Ekskluzivisht mësohet se gjatë javës së ardhshme, Lëvizja Besa do të bëj thirrje për tryezën e partive shqiptare për të diskutuar heqjen e 20% nga Kushtetuta e Republikës së Maqedonisë së Veriut.

Tryeza e partive shqiptare si në formën e Platformës së Tiranës është rikthyer përsëri në vëmendje për shkak të tentativave në prag të ndryshimeve kushtetuese të cilat duhet të bëhen për shkak të lëvizjes më tej të vendit drejt integrimit evropian, proces ky që varet pikërisht nga hapja e Kushtetutës.

adv

Prej sot fillon llogaritja dimërore e kohës, gjegjësisht akrepat e orës në orën 3 pas mesnate do të zhvendosen një orë prapa, njofton Portalb.

Pra, përllogaritja dimërore e kohës nënkupton kthimin e orës mbrapa dhe deri më tani kjo është bërë në fundjavën e fundit të tetorit. Ndërsa përllogaritja verore fillon në javën e fundit të marsit.

Qeveria në seancën e mbajtur më 9 tetor kumtoi se është e mundshme që Maqedonia e Veriut këtë vit ta mbajë llogaritjen verore të orës, e cila duhet të mbarojë më 30 tetor. Kjo nënkupton që vikendin e fundit të muajit, nuk do t’i ndryshojmë akrepat e orës për një orë.

“Në seancën qeveritare, është obliguar Ministria e Ekonomisë që t’i shohë mundësitë rreth vazhdimit eventual të zbatimit të llogaritjes verore të kohës, me qëllim të kursimit shtesë të energjisë elektrike”, kumtuan nga Qeveria.

Në praktikë kjo do të thoshte që gjatë muajve të dimrit të errësohej një orë më vonë.

Debatin për shfuqizimin e llogaritjes së kohës sipas asaj verore dhe dimërore e ka hapur dhe Komisioni Evropian përpara katër vitesh. Atëherë, në online-anketë 93% e banorëve të BE-së janë deklaruar se janë “për” shfuqizimin e mënyrës së këtyre të llogaritjes së kohës, pas çka KE dorëzoi edhe propozim zyrtar në Parlamentin Evropian i cili u miratua në vitin 2019-të. Sipas asaj, shfuqizimin duhej ta zbatojë prej vitit të kaluar, çdo vend-anëtar duhet të zgjedh se cilën llogaritje do ta mbajë. Megjithatë, kjo në praktikë nuk ndodhi.

“Prej atëherë thuajse gjërat kanë pushuar. Topi tani është te 27 vendet anëtare të Unionit”, thonë nga Komisioni Evropian.

“Ata patjetër duhet që të harmonizohen dhe të tregojnë nëse në të ardhmen punët do të mbeten kështu siç janë, ose do të ndryshojnë. Deri më tani qeveritë e vendeve anëtare të BE-së nuk kanë qëndrim të përbashkët. Kjo i ka zemëruar deputetët e Parlamentit Evropian”, shkruan Dojçe Vele, në analizën “Pse ende ka llogaritje verore dhe dimërore të kohë”, e publikuar në mars të vitit të kaluar kur ndryshohet përllogaritja prej dimërore në verore.

Në të njëjtën pyetje, në analizën e të njëjtës periudhë të “Blumberg”, theksohet se fajtori kryesor për zbatimin e përllogaritjes së këtillë është pandemia e koronavirusit, por edhe burokracia gjatë së cilës rikujton se pas votimit në Parlamentin Evropian, zbatimin e vendimit duhet ta finalizojë Këshilli Evropian i cili kryesisht është i përbërë nga presidentë të shteteve. Megjithatë, Këshilli e ka kthyer çështjen mbrapa në KE duke theksuar se nuk mund ta zbatojë derisa Komisioni nuk bën vlerësim të ndikimit që do të ketë shfuqizimi i përllogaritjes verore dhe dimërore të kohës.

adv

Nga e hëna, Komuna e Çairit do të ndërpres transportin publik për nxënësit e Vizbegut dhe nxënësve të tjerë që nuk i takojnë kësaj komune por që mësojnë në shkollat e Çairit. Kryetari i Komunës, Visar Ganiu tha se ky vendim vjen si rezultat i krizës ekonomike dhe energjetike dhe njëkohësisht mos respektimit të marrëveshjes për transport të nxënësve të Vizbegut nga ana e Komunës së Butelit, shkruan Alsat.

“Mbi 6 milionë denarë brenda një viti ne paguajmë për shkollimin e këtyre nxënësve, gjegjësisht për transportin e tyre. Javën e fundit kemi presion të vazhdueshëm nga Ndërmarrja Publike e Transportit dhe që është me të drejtë, të cilët kërkojnë nga ne pagesën e transportit të fëmijëve nga Lagja Vizbeg e Komunës së Butelit me të cilën komunë një vit më parë kemi nënshkruar marrëveshje. Por, Komuna e Butelit kësaj marrëveshje nuk ju përmbajt dhe nuk ka kryer asnjë pagesë ndaj ndërmarrjes në fjalë. Andaj, si rezultat i lutjeve të vazhdueshme nga ana jonë ndaj Ndërmarrjes Publike të Transportit ata nuk e kanë ndaluar transportin, por kulmi ka arritur kështu që nga dita e hënë nxënësit e Lagjes së Vizbegut që mësojnë në shkollat e Çairit nuk do të kenë më transport nga ana Ndërmarrjes Publike të Transportit”, deklaroi Visar Ganiu, kryetar i Komunës së Çairit.

Darko Kostovski, kryetar i komunës së Butelit pranon se kanë borxhe të shumta ndaj Ndërmarrjes Qarkulluese Publike por se të njëjtat, sipas tij, do të shlyhen në këste. Sipas tij, kjo nuk duhet të ndikoj në ndërprerjen e transportit të nxënësve të Vzbegut.

“Po, kemi borxhe ndaj NQP-së po kemi firmosur marrëveshje që borxhin ta paguajmë në këste dhe tashmë po paguhet, shpresojmë që deri në pranverë ta shlyejmë. Pjesa jonë, ashtu siç ka nisur procesi, ne kemi përfunduar procedurën e tenderit dhe deri në njërën shkollë të komunës së Çairit transportohen nxënësit dhe ai transport vazhdon dhe sa jam unë i informuar “Slloboda Prevoz” e ka fituar tenderin”, tha Darko Kostovski, kryetar i Komunës së Butelit.

Për shkak të mungesës së një objekti shkollor në Vizbeg, mbi 170 nxënës të kësaj lagjeje të Butelit ndjekin procesin mësimor thuajse në të gjitha shkollat e fillore të Komunës së Çairit. Për të mbërritur në shkollat “7 Marsi”, “Ismail Qemali” dhe të tjera të komunës së Çairit, nxënësit detyrohen të bëjnë rrugë në këmbë deri në 4 kilometra ose të paguajnë shërbimin taksi deri në 200 denarë vetëm një drejtim.

adv

Të shtunën BDI ka thirrur mbledhjen e llogaridhënies së zyrtarëve të partisë në nivel qendror dhe atë lokal. Zëdhënësi i integristëve Bujasr Osmani tha në “Rruga drejt” se përveç ministrave, llogari para kryesisë së Këshillit të Përgjithshëm do të japin edhe funksionarët tjerë, përfshi edhe krerët e komunave.

“Llogaridhënie nuk do të ketë vetëm të ministrave por të gjithë funksionarëve të zgjedhur, si ministrat, zëvendësministrat, drejtorët, kryetarët e komunave. Kemi marr obligim që në emër të partisë të ju shërbejmë njerëzve dhe aty do të japim llogari kush çfarë ka bërë. Kjo është në kuadër të një evaulimi të zakonshëm”, deklaroi Bujar Osmani, Zëdhënës i BDI-së.

Burime nga strukturat partiake brenda BDI-së thonë se të shtunën presin një mbledhje maratonike, pasi sipas tyre do të shqyrtohet dhe analizohet hë për hë puna e çdo funksionari, duke filluar nga zëvendëskryeministri i parë Artan Grubi dhe gjithë të tjerët.

Nuk dihet nëse epilogu i kthimit në funksion të organeve partiake do të jetë shkarkimi i ministrave të caktuar, përkatësisht plotësimi i kërkesave të grupit të zjarrit. Ajo që mësohet është se kreu i integristëve do të shpalos planin e llogaridhënies, ndërsa nuk përjashtohet mundësia që mbledhja e parë të kalon edhe pa pasoja për anëtarët e ekzekutivit, të cilët sipas grupit të zjarrit kanë ngelur në klasë. Llogaridhënia ishte njëra ndër kërkesat kyçe të grupit të zjarrit. Gjatë javës ministrat dhe zëvendësministrat kanë përgatitur raport për punën e tyre të cilin do ta dorëzojnë para kreut të partisë, ndërsa anëtarët e Këshillit të Përgjithshëm do të debatojnë për pikat nga e raportit dhe do të konstatojnë gjendjen faktike me pretendimet apo rezultatet nga raporti. Më 15 tetor Këshilli i Përgjithshëm zgjodhi për nënkryetarë të partisë: Izet Mexhitin, Bajram Rexhepin, Arbër Ademin dhe Arbana Pashollin, për Sekretar të përgjithshëm – Faton Ahmetin, Sekretar organizativ – Blerim Bexhetin dhe Sekretare për përfaqësim gjinor – Saranda Imerin. U zgjodhën edhe anëtarët e rinj të Këshillit të Përgjithshëm, Këshillit Mbikëqyrës dhe Këshillit Kombëtar. /Alsat.mk

adv