Ministria e Shëndetësisë njofton se në 24 orët e kaluara janë kryer 543 teste, ndërsa janë regjistruar 44 raste të reja me COVID-19.

Nga numri i përgjithshëm i rasteve pozitive (44), janë regjistruar 13 riinfeksione.

Ministria e Shëndetësisë njofton se janë konfirmuar edhe 47 pacientë të shëruar nga coronavirusi.

Gjatë 24 orëve të kaluara nuk është regjistruar asnjë humbje jete. Sipas Regjistrit të personave të vdekur me diagnozë COVID-19 nga “Termini Im”, nuk është regjistruar asnjë humbje jete.

Numri i përgjithshëm i personave të diagnostikuar me COVID-19 në vendin tonë që nga fillimi i pandemisë është 344.075, numri i të shëruarve është 334.249, numri i atyre që humbën jetën është 9.564 dhe numri i rasteve aktive është 262.

adv

Përfundimisht me ditën e djeshme janë aplikuar mbi 20.000 vaksina kundër gripit sezonal, ndërsa janë caktuar 39.000 termine për të cilat qytetarët përmes “Termini im” morën porosi për vaksinim me datë të saktë dhe pikë vaksinuese, informoi ministri i Shëndetësisë, Bekim Sali.

Gjatë vizitës së sotme në pikën vaksinuese pranë Qendrës për shëndet publik Shkup në Ambulancën “Prolet”, Sali informoi se vaksinimi filloi me kohë në të gjitha pikat vaksinuese.

“Për herë të parë filloi në tetor, për dallim nga vitet e kaluara. Siç e dini, para mesit të tetorit arritën vaksinat dhe pas finalizimit të procedurave në Agjencinë për barëra dhe mjete mjekësore MALMED, iu qasëm shpërndarjes së sasive në të gjitha pikat”, tha ministri.

Paralajmëroi se nga java e ardhshme fillon imunizimi në shtëpitë e shëndetit në terren, përkatësisht pacientët në shtëpitë e të moshuarve dhe qendrat e dializës.

“Nga Ministria janë siguruar 40.000 vaksina kundër grupit për grupet e ndjeshme të popullatës, ndërsa një sasi shtesë është siguruar nga organizata PiVi, përkatësisht 20.000 doza donacion”, sqaroi ministri Sali.

Në pjesën e donacionit nga ana e organizatës PiVi, ai shtoi se vaksinat tashmë kanë arritur, ndërkaq pritet që procedurat administrative në MALMED të rregullohen dhe tashmë nga java e ardhshme të përgatiten për përdorim.

Në përgjigje të pyetjes së gazetarëve, ministri Sali theksoi se sasitë e vaksinave merren në bazë të të dhënave nga vitet e kaluara.

adv

Ministria e Arsimit dhe Shkencës shpalli konkurset për bursa për nxënës në arsimin e mesëm në vitin akademik 2022/2023. Janë nëntë lloje të bursave me vlerë mujore prej 3.500 denarë dhe përfituesit do t’i marrin ato për nëntë muaj, gjegjësisht derisa të zgjasë mësimi. Bursat për nxënësit romë ndahen në katër kategori dhe janë të shumave të ndryshme. Ju mund të aplikoni për të gjitha llojet e bursave nga sot deri më 13 nëntor 2022.

Një mijë e pesëqind bursa janë për nxënësit që regjistrohen në klasat e arsimit profesional në të cilat mësimi praktik do të realizohet me një numër të shtuar të orëve, sipas programeve të arsimit profesional nga shkollat ​​e mesme publike.

Pesëqind bursa janë të destinuara për nxënësit që zbatojnë planet mësimore dhe programet për aftësimin profesional dhe arsimin profesional në kohëzgjatje trevjeçare.

900 bursa për mbështetje sociale do të ndahen për nxënësit e shkollave të mesme publike. Ministria e Arsimit dhe Kulturës do të ndajë 240 bursa për nxënësit nga programet mësimore në profesionin hotelieri-turizëm, elektroteknik, ndërtim-gjeodetikë, bujqësi-veterinari, mekanikë dhe tekstile-lëkurë.

150 bursa janë të destinuara për nxënës të talentuar sportistë, 120 bursa do të ndahen për nxënës me nevoja të veçanta. Njëqind bursa janë për nxënës të talentuar nga arsimi i mesëm në degët e shkencave natyrore dhe teknike, 50 bursa për nxënës të talentuar në fushën e arteve dhe 50 bursa për nxënës – fëmijë pa prindër.

Gjithsej 920 bursa do të jepen për gjimnazistët romë të regjistruar në vitin e parë, të dytë, të tretë dhe të katërt. Këto bursa ndahen në katër kategori dhe kanë shuma të ndryshme mujore, nga 800 deri në 2200 denarë.

Në secilin nga konkurset e shpallura sot nga Ministria e Arsimit dhe Kulturës, janë përcaktuar kushtet, kriteret, dokumentet e nevojshme dhe afatet e aplikimit.

Procedura për aplikim për bursë digjitalizohet përmes portalit e-uslugi.mon.gov.mk. Nxënësit të cilët nuk kanë mundësi të aplikojnë në mënyrë elektronike, duhet të plotësojnë një aplikim në letër (fletë regjistrimi) dhe të dorëzojnë dokumentacionin e nevojshëm pas konkursit përkatës në Ministrinë e Arsimit dhe Shkencës, drejtpërdrejt ose me postë të regjistruar me faturë kthyese në adresën bul. “Shën. Kirili dhe Metodi” nr. 54, 1000 Shkup.

adv

Me 62 vota “PËR”, Hysni Ismaili nga radhët e Alternativës është zgjedhur si nënkryetar i Kuvendit të RMV-së, në korniza të vazhdimit të sotëm të seancës së 71të.

Kryetari i Kuvendit Talat Xhaferi e ndërpreu vazhdimin e kësaj seance dhe tha se për vazhdimin e saj deputetët do të njoftohen më tej. Seanca filoi me një orë vonesë, ndërsa nuk morën pjesë fare deputetët e VMRO-DPMNE-së.

Sot gjithashtu Risto Penovi u zgjedh ministër i ri për vetqeverisje lokale, ndërsa Fatmir Skender dhe Tatjana Vasiq u zgjodhën anëtarë të rinjë të Gjykatës Kushtetuese.

adv

Duke u nisur nga fakti se edhe pse Komuna e Çairit nuk ka për obligim ligjor që të sigurojë arsimimin e nxënësve që nuk kanë shkolla në gjuhën amtare në vendbanimet e tyre, prapë se prapë si obligim moral asnjë fëmijë vite me radhë nuk e kemi lënë pa shkollim. Kësisoj afër 500 nxënës të shumë komunave të tjera po mësojnë në shkollat tona dhe transportin e të gjithë këtyre fëmijëve e paguajmë ne si Komunë e Çairit me mjete vetanake financiare.

Mbi 6 milionë denarë brenda një viti ne paguajmë për shkollimin e këtyre nxënësve, gjegjësisht për transportin e tyre.

Për këtë situatë janë të informuara me kohë të gjitha institucionet shtetërore përkatëse dhe kemi kërkuar rritje të bllok dotacioneve, por përgjigje deri më tani nuk kemi.

Dhe duke qenë nën presion të krizës aktuale ekonomike, konkretisht energjetike, ne si Komunë e Çairit nuk jemi më në gjendje të sigurojmë mbulimin financiar të transportit të këtyre nxënësve, sepse pikërisht këto 6 milionë denarë për çdo vit që paguajmë kanë thelluar situatën me borxhet që kemi ndaj operatorëve të tjerë.

Javën e fundit kemi presion të vazhdueshëm nga Ndërmarrja Publike e Transportit dhe që është me të drejtë, të cilët kërkojnë nga ne pagesën e transportit të fëmijëve nga Lagja Vizbeg, e Komunës së Butelit me të cilën komunë një vit më parë kemi nënshkruar marrëveshje që e publikuam në të gjitha mediumet dhe ishte hera e parë bashkërisht t’i ndajmë shpenzimet e transportit për ata nxënës.

Por, Komuna e Butelit kësaj marrëveshje nuk ju përmbajt dhe nuk ka kryer asnjë pagesë ndaj ndërmarrjes në fjalë.

Andaj, si rezultat i lutjeve të vazhdueshme nga ana jonë ndaj Ndërmarrjes Publike të Transportit ata nuk e kanë ndaluar transportin, por kulmi ka arritur kështu që nga dita e hënë nxënësit e Lagjes së Vizbegut që mësojnë në shkollat e Çairit nuk do të kenë më transport nga ana Ndërmarrjes Publike të Transportit.

Së paku kërkoj një falënderim nga institucionet përgjegjëse shtetërore për këtë mbështetje të vazhdueshme që ua kemi dhënë ne ndër vite nxënësve bashkë me procesin e arsimimit të tyre. Këta nxënës do të vazhdojnë mësimin nëpër shkollat e Komunës së Çairit sikurse deri tani me të gjitha kushtet e barabarta me nxënësit e tjerë.

adv

Ministri i Punëve të Jashtme, Bujar Osmani, tha për BTV se duhet parë se kush qëndron pas hapjes së klubit maqedonas në Bllagoevgrad, por edhe në Maqedoni.

Sipas Osmanit, duhet të kontrollohet, duke pasur parasysh ndjeshmërinë e marrëdhënieve dypalëshe dhe të shihet nëse vërtet ka vullnet të mirë apo janë pjesë e agjendës së dikujt tjetër.

VMRO-ja në Bullgari njoftoi se të dielën do të organizojë protestë në Blagoevgrad, ndërsa tifozët e ekipit të futbollit “Pirin” pritet të festojnë edhe 100 vjetorin e themelimit.

Policia në Bllagoevgrad po merr masa për të parandaluar përshkallëzimin e këtyre ngjarjeve, njoftoi komisari policor në qytet, Dimitar Içev.

adv

Ushtruesi i detyrës kryeministër i Bullgarisë, Galab Donev, të shtunën do të udhëtojë në Republikën e Maqedonisë së Veriut, me ftesë të nikoqirit të tij, kryeministrit Dimitar Kovaçevski, për të marrë pjesë në ceremoninë me rastin e fillimit të ndërtimit të pjesës lindore të Korridorit hekurudhoir VIII, aksit Kumanovë – Belakoc – Kriva Pallankë, kumtoi qendra për shtyp e qeverisë bullgare.

Siç lajmëroi korrespondenti i MIA-s nga Sofja, ngjarja do të mbahet të shtunën, në orën 12:00, në afërsi të Kumanovës, ndërsa do të marrë pjesë edhe zëvendëskryeministri bullgar për politika ekonomike dhe ministër i Transportit dhe Lidhjeve, Hristo Aleksiev.

Korridori panevropian VIII, siç përkujton korrespondenti i MIA-s, e lidhë Bullgarinë me Maqedoninë e Veriut, Shqipërinë dhe përmes detit me Italinë. Kjo është rutë kyçe në raport me përforcimin e lidhshmërisë së rajonit, duke krijuar lidhje intermodale mes Detit të Zi dhe atij Adriatik. Korridori mund të krijojë vlerë të rritur të shtuar për zhvillimin e tërë rajonit ballkanik. Bullgaria, Maqedonia e Veriut dhe Shqipëria bëjnë përpjekje të përbashkëta për kompletimin e tij me ndërtim të projekteve kryesore për infrastrukturën hekurudhore transportuese në territoret e tyre. Bullgaria punon aktivisht në përfshirjen e Korridorit VIII në rrjetin prioritar evropian transportues në drejtimin Sofje – Shkup – Durrës – Tiranë dhe ai të përcaktohet si pjesë e korridorit evropian “Ballkani perëndimor”.

adv