Qeveria sot do të dërgojë në Kuvend nominimin e Risto Penovit për ministër të ri të Vetëqeverisjes Lokale, pasi paraprakisht e dorëzoi edhe dorëheqjen nga ky funksion të bashkëpartiakut të tij të LDP-së – Goran Milevski, paralajmëroi dje kryeministri Dimitar Kovaçevski.

Milevski më 20 shtator të këtij viti dha dorëheqje nga funksioni, siç informoi, për arsye personale.

Paraprakisht Kovaçevski deklaroi se për momentin nuk ka asnjë paralajmërim për ndonjë ndryshim në përbërjen e qeverisë.

“E di që BDI-ja për më 15 tetor ka paralajmëruar zgjedhje të kryesisë, por nuk ka kurrfarë paralajmërimi për ndonjë ndryshim në përbërjen e qeverisë”, tha Kovaçevski, duke iu përgjigjur pyetjes së gazetarëve nëse pret ndryshime në strukturën e qeverisë pas paralajmërimeve të BDI-së për reformim brendapartiak.

adv

Partia opozitare më e madhe në vend VMRO-DPMNE akuzon Qeverinë duke u shpprehur se ato janë shkaktar kryesor që qytetarët dhe bizneset në vend paguajnë rrymën më shtrenjtë se vendet e tjera të rajonit.

Si qytetarët ashtu edhe bizneset në Maqedoni paguajnë rrymën më të shtrenjtë në krahasim me rajonin për shkak të paaftësisë së qeverisë. Qytetarët maqedonas paguajnë deri në 50% fatura më të shtrenjta se qytetarët e Serbisë dhe Kosovës dhe 15% më shtrenjtë se Turqia, Bosnja e Hercegovina dhe Kroacia.

Sipas tyre kur ato ishin në pushtet kompanitë e vendit paguanin rrymën të katërtit më lirë në Evropë ndërsa tani me Qeverinë e udhëhequr nga LSDM dhe BDI në Evropë kompanitë maqedonase paguajnë rrymën e tetë më të shtrenjtë në Evropë.

Kompanitë maqedonase paguajnë rrymën e 8-të më të shtrenjtë në Evropë, ndërsa kur ishte në pushtet VMRO-DPMNE, paguanin të katërtit më lirë. Rënia e shtrenjtë e energjisë elektrike është kryesisht për shkak të prodhimit të vogël vendor që është rezultat i paaftësisë në menaxhim.

Sipas VMRO-së me këtë ritëm të çmimeve të energjisë elektrike, një numër i madh i kompanive po përballen me probleme gjatë prodhimit dhe punës.

adv

Kolapsi i energjetik rezikon të lërë pa pune 7,000 deri në 9,000 punëtorë në industri, thotë kështu në intervistën për REL Igor Gjerasov, kryetar i Unionit të Industrisë, Energjisë dhe Minierave . Sipas tij, kompanitë e mëdha, të cilat janë në tregun e lirë të energjisë elektrike, marrin pjesë me 10 deri në 15 për qind në BPV.

Si rrjedhoj e krizës energjetike me të cilën po përballet vendi dy kompani të mësha me më shumë se 700 punëtor janë në pushim të detyrueshëm, kështu njofton kryetari i Unionit të Industrisë, Energjisë dhe Minierave Igor Gjerasov.

“Aktualisht dy kompani nga sektori ynë janë në pushim të detyruar, ku përfaqësohemi nga sindikata, ajo është Euronickel Industries me rreth 850 punëtorë dhe miniera e bakrit dhe e arit Borov 0 Radovish, ka diku rreth 720-730 punëtorë, që do të thotë se diku rreth 1500 punonjës janë konkretisht në 70 për qind të pagës, që nuk do të thotë se vendet e tyre janë në rrezik, ligji e lejon këtë dhe kompanitë i dërguan punëtorët me pushime të detyruara në këtë periudhë të vështirë. Euronikeli është në pushim të detyruar deri më 15 dhjetor, ndërsa Borov dol deri më 1 dhjetor”, deklaroi Igor Gjerasov.

7,000 deri në 9,000 punëtorë në industri rezikohen të jenë pa vende pune. Sipas tij, Gjerasov kompanitë e mëdha, të cilat janë në tregun e lirë të energjisë elektrike, marrin pjesë me 10 deri në 15 për qind në BPV.

“Sektori energjetik dhe industria e metaleve dhe minierave janë një sektor i madh në vendin tonë, Nëse po pyesni për numrin e saktë të punëtorëve që janë në rrezik, nëse do të ndodhte ajo që ne nuk do të donim të ndodhte, mendoj se është një shifër prej 7000 deri në 9000 punëtorë të përfshirë drejtpërdrejt në ato punë”, deklaroi Igor Gjerasov.

Si sindikatë, konkretisht Sindikata e Industrisë, Energjisë dhe Minierave (SIER), kemi paraqitur kërkesa që Qeveria të subvencionojë kompanitë tona që janë më të prekura nga kriza energjetike në këtë periudhë të vështirë.

adv

Gjatë një kontrolli në objektet hotelerike në territorin e vendit sot në periudhën nga ora 00:00 deri në ora 04:00 njësitë për punë të brendshme dhe ekipet patrulluese të përbëra nga nëpunës policor të Departamentit të policisë së uniformuar kanë arrestuar katër persona, tre prej të cilëve të mitur.

Gjatë kontrollit, siç informojnë nga MPB-ja është konstatuar vepër penale sipas nenit 215 të Kodit penal ku tek P.R. (25) nga Negotina është gjetur kokainë.

Është hasur në 11 persona minorenë, ndërsa janë konstatuar dhe dy vepra penale sipas nenit 204 të Kodit penal për servirje të alkoolit ndaj të miturve. Poashtu është hasur edhe një shtetas i huaj pa dokumentacion përkatës për me qëndrim të rregulluar.

adv

Tre fëmijë të moshës së mitur janë lenduar në oborrin e një shkolle në Çair. Sipas MPB, ata janë lënduar nga gjësendet e forta që ka hedhur një grua.

“Më datë 05.10.2022 (e mërkurë) në ora 15:23 në SPB Shkup, personi E. L. ka raportuar se në oborrin e një shkolle në rrugën “Serava”, një femër ka hedhur sende të forta dhe ka lënduar dy të mitur nga Shkupi dhe një të mitur nga fshati Luboten i Shkupit”, njofton policia.

adv

Kohëve të fundit është rritur ndjeshëm numri i pacientëve të sëmurë me grip sezonal, me simptoma madje që të kujtojnë ato të Covidit.

Mjekja Mevlane Islami thotë se ndryshimet e pazakonta klimatike gjatë këtyre javëve, kanë ndikuar padyshim në shtimin e të sëmurëve.

Apelon të shkohet në mjek e të merren ilaçe vetëm sipas përshkrimit të mjekut, sidomos të bëhet kujdes me përdorimin pa kontroll të antibiotikëve.

“Kjo ndodh për shkak të ndryshimit të kushteve klimtaike, rënia e temperaturave, qëndrimi në ambiente të mbyllura, ajri i papastër. Trajtimi i gripit sezonal është njësoj sikur i ftohjes me  terapi simptomatike. Zbatohet një regjim i caktuar i higjienës dhe të ushqyerit, preferohet pushim, konsumim i shtuar i lëngjeve, vitaminave mineraleve, dezinfektimi i ambienteve të mbyllura, shmangia e kontaktit me persona të infektuar. Antibiotikët jepen vetëm në rast të infeksioneve sekondare, ndërsa te fëmijët me sëmundje kronike dhe imunitet të dobësuar preferohet imunoprofilaksa” – tha mjekja, Mevlane Islami.

Vaksinat antigrip, Sali: 60 mijë vaksina janë siguruar në kohë

Ministria e Shëndetësisë ndërkohë ka siguruar në kohë vaksinat për parandalimin e gripit sezonal . Ministri Bekim Sali thotë se  në dispozicion janë  60 mijë vaksina të dedikuara për personat që janë target i Ministrisë së Shëndetësisë , që nënkupton grupmoshat e rrezikuara si dhe shtatëzanat.

“Për herë të parë pas disa viteve ne jemi furnizuar në kohë me vaksinat për gripin sezonal. Kemi rreth 40 mijë vaksina të cilat i ka marrë Ministria e Shëndetësisë  dhe 20 mijë që janë donacion nga organizata ‘Pivi’. Edhe sivjet vazhdojmë me dinamikën e vitit të kaluar me 60 mijë vaksina do të jenë të mbuluar të gjitha  grupmoshat të cilat janë target i Ministrisë së Shëndetësisë çdo vit dhe ato janë pacientët me moshë mbi 65 vite , janë shtatzënat , fëmijët deri në moshën 6 vjeçare  dhe pacientët me sëmundje kronike” – tha Ministri i Shëndetësisë, Bekim Sali.

Ministri Sali fton  pacientët me sëmundje kronike  të fillojnë regjistrimin në sistem për caktim të terminit për vaksinim.

adv