Një ditë para mbylljes së afatit për aplikim, qeveria kompletoi dokumentacionin e nevojshëm dhe EMV përgatiti procedurat, për kontratat e furnizimit me energji elektrike. Industria ushqimore, ujësjellësi dhe shkollat nga sot mund të lidhin kontrata për rrymën, të cilët deri më tani kanë qenë në treg të lirë për furnizim nga instanca e fundit. Gjatë periudhës së krizës energjetike, deri në prill të vitit 2023, këtyre kategorive nuk do tu ndërpritet rryma.

“Ky vendim është marrë për të parandaluar rritjen e çmimeve të disa produkteve ushqimore, për të ruajtur vazhdimësinë në furnizimin me ujë dhe kullimin dhe pastrimin e ujit, si dhe për të siguruar energji elektrike për shkollat për mbarëvajtjen e mësimit gjatë periudhës vjeshtë-dimër. Është rënë dakord me përfaqësuesit e Odave nga sektorët e industrisë ushqimore të produkteve bazë që të gjithë të solidarizohen dhe disa tashmë kanë shpallur çmimet e mbuluara nga kjo masë të ulet 10%”, njoftojnë nga Qeveria e RMV-së.

Nga OEMVP thonë se kjo masë nuk është e mjaftueshme. Për të ulur koston e produkteve bazë, kërkojnë shtimin e subvencioneve në projektet për prodhim të rrymës përmes paneleve diellore. Sipas tyre, kjo do të jetë një zgjidhje afat gjate dhe jo vetëm për këtë sezon.

“Qeveria ti shfrytëzoj ato mjete, të cilat për fat të keq nuk është duke i shfrytëzuar në investimet kapitale ku e kemi një normë shumë të ulët të investimeve kapitale, atëherë të njëjtat ti dedikoj për mënjanimin dhe tejkalimin e krizës duke i subvencionuar pjesërisht jo vetëm rrymën energjetike për bizneset, por edhe të bëj një shtytje më të madhe në aspekt financiar sa i përket vendosjes së foto voltaikëve, të cilat dukshëm do ta ulin koston operative të bizneseve që do të rezultonte rënia e çmimeve të produkteve”, deklaroi Durim Zeqiri, OEMVP.

Sipas autoriteteve kjo masë mbulon tre kategori të konsumatorëve: kompanitë që prodhojnë produktet bazë, mishin, qumështin, bukën, vajrat etj, çmimi i energjisë elektrike për to do të jetë 80 euro/mwh. Përfshirja e ndërmarrjeve publike në fushën e menaxhimit të ujërave dhe impiantet e ujërave të zeza. Për to çmimi i energjisë elektrike do të jetë 95 euro /mwh. Për të pasur shkolla dhe spitale të ngrohta në këtë situatë krize, ekzekutivi vendosi që 365 shkolla fillore dhe 109 të mesme si dhe institucione shëndetësore t’i pajisë me çmim preferencial të energjisë elektrike nga ESM prej 95 euro/mwh.

adv

Janë gjetur dy alpinistët e humbur në Malin Sharr, njëri prej të cilëve pa shenja jete dhe trupi i të ndjerit është dorëzuar për obduksion ndërsa siç mëson Tetovasot bëhet fjalë për një shtetas të Belgjikës.

Gjat periudhës së kërkimit, njofton Tetovasot se një pjestarë i njësitit special EBR ka rënë në një teposhtëz prej 600 metrave ndërsa në këtë rëshqitje polici ka pësuar lëndime të rënda trupore dhe është dërguar në qendrën klinike në Shkup. Ndërkaq lëndime ka pësuar edhe kryeshefi i Sektorit për Punë të brendshme në Tetovë Amir Dalipi i cili për momentin është në gjendje të mirë shëndetësore me disa lëndime.

Vlen të theksohet se në ndihmë të ekipeve të shpëtimit gjatë të gjithë periudhës kanë qenë Zjarrfikësit e Tetovës, drejtori i parkut kombëtar Mali Sharr, Ibrahim Deari sidhe një alpinist i cili me vetëdëshirë ka qëndruar në vendin e ngjarjes!

adv

Deputetja e zonës 6 Rina Ajdari sot bashkë me Kryetarin e Parlamentit të Maqedonisë Talat Xhaferin ishin në takim me qytetarët e Gostivarit, më poshtë ua sjellim edhe postimin e plotë të Deputetes që e shpërndau në rrjetin e saj në Facebook:

‘ Sot në sheshin e qytetit të Gostivarit unë si deputete e zones 6 bashkë me Kryekuvendarin e Parlamentit të Maqedonisë së Veriut, Talat Xhaferi dhe kolegë tjerë ishim në takim me qytetarët ku i informuam për punën e Kuvendit.

adv

Janë gjetur dy personat të cilët u zhdukën në shpatet e malit Sharr në rajonin pranë të ashtuquajturës maja e Titos.

“Nga nga ana e ushëheqësit të Qendrës rajonale për menaxhimin e krizave (QRMK) Tetovë jemi njoftuar se shefi i Njësisë speciale të MPB-së i cili ka pësuar lëndime të rënda gjatë operacionit të shpëtimit është nxjerrë nga vendi i ngjarjes dhe aktualisht me automjet po dërgohet në Qendrën klinike”, njoftuan nga Qendra për menaxhim me kriza.

Personi i dytë i gjetur është i vdekur dhe ndodhet akoma në vendngjarje. Që i njëjti të transferohet, parapakisht duhet të kryhen procedurat përkatëse.

adv

Në njërën nga klinikat në Qendrën Klinike “Nënë Tereza” në Shkup, ka ndodhur përleshje mes dy kolegeve, njofton MPB.

“Me datë 07.11.2022 në ora 13:35 në Stacionin Policor Qendër, S.M.(47) nga Shkupi ka raportuar se rreth orës 12:00 në vendin e saj të punës në njërën nga klinikat në Kompleksin e klinikave “Nënë Tereza” është sulmuar fizikisht nga kolegja e saj. V.M.

Policia ka marrë masa për zbardhjen e rastit.

adv

Para Ministrit të Punëve të Jashtme të Republikës së Maqedonisë së Veriut, Bujar Osmani, i cili po viziton vendin tonë, kam qenë kategorik se jemi të obliguar që për hir të brezave të sotëm dhe të ardhshëm t’u kthejmë shpinën konflikteve dhe provokimeve që kemi parë, deklaroi ish-kryeministri bullgar dhe lideri i GERB-it, Boyko Borissov në takimin me Osmanin.

Borissov theksoi se ne kemi një rrugë të përbashkët drejt Evropës dhe shprehu shpresën se marrëdhëniet tona “do të përmirësohen e më mirë sepse ne jemi më të afërt si shtete dhe njerëz”.

“Unë shpreha besimin tim se gjërat e rëndësishme mes Bullgarisë dhe RMV-së po ecin përpara, por duhet të rregullojmë shoqërinë që të mos ndikohet nga gjëra të vogla dhe të ndalojmë veprimet provokuese, sepse mund të humbasim gjithçka që është arritur deri më tani në një çast.

M’u kujtua edhe situata me fishkëllimën e himnit kombëtar bullgar në ndeshjen e futbollit ndërmjet ekipeve tona dhe që pastaj të gjithë pyesnin se çfarë të keqe i kemi bërë fqinjëve tanë që meritojnë një trajtim të tillë.

Serbia dhe Kosova, Ukraina dhe Rusia, Turqia dhe Greqia, i gjithë rajoni është në konflikt. Na mbetet ne dhe Maqedonia e Veriut të hyjmë në një konflikt. Njerëzit duan të jetojnë mirë. Të kemi gaz, të kemi rrymë, të kemi prosperitet”, theksoi Borissov.

adv

Qendra për Menaxhim me Kriza në Maqedoni njofton se njëri prej alpinistëve të humbur në Malin Sharr është gjetur, ndërsa kërkimet për alpinistin e dytë vazhdojnë ende. Mirëpo, siç thuhet, terreni i vështirë dhe mjegulla e rëndojnë situatën.

Ende asnjë gjurmë nga alpinisti, i cili sipas dëshmisë së shokut të tij, kishte rënë nga shkëmbi pasi i ishte përkeqësuar gjendja shëndetësore.

Nga QMK bëjnë të ditur kërkimet do të vazhdojnë edhe gjatë ditës së sotme me helikopterë dhe dronë, por gjithmonë nëse kushtet atmosferike e lejojnë këtë gjë.

adv