një postimi në Facebook, duke akuzuar mediat dhe disa gazetarë për, siç tha ai, “shitje” gjatë zgjedhjeve lokale informon Tetovasot.

Ramadani thekson se gjatë fushatës zgjedhore shumë portale dhe individë që e quajnë veten gazetarë kërkonin pagesë për mbështetje ose intervista, ndërsa sot, sipas tij, dalin dhe flasin për “shitje” të komunës.

“Sot po shoh reagime nga disa portale dhe individë që e quajnë veten gazetarë, të cilët gjatë fushatës së zgjedhjeve lokale u rreshtuan në anën tjetër për 500 apo 1000 euro, ndërsa sot marrin të drejtën të flasin për ‘shitje’ të komunës. Ata që janë shitur vetë, mendojnë se çdokush mund të shitet”, shkruan Ramadani transmeton Tetovasot.

Ai shton se gjatë zgjedhjeve asnjë medium, sipas tij, nuk i dha përkrahje kandidaturës së tij dhe se e gjithë fushata është zhvilluar me mjete minimale.

“E gjithë fushata ime u zhvillua me mjete minimale – vetëm me një telefon dhe përmes rrjeteve sociale”, thekson ai.

Ramadani gjithashtu ka reaguar edhe ndaj kritikave për punësimin e tij, duke thënë se nuk mban asnjë post publik dhe se është absurde të bëhet debat për një vend pune.

“Nuk mbaj asnjë post publik dhe nuk ka asnjë bazë që të merret kush me mua në këtë formë”, shkruan ai.

Në fund, ai ka kritikuar ashpër disa portale, duke i quajtur “mercenarë të klikimeve”.

“Qëllimi juaj nuk është informimi, por përfitimi , rritja e ndjekësve dhe më pas kërkimi i ‘haracit’ në emër të tyre”, përfundon reagimi i Haqim Ramadani.TS

adv