Kënaqësi që sot pritëm në Kuvend zonjën Laurence Boone ministre e shtetit për Evropë dhe Punë të Jashtme të Republikës së Francës.

Gjatë diskutimit tim theksova se ne si vend tanimë kemi hyrë në një fazë aktive të procesit të anëtarësimit në Bashkimin Evropian dhe kjo edhe falë angazhimit dhe ndihmës së pakushtëzuar dhe të vazhdueshme nga ana e Republikës së Francës.

Ne erdhëm në këtë pikë sepse punuam me përkushtim posaçërisht me votimin e Propozimit francez këtu në Kuvend dhe se vendi ynë është shëndëruar në një partner të besueshëm për Bashkimin Evropian duke iniciuar reforma të qëndrueshme.

Sot Bashkimi Evropian dhe e gjithë Evropa qëndron përpara sfidave të mëdha, më
seriozja nga të cilat është ajo e sigurisë me luftën në Ukrainë, të cilat që të mund të menaxhohen kërkojnë unitet, bashkëpunim të ngushtë dhe dialog prandaj besoj se jemi në rrugën e duhur.

Duke qenë se Kuvendi ka rol aktiv dhe pozitiv në procesin e negociatave për hyrje në BE, ne bëjmë përpjekje të përbashkëta dhe të shpejta, të vendosim si prioritet forcimin e rolit të Kuvendit si forum për dialogun politik konstruktiv, veçanërisht për agjendën e reformave të BE-së dhe të finalizojmë me prioritet ndryshimet Kushtetuese përkatëse me qëllim që në Kushtetutë të përfshihen të gjithë qytetarët që jetojnë brenda kufijve të shtetit.

Proceset e shtetndërtimit në Ballkan janë të lidhura ngushtë me procesin e integrimit në rajon dhe atë në Bashkimin Evropian prandaj kemi filluar të punojmë fort drejt integrimit sa më të shpejtë të vendit; në fuqizimin e kapaciteteve shtetërore të mbrojtjes; reduktimin e fragmentimit dhe segregacionit të brendshëm; mbrojtjen nga sulmet kibernetike por edhe krijimin e kushteve që opozita të jetë bashkëpunuese, lojale dhe konstruktive kur bëhet fjalë për interesat shtetërore.

Bashkë me të gjitha vendet e Bashkimit Evropian gjindemi në një kontekst të ri gjeopolitik, një situatë tejet serioze në të cilën duhet të tregojmë maturi, dhe përkushtim pakompromis për të mbrojtur liritë dhe të drejtat e njeriut, për të përmirësuar nivelin e komunimit ndërkulturor por mbi të gjitha për të ruajtur paqen në Evropë.

🇲🇰🤝🇲🇫

adv

Nën moton “Kursejmë së bashku sot që të kemi edhe nesër”, Qeveria nga sot përmes aktiviteteve edukative informative do t’i motivojë qytetarët që të kursejnë energji elektrike. Do të paraqesë informacione të dobishme se si qytetarët mund ta përdorin energjinë elektrike në mënyrë më efikase dhe në këtë mënyrë të kursejnë.

“Llambat efikase energjetike kursejnë deri në 90 për qind të energjisë elektrike. Mbajtja e temperaturës në 22 gradë, në vend të 25 gradëve, kursen deri në 10 për qind të energjisë elektrike. Dushi i shkurtër kursen ujë, rrymë dhe para në llogarinë tuaj”, tha zëdhënësi i Qeverisë, Dushko Arsovski, duke përmendur shembuj me të cilët përmes aktiviteteve edukative planifikojnë të nxisin kursimin e energjisë elektrike.

Sipas disa analizave të ekspertëve, theksoi Arsovski, nëse respektohen këto dhe rekomandime të tjera, mund të kursehet deri në 50 për qind të energjisë elektrike.

Mesazh për kursimet ka dërguar edhe bashkëpunëtori i Qeverisë për energji, Viktor Andonov, i cili ka theksuar se qytetarët, institucionet dhe kompanitë janë shumë të rëndësishme në këtë proces dhe se secili duhet të bëjë një ndryshim të vogël në shtëpi apo në vendin e punës që do të thotë shumë për sistemin energjetik.

Bilanci energjetik për prodhimin e energjisë elektrike nga EMV tregon se dje nevojat e amvisërive dhe të konsumatorëve të vegjël janë plotësuar me prodhim vendor prej 10.786 megavat orëve dhe është blerë energji elektrike në vlerë prej 3.110 megavat orëve. Në termocentrale janë prodhuar 7.834 megavat orë, ndërsa burimet e rinovueshme të energjisë kanë prodhuar 2.952 megavat orë energji elektrike.

Qeveria miratoi Plan të kursimeve me udhëzime specifike për të gjitha organet e administratës shtetërore, kurse kursimet e institucioneve shtetërore që filluan ta zbatojnë planin nga 1 shtatori, siç ishte paralajmëruar, janë 20 për qind

adv

Edhe gjatë ditës së sotme për të di-satën ditë me radhë, 7 shkolla të mesme të Shkupit u ballafaquan me situatën e njëjtë, ndërprenë procesin edukativo-arsimorë, pasi rreth orës 9:30 në postat e tyre elektronike pranuan porosi me përmbajtje kërcënuese se nëpër objekte janë të vendosura bomba. Pas verifikimit, policia njoftoi se bëhet fjalë për alarme të rrejshme.

“Menjëherë pas raportimeve të marra, shërbimet policore kanë ndërmarrë masat për evakuim të sigurt të shkollave dhe më pas janë bërë kontrolle të detajuara nga ekipet për kontrolle antiterroriste dhe është konstatuar se bëhet fjalë për paraqitje të rreme”, njoftojnë nga MPB.

Ministri i punëve të brendshme Oliver Spasovski zotohet se shumë shpejt do të zbulohet njëri nga personat që dërgon postat elektronike me alarm të rrejshëm për bomba nëpër shkollat e mesme. Ai tha se institucionet janë të përkushtuara maksimalisht në këtë pjesë, ndërsa mbetet në qëndrimin se ky është një sulm hibrid ndaj shtetit.

“Unë vazhdoj të jem në qëndrimin se ky është një sulm hibrid mbi shtetin se është akt monstruoz pasi që pa dallim kush e bën këtë e bën me qëllim që të shqetësojë fillimisht nxënësit, prindërit , kuadrin e mësimdhënësve dhe të gjithë shtetin. Institucionet janë të përkushtuar maksimalisht në këtë pjesë, unë pres shumë shpejt, për një kohë të shkurtër të kemi realizim të zbulimit të njërit prej kryerësve”, deklaroi Oliver Spasovski, Ministër i Punëve të Brendshme.

Postat elektronike me alarme të rrejshme për bomba filluan t’u dërgohen shkollave nga data 26 tetor.

adv

Ministri i Mjedisit Jetësor dhe Planifikimit Hapësinor Naser Nuredini së bashku me zëvendësambasadoren e Suedisë Bibi Gramson dhe Drejtoren Ekzekutive të Eko-ndërgjegjësimi Ana Çoloviq iu bashkuan mbjelljes së fidaneve në parkun e qytetit në Shkup, nga ku u përcollën mesazhe për rëndësinë e sistemimit dhe mbjelljes së planifikuar të gjelbërimit urban në trajtimin e ndotjes së ajrit të ambientit dhe trajtimit të ndryshimeve klimatike.

“Sot, përmes mbjelljes simbolike të fidaneve këtu në parkun e qytetit në Shkup, dua që së bashku të kujtojmë rëndësinë dhe rolin e gjelbërimit urban në cilësinë e jetesës sonë. Gjelbërimi urban luan një rol të rëndësishëm në pastrimin e ajrit, i cili veçanërisht në këtë periudhë të vitit, pritet të jetë nën presion të madh për shkak të vendndodhjes së kryeqytetit, urbanizimit të intensifikuar, e tashmë edhe për shkak të krizës energjetike. Gjelbërimi duhet të ruhet, mirëmbahet dhe zgjerohet kudo që të jetë e mundur, duke përfshirë edhe shtëpitë tona.

Dua ta shfrytëzoj këtë mundësi dhe të apeloj deri tek qytetarët dhe institucionet, që të jemi të ndërgjegjshëm duke treguar aftësinë për t’u përshtatur. Le të bëjmë zgjidhje të zgjuara jo vetëm në mënyrën e ngrohjes, duke zgjedhur lëndë djegëse më efikase për mjedisin jetësor, por edhe në përdorimin e mençur të automjeteve dhe asgjësimin e duhur të mbeturinave si faktorë kyç të ndotjes, sepse në fund të ditës të gjithë e thithim ajrin e njëjtë. E drejta për një mjedis jetesor të pastër dhe të shëndetshëm është e drejta jonë, por edhe detyrim i secilit prej nesh ndaj mjedisit ku jetojmë”- tha ministri Nuredini.

Në pyetjen e gazetarëve nëse pritet rritje e ndotjes, ministri Nuredini tha:

– Fatkeqësisht kemi ndotje, por nëse shikojmë si ka qenë vitet e kaluara kemi një ulje të ndotjes së ajrit. Do të thotë që politikat tona që po përpiqemi të ndryshojmë ngrohjen e spitaleve, stacionet e policisë, kopshteve dhe shkollave kanë një efekt pozitiv. Nuk mund të them se çfarë do të ndodhë nesër, por duhet të them se jemi në krizë energjetike, i kuptoj edhe qytetarët që janë më të rrezikuar në kriza të tilla, por apeloj për ndërgjegjësim nga të gjitha institucionet, sektori privat dhe qytetarët.

Lidhur me kërkesat e kompanive të caktuara për ndërrimin e derivateve, Nuredini ka theksuar se për këtë ka procedura strikte ligjore dhe ligjet vlejnë për të gjithë. Nuredini ka theksuar se kompanitë duhet të vazhdojnë të përdorin gazin, sepse siç tha ai, çdo gjë që është më e lirë nuk do të thotë se është e mirë për qytetarët.

Mbështetje për aksionin ka dhënë edhe NP “Parqe dhe Gjelbërim”, e cila do të vazhdojë të kujdeset për gjelbërimin e rinovuar në park.

adv

Pa furnizim me energji elektrike sot do të jenë shfrytëzuesit e disa pjesëve të Bërnjarcës dhe Ilindenit, informoi QRMK pas njoftimit nga “EVN Maqedoni”.

Në periudhën prej orës 7 deri në orën 9 pa rrymë do të jenë shfrytëzuesit nga “Ars-Komerc” (“Vesa Kompani”) para urës për Haraçinë, ZIK “Kravarstvo” dhe fshati Bërnjarcë në Komunën e Haraçinës.

Prej orës 8:30 deri në orën 11:30, pa energji elektrike do të jenë shfrytëzuesit e rrugëve numër. 2, 3, 5, 6 dhe 7 në Ilinden.

adv